約伯記 第 6 章 - 台語漢字羅馬本

1
約伯應講:
2
願我的憂悶過秤重,願我一切的災害平平下佇天秤;
3
的確比海沙卡重,所以我的話亂亂講。
4
因為全能者的箭射著我;我的心神飲著伊的毒;上帝互我驚的事排陣攻擊我。
5
野驢有草豈欲出聲?牛有草料豈欲哮嗎?
6
物 無參鹽豈會食得嗎?卵的清豈有滋味嗎?
7
我的心厭賤呣愛磕著的,做我歹味素的食物。
8
願我得著所求的,我所欣慕的願上帝賞賜我;
9
就是願上帝壓碎我,放伊的手來絕我的生命。
10
若按呢,我就得著安慰,佇痛苦無得著憐憫的中間猶會快樂,因為我無違背至聖者的話。
11
我有甚麼氣力互我猶向望?我有甚麼結局互我猶通吞?
12
我的力豈是石的力?我的肉豈是銅的嗎?
13
幫助我的豈呣是攏無去嗎?我的智慧豈呣是離開我去嗎?
14
絕望的人,就若無敬畏全能的主,伊的朋友也著用仁慈款待伊。
15
我的兄弟誤我,親像溪,閣親像溪水流過的底。
16
因為有冰塊就濁,有雪囥佇彼內面;
17
燒烙的時陣就消無,熱的時就對的所在乾去。
18
沿溪歸陣行的人彎來越去,上到拋荒的所在就死。
19
提瑪歸陣行的人瞭望;示巴歸群的人聽候。
20
為著所向望來見誚,到地就漏氣。
21
今恁真正無物,看見通驚的事就。
22
我豈曾講:請恁互我,抑是對恁的財產用物送我?
23
抑是救我脫離對敵的手啊?抑是贖我脫離強暴的人的手啊?
24
請恁教示我,我就靜靜;也互我明白佇甚麼事有錯誤。
25
正直的話,伊的力大到怎樣!總是恁辯駁是辯駁甚麼?
26
恁想欲辯駁人的話嗎?絕望的人的言論是親像風。
27
恁拈鬮愛得著無父的子,用你的朋友做買賣的物。
28
今請恁甘願看我,我決斷無當恁的面來講白賊。
29
請恁越轉,呣通有不義,閣越倒轉,我的公義猶久佇。
30
我的舌有不義嗎?我的嘴分別災害嗎?

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!