約書亞記 第 3 章 - 台語漢字羅馬本

1

天光約書亞透早起來，及以色列眾人攏離開什亭，來到約但，猶未過去就歇佇遐，聽候過河。

2

過三日，官長遍行營中，

3

命令百姓講：「恁看見耶和華──恁上帝的約櫃，閣看見祭司利未人扛伊的時，著離開恁的所在，來隨的後面。

4

總是恁及約櫃相離約略著量二千肘的遠，呣通迫近伊，互恁知所著行的路，因為恁平時呣曾行此條路。」

5

約書亞對百姓講：「恁著家己聖潔，因為明仔日耶和華欲佇恁中間行奇事。」

6

約書亞閣吩咐祭司講：「恁扛約櫃起來，佇百姓的頭前行。」就扛約櫃起來，行佇百姓的頭前。

7

耶和華對約書亞講：「對今仔日起，我欲互你佇以色列眾人的目睭前做大，互知我及你佇，親像前及摩西佇一樣。

8

你著吩咐扛約櫃的祭司講：『恁到約但水邊的時，著停腳佇約但。』」

9

約書亞對以色列人講：「恁近前來，聽耶和華──恁上帝的話。」

10

約書亞閣講：「對按呢恁通知，活的上帝佇恁中間，欲佇恁的頭前趕逐迦南人、赫人、希未人、比利洗人、革迦撒人、亞摩利人、耶布斯人；

11

看啊，普天下的主宰的約櫃欲佇恁的頭前過去，入約但。

12

恁今著對以色列支派中揀十二人，每支派一個人，

13

到扛普天下的主耶和華的約櫃的祭司，的腳徛佇約但河的水，約但河的水，就是對頂面流落來的水，欲截斷，　起來歸堆。」

14

百姓離開布棚欲過約但的時，祭司就扛約櫃佇百姓的頭前。

15

（佇收成的時約但的水常常過伊的岸。）扛約櫃的到約但，扛約櫃的祭司，腳一下搵著水，

16

彼個對頂面流落來的水，就　起來歸堆，相離真遠、佇撒拉但邊頭的亞當城；彼個流佇亞拉巴海，就是鹽海，許個水全然截斷。百姓就佇耶利哥的對面過去。

17

扛耶和華約櫃的祭司佇約但的乾地定定徛，以色列眾人攏對乾地過去，直到百姓一盡過約但。