約伯記 第 39 章 - 台語漢字羅馬本

1
山裡的山羊底時生,你知嗎?鹿母生子,你看出嗎?
2
掛 底時夠月,你會算嗎?底時生,你會曉得嗎?
3
屈身生子,放出的勞苦。
4
的子漸漸肥博,佇山野長大;出去就無閣倒轉來。
5
是誰放野驢出去自由?是誰解山驢的索?
6
我用曠野做伊的厝,用鹹的地做伊徛起的所在,
7
伊恥笑城內的喧嘩,趕精牲的喝,伊也呣聽。
8
遍山是伊的草場;伊也尋逐樣青翠的物。
9
野牛豈肯服事你?抑是歇佇你的槽邊?
10
你會用索縛野牛佇犁溝嗎?伊欲隨你耙山谷嗎?
11
豈通因為伊力大就倚靠伊?豈通用你的工交代伊嗎?
12
你豈通信靠伊帶你的種子倒來;閣收拾你的五穀場嗎?
13
鴕鳥的翅歡喜搧;總是伊的翅及毛有慈愛無?
14
因為伊放拺伊的卵佇地裡,互伊佇土沙得著燒烙;
15
無想著腳會 著,野獸會踏著。
16
伊無可憐伊的子,親像呣是伊的;伊的著磨空空,伊也無掛慮,
17
因為上帝互伊無智慧,也無互伊有靈竅。
18
伊挺身高高的時,就藐視馬及騎馬者。
19
馬的力是你互伊嗎?你用會 起來的鬃伊的頷頸嗎?
20
你互伊趒跳親像草蜢嗎?伊展威滂滂哮真通驚。
21
伊佇山谷中用蹄耙土,家己歡喜伊的力;伊出去迎接兵器。
22
伊藐視通驚的事也無,也無因為刀劍來越倒轉。
23
箭袋及光爁爁的槍,以及手鏢佇伊的身上鏗鏗哮有聲。
24
伊發性及大受氣將土吞落去;一下聽見哨角的聲就呣定定徛。
25
見若哨角鳴,伊就講啊哈;伊對遠遠鼻見交戰,及軍長親像雷的聲以及喝喊的聲。
26
鴟鴞飛,展開伊的翅向南去,豈是靠你的智慧嗎?
27
鷹鳥淐高佇高的所在作巢,是趁你的命令嗎?
28
伊踮佇石坪,徛起佇山尖及堅固的所在,
29
對遐尋食物,目睭金金看遠遠。
30
伊的子吸血;受的佇叨落,伊也佇遐。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!