士師記 第 1 章 - 台語漢字羅馬本

1

約書亞死了後，以色列人問耶和華講：「是誰著做頭上去給阮攻擊迦南人，及交戰？」

2

耶和華講：「猶大著上去，看啊，我已經將彼個地交佇伊的手。」

3

猶大對伊的兄西緬講：「請你及我上去到我所拈著的地，及迦南人交戰；我也欲及你去到你所拈著的地。」西緬就及伊去。

4

猶大就上去；耶和華將迦南人及比利洗人交佇的手。佇比色拍死一萬人，

5

閣佇比色抵著亞多尼比色，及伊交戰，贏迦南人及比利洗人。

6

亞多尼比色逃走；追伊，掠著伊，剉斷伊的手伊的腳的大哺拇。

7

亞多尼比色講：「前有七十個王，手及腳的大哺拇攏剉起來，佇我的桌腳拾食物。今上帝照我所行的報應我。」帶伊到耶路撒冷，伊就死佇遐。

8

猶大人攻擊耶路撒冷，取伊，用刀死，閣放火燒城。

9

後來猶大人落去，及踮佇山地、南勢的地，平洋的地的迦南人交戰。

10

猶大閣去拍許個徛起希伯崙的迦南人，死示篩、亞希幔、撻買。希伯崙前名叫基列亞巴。

11

伊對遐去拍底璧徛起的百姓；底璧前名叫基列西弗。

12

迦勒講：「若有人拍基列西弗來取伊，我欲將我的查某子押撒互伊做某。」

13

迦勒的小弟基納斯的子俄陀聶取伊，伊就將伊的查某子押撒互伊做某。

14

押撒過門的時，勸丈夫對老父討一區田。押撒對驢落來，迦勒問伊講：「你欲甚麼啊？」

15

伊對伊講：「求你賜福我，你已經安置我佇南方的地，求你互我水泉。」迦勒就用頂的水泉下的水泉互伊。

16

摩西的外戚是基尼人，伊的子孫及猶大的子孫對棗樹城相及上去，到亞拉得南勢猶大的曠野，及百姓相及徛起。

17

猶大及伊的兄西緬相及去，拍死徛起佇洗法的迦南人，一盡毀滅伊，彼個城就名叫何珥瑪。

18

猶大閣取加薩及伊的境界，亞實基倫及伊的境界，以革倫及伊的境界。

19

耶和華及猶大相及佇，伊就趕出山地徛起的百姓，總是會趕出平洋徛起的百姓，因為有鐵車。

20

照摩西所講的，用希伯崙互迦勒；伊就對遐趕出亞納三個子。

21

便雅憫人無趕出徛起佇耶路撒冷的耶布斯人。耶布斯人猶原佇耶路撒冷及便雅憫人相及徛起，到今仔日。

22

約瑟家也上去攻擊伯特利；耶和華及相及佇。

23

約瑟家差人去偷看伯特利（彼個城頭先名叫路斯）。

24

做偵探的看見一人對城內出來，就對伊講：「求你用入城的路報阮知，阮欲好款待你。」

25

彼人就報入城的路，就用刀拍死城內的百姓，獨獨放彼人及伊全家去。

26

彼人去赫人的地，起一座城，號名叫路斯。到今仔日猶叫此個名。

27

瑪拿西也無趕出伯善及伊的鄉社的百姓，他納及伊的鄉社的百姓，多珥及伊的鄉社的百姓，以伯蓮及伊的鄉社的百姓，米吉多及伊的鄉社的百姓；迦南人就決意徛起佇許個地方。

28

到以色列強盛，就互迦南人做苦工，無一盡趕出。

29

以法蓮也無趕出徛起佇基色的迦南人。迦南人就佇中間，猶原徛起佇基色。

30

西布倫也無趕出基倫的百姓及拿哈拉的百姓。迦南人就猶原徛起佇中間，來做苦工。

31

亞設也無趕出亞柯徛起的百姓及西頓、亞黑拉、亞革悉、黑巴、亞弗革、利合徛起的百姓。

32

亞設人住佇徛起彼所在迦南人的中間，因為無趕出去。

33

拿弗他利無趕出伯示麥徛起的百姓、伯亞納徛起的百姓，拿弗他利就住佇徛起彼所在迦南人的中間；總是伯示麥及伯亞納徛起的百姓攏做苦工。

34

亞摩利人強迫但的人徛起佇山地，無容允落去平洋；

35

亞摩利人就決意徛起佇希烈山佇亞雅倫佇沙賓。後來約瑟家強盛，互做苦工。

36

亞摩利人的地界，是對亞克拉濱山坪，對西拉上去。