約伯記 第 36 章 - 台語漢字羅馬本

1
以利戶閣續接講:
2
你閣容允我霎仔久,我就欲指示你,因為猶有話欲為著上帝來講。
3
我欲對遠遠取我的智識,用義歸互創造我者。
4
因為我的話實在無白賊;有智識齊備者及你佇。
5
看啊,上帝大權能,攏無藐視人;伊的心思能力真大。
6
伊無保護歹人的生命,是互苦難者得著公平。
7
伊的目睭無離開義人,互及君王相及坐位到永遠,就得著升高。
8
若互鎖鍊縛,互苦難的索著,
9
伊就指示知的所做,以及所犯的重罪。
10
伊也開的耳孔來受教示,吩咐越轉來離開罪惡。
11
若聽趁來服事,就欲亨通過日,歷年安樂。
12
若呣聽趁,就欲互刀劍,戇戇來死。
13
許個心無敬虔的人積聚受氣;伊捆縛的時,也無哮救;
14
伊欲佇少年的時死,的生命喪失親像歹囝仔一樣。
15
伊用困苦來救困苦的人,用暴虐來開的耳孔。
16
伊引導你出危急,入佇寬闊無狹窄的地;排佇你的桌頂的是有油膩滿滿的。
17
你充滿歹人的擬議;就擬議及判斷欲掠你。
18
呣通容允受氣激動你,致到你侮慢;也呣通因為贖回的價錢大來行偏。
19
你的錢財,抑是你一切的勢力,豈有效驗,互你無抵著患難嗎?
20
莫得欣慕彼個暗暝,就是百姓佇的所在抵著除滅的時。
21
你著謹慎,呣通意向罪惡,因為你揀此個贏過苦難。
22
看啊,上帝用伊的能力來行大事;是誰做教師親像伊啊?
23
是誰會定著伊的路?是誰會講:你有行不義?
24
你著記得謳咾伊所行的做大,就是人所唱歌的。
25
人攏看見伊,人對遠遠看見伊。
26
看啊,上帝至大,咱呣識伊;伊的年的額算得。
27
因為伊吸引一滴一滴的水,就對伊的濕氣變成雨;
28
就是天所落的,來沃眾人。
29
是誰會明白雲怎樣展開,及伊行宮  哮的聲?
30
看啊,伊發出伊的光佇彼頂面;伊閣遮蓋海的底。
31
因為伊用諸個審判百姓,閣賞賜豐盛的米糧。
32
伊用電光遮手,命令伊拍著對敵。
33
伊的聲是表明伊,也用所欲起的大風雨指示精牲。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!