約伯記 第 7 章 - 台語漢字羅馬本

1
人佇世間豈呣是勞苦的時期嗎?伊的日子豈呣是親像倩工人的日子嗎?
2
親像奴僕切切欣慕日落的影,親像倩工人向望工錢;
3
我也按呢一定經過多多空虛的月,閣有厭倦的暝給我定著。
4
我倒的時就講:甚麼時通起來,暝到許長?我翻來翻去,直直到天光。
5
我歸身軀攏是蟲及歸塊的土;我的皮膚收嘴就閣出膿。
6
我的日子比梭卡緊,直直過去無所向望。
7
著記得我活命,若喘一個氣;我的目睭閣看見好景。
8
看我的人,伊的目睭欲無閣看見我;你的目睭欲相我,總是我無佇。
9
雲消散就過去;按呢,人落陰間也閣起來。
10
伊無閣到來家己的家;本所在也無閣認得伊。
11
所以我無欲約束我的嘴;我的神憂苦,我欲按呢講出;我的心苦痛,我欲按呢分訴。
12
我豈是大海,抑是蛟龍嗎?你竟然設一個監視我的啊?
13
我若講:我的眠床欲安慰我,我的床舖欲解我的憂悶,
14
你就用眠夢互我驚,用異象互我,
15
致到我愛摧死,愛死無,卡贏剩諸個骨。
16
我厭恨生命,呣愛永遠活。願你出在我,因為我的日子攏是空虛。
17
人是甚麼,致到你掠伊做大,致到你將伊掛佇心裡?
18
致到你逐早起鑑察伊,時刻試驗伊?
19
你欲到底時才越轉無看我,寬我霎仔久,互我吞涎唧?
20
鑑察人的啊,我若有罪,礙著你甚麼?你啥事用我做你箭靶,致到我看家己做重擔?
21
你啥事呣赦免我的過失,除去我的罪過?因為我今欲倒佇塵埃;你欲致意尋我,總是我已經無佇。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!