
利未記 第 17 章 - 台語漢字羅馬本
- 1
- 耶和華吩咐摩西講:
- 2
- 「你著吩咐亞倫及伊許個子及以色列的眾人講,耶和華所命令的就是按呢講:
- 3
- 見若屬以色列家的人牛,抑是綿羊仔,抑是山羊,無論佇營內抑是佇營外,
- 4
- 若無代先牽到會幕門口、來耶和華的會幕前獻互耶和華做禮物,刺血的罪欲歸佇彼人。伊有刺血,彼人欲對伊的百姓中剪除。
- 5
- 這是為著以色列人將佇田野所獻的祭帶到會幕門口、耶和華的面前,交互祭司,獻互耶和華做謝恩的祭。
- 6
- 祭司著將血灑佇會幕門口、耶和華的壇頂,將油燒做芳芳的味,獻互耶和華。
- 7
- 呣通閣獻祭佇行邪淫所趁的鬼怪;這欲做逐世代永遠的例。
- 8
- 「你著對講:見若屬以色列家的人,抑是寄腳佇中間的外人,獻燒祭抑是祭物,
- 9
- 若無帶到會幕門口獻互耶和華,彼人著對伊的百姓中受剪除。
- 10
- 「見若屬以色列家的人,抑是寄腳佇中間的外人,若食甚麼血,我欲對彼個食血的人變面,對伊的百姓中剪除伊。
- 11
- 因為肉的活命在佇血。我用伊賞賜恁,通佇壇頂為恁的活命贖罪;因為血內有活命,所以會贖罪。
- 12
- 所以,我對以色列人講:恁攏呣通食血;寄腳佇恁中間的外人也呣通食血。
- 13
- 見若以色列人,抑是寄腳佇中間的外人,若拍獵得著會食得的禽獸,著刺伊的血出來,用土蓋伊。
- 14
- 「論到一切有肉身的活命,伊的血就是伊的活命。所以我對以色列人講:無論甚麼肉身的血,恁攏呣通食,因為一切肉身的活命就是伊的血。見若食伊的人,的確受剪除。
- 15
- 見若食家己死的物,抑是互野獸拆裂的,無論是本地人,抑是外人,的確無清氣到下昏,攏著洗伊的衫,用水洗身軀,到下昏才清氣。
- 16
- 總是伊若無洗衫,洗身軀,就著擔當伊的罪過。」
如需更多版本聖經,請到台灣聖經公會聖經網站瀏覽與查詢 |
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您! |