耶利米書 第 50 章 - 台語漢字羅馬本

1

耶和華託先知耶利米論巴比倫，論迦勒底人的地所講的話。

2

恁著傳報佇列邦中互聽見，著徛大旗；著互聽見，呣通隱瞞，講：巴比倫受攻破，彼勒見誚，米羅達拍歹。伊的佛攏見誚；伊的偶像攏拍歹。

3

「因為有一國對北方起來攻擊伊，欲互伊的地拋荒，無人徛起，人及精牲攏走去。」

4

耶和華講：「彼日、彼時，以色列人欲來，欲及猶大人相及來，欲行路，愈行愈哮，來尋的上帝──耶和華。

5

問錫安的事，面向遐，講：『來啦，恁著結永遠無記得的約來及耶和華聯合。』

6

「我的百姓做迷路的羊，的牧者互行差路，互越去山裡。對大山行到小山，記得安息的所在。

7

見若抵著的，欲吞食。諸個對敵講：『阮無罪；因為得罪耶和華，就是公義徛起的所在，也是的列祖所向望的耶和華。』

8

「恁著對巴比倫中逃走，對迦勒底人的地出去，著親像公的山羊佇羊群的頭前。

9

我欲激動多多大國對北方相及來攻擊巴比倫，欲排陣攻擊伊；伊欲對遐受攻破。的箭欲親像射的勇士的箭，攏無空空倒轉來。

10

迦勒底欲互人搶去；見若搶伊的攏欲滿意。這是耶和華講的。」

11

搶我的業者啊，因為恁歡喜快樂，因為恁跳來跳去親像踏五穀的牛母，也哮親像勇的馬。

12

恁的老母欲見誚到極，生你的的確漏氣。看啊，伊欲列佇諸個國的路尾，成做曠野、做乾燥的地、做沙漠。

13

因為耶和華的大受氣，的確無人徛起，欲全然拋荒。見若經過巴比倫的欲卬愕，也因為伊所抵著諸個災禍來恥笑伊。

14

開弓的人啊，恁著佇巴比倫四圍排陣，著射箭攻擊伊。莫得保惜恁的箭，因為伊有得罪耶和華。

15

恁著佇伊的四圍喝喊；伊已經投降。伊的營寨倒壞啦，城牆拆毀啦，因為這是耶和華報讎的事。恁著向伊報讎；伊怎樣款待人，也著按呢款待伊。

16

恁著對巴比倫剪除撒種的及收割的時抬鐮仔的。因為驚壓制的刀劍逐人欲倒去本族，逐人欲走到本所在。

17

「以色列是四散的羊，是互獅趕走的。代先是亞述王吞伊，路尾此個巴比倫王尼布甲尼撒，遏折伊的骨頭。」

18

所以萬軍的耶和華──以色列的上帝按呢講：「看啊，我欲刑罰巴比倫王及伊的地，親像我曾刑罰亞述王一樣。

19

我欲閣導以色列倒來伊的草場，伊欲佇迦密及巴珊食草，閣佇以法蓮山及基列地，伊的心得著飽足。」

20

耶和華講：「彼日，彼時欲查以色列的罪過，也攏總無；欲尋猶大的罪惡，也尋無；因為我所留的百姓我欲赦免。」

21

耶和華講：著上去攻擊米拉大翁的地，及比割徛起的百姓。著追一盡，照我一切所吩咐你的去行。

22

境內有交戰的聲及大毀滅。

23

拍全地的大支鎚怎樣拍折毀壞啊？巴比倫佇列國中怎樣拋荒啊？

24

巴比倫啊，我為你設活罩，你互你罩著也呣知。你互人尋著，掠著；因為你及耶和華做對敵。

25

耶和華已經開伊的軍藏局，抬出伊大受氣的器械；因為主──萬軍的耶和華有代誌佇迦勒底人的地。

26

恁著對極遠的邊界來攻擊伊，開伊的粟倉，伊成土堆，一盡滅伊，無留半項。

27

著伊一切的牛，互落去受。有災禍啊！因為辦的日，彼個期已經到。

28

（有對巴比倫地逃走出來者的聲，佇錫安報告耶和華──咱的上帝報讎，就是伊為著伊的殿來報讎。）

29

「著招集射箭的兵就是一切開弓者來攻擊巴比倫。佇伊的四圍紮營來拍伊，呣通互伊走一個，照伊所做的報應伊；伊怎樣款待人，著照按呢款待伊，因為伊驕傲悖逆耶和華──以色列的聖者。

30

因為按呢伊的少年人欲佇伊的街市倒落去。當彼日，一切的兵丁欲滅無。這是耶和華講的。」

31

主──萬軍的耶和華講：看啊，驕傲者啊，我做你的對敵，因為我辦你的日彼個期已經到。

32

驕傲者觸著跋倒，無人扶伊起來。我欲互火佇伊許個城起來，將伊四圍所有的一盡燒燎去。

33

萬軍的耶和華按呢講：「以色列人及猶大人平平受壓制；凡若掠者攏給伊顧住住，呣肯放伊去。

34

救贖者有大氣力，伊的名是萬軍的耶和華。伊欲伸的冤，互全地得著平安，亦互巴比倫徛起的百姓愕愕惙。」

35

耶和華講：有刀劍臨到迦勒底人及巴比倫徛起的百姓，及的貴族及的博士。

36

有刀劍臨到誇口的人，就成做戇；有刀劍臨到伊的勇士，就驚惶。

37

有刀劍臨到伊的馬，伊的車，及其中的雜色人；欲親像婦仁人一樣。有刀劍臨到伊的寶物，就受搶奪。

38

有亢旱臨到伊攏總的水，就欲焦啦去；因為這是雕刻偶像的地，人因為神佛來顛狂。

39

所以曠野的走獸及豺狼欲踮佇遐，刀劍亦欲踮佇彼中間，永永無人煙，代代無人徛。」

40

耶和華講：「的確無人徛起佇遐，亦無人寄腳佇中間，欲親像我──上帝捙倒所多瑪、蛾摩拉，及附近的城一樣。

41

看啊，有百姓對北方來，亦有大國及多多君王受激動，對地極來。

42

抬弓及槍，殘忍無憐憫；的聲親像海湧嘩嘩哮。騎馬排隊，親像上陣的人，巴比倫的城啊，欲攻擊你。

43

巴比倫王聽見的風聲，手就軟落去，痛苦給伊擒住，痛疼親像欲生子的婦仁人。

44

「看啊，伊欲親像獅對約但河邊的樹林起來，攻擊堅固徛起的所在。目　久，我欲互逃走，離開此個所在。是誰受揀選，我就派伊治理此個地。是誰會比得我？是誰會給我定一個期啊？有甚麼牧者會徛佇我的面前啊？

45

所以恁著聽耶和華所計劃攻擊巴比倫的計策，以及伊所註定攻擊迦勒底的旨意。定著欲將許個羊群的細者拖去，伊也欲互徛起的所在荒廢。

46

因為巴比倫倒壞的聲，地就振動，喉叫的聲聽佇列邦中。」