約伯記 第 19 章 - 台語漢字羅馬本

1
約伯應講:
2
恁互我的心憂苦,用話傷害我欲到底時啊?
3
恁這十擺凌辱我;恁歹款待我也無家己見誚。
4
我若果然有過失,這過失是在佇我家己。
5
恁果然欲對我誇口大,閣用我的凌辱責備我,
6
就著知這是上帝枉屈我,用伊的羅網圍我。
7
看啊,我因為冤枉來喉叫,也無得著聽;我哮救,也無得著公斷。
8
伊圍截我的路,互我得過去;閣互我的路徑黑暗。
9
伊褪去我的榮光,去我頭殼頂的冕旒。
10
伊佇四圍毀壞我,我就無去,我的向望拔起來親像拔樹。
11
伊的受氣烈烈攻擊我,伊掠我做伊的對敵的一個。
12
伊的軍兵一齊來,造的路來攻擊我,紮營佇我的布棚的四圍。
13
伊互我的兄弟隔開遠遠,相識的人及我生疏。
14
我的親人及我斷絕;我親密的朋友攏記得我。
15
寄腳佇我厝內的人,以及我的女婢攏看我做外人;看我做外邦人。
16
我叫我的奴僕,伊呣應,我著親嘴求伊。
17
我嘴的氣味,互我的某厭賤;及我像腹的,也厭賤我的臭味。
18
連囝仔也看輕我;我若起來,攏譏刺我。
19
我親密的朋友攏厭賤我;我平日所疼的人對我變面。
20
我的皮佇我的骨;我只有剩嘴齒岸。
21
我的朋友啊,恁著可憐我!可憐我!因為上帝的手摸著我。
22
恁啥事親像上帝窘迫我,掠我的肉做無通飽足嗎?
23
今願將我的話寫起來,閣記佇冊裡;
24
用鐵鏨,用鉛刻住佇石裡,互伊永永佇,
25
因為我知救贖我者是活的,日後伊欲徛佇土的頂面。
26
我此個皮敗壞了後,我欲佇肉體的外面得著見上帝。
27
我本身欲看見伊是為我者,我親目看見伊,呣是外人。我的心腸佇我的內面到溶去!
28
恁若講:阮欲怎樣窘迫伊?代誌的根本在佇我;
29
恁著驚刀劍;因為受氣就有刀劍的刑罰,互恁知有審判。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!