路加福音 第 19 章 - 台語漢字羅馬本

1
耶穌入耶利哥,過去的時,
2
有一人名叫撒該,是做抽餉的頭人,也是好額。
3
伊愛欲看耶穌是甚麼人;若是人多,看著,因為伊身軀矮細,
4
就走做前,絔上桑材樹,欲看伊,因為耶穌欲對遐過。
5
耶穌到彼位,抬頭看伊,講:「撒該,緊緊落來!因為今仔日我的確著你的家。」
6
就緊緊落來,歡喜接納伊。
7
眾人看見,耦耦唸講:「伊入去歇佇歹人的厝。」
8
撒該徛對主講:「主啊,我將所有的一半互喪鄉人;若是曾彎甚麼人,就將四倍賠伊。」
9
耶穌對伊講:「今仔日拯救到佇此個家,為著伊也是亞伯拉罕的子孫。
10
因為人子到,是欲尋失落的,來救伊。」
11
聽見諸個話的時,耶穌閣設一個譬喻,是因為伊已經近耶路撒冷,也拍算上帝的國欲連鞭顯明,
12
伊就講:「有一個尊貴的人去遠遠的所在,欲受封來得著國才倒轉來,
13
就叫伊十個奴僕,用銀十斤互,對講:『去做生理,到我倒來。』
14
總是伊本國的百姓怨恨伊,差使者隨後去,講:『阮呣愛此人做阮的王。』
15
伊得著國倒轉來,就吩咐叫許個對伊領銀的奴僕來,愛欲知做生理所趁的。
16
頭一個來伊的面前,講:『主啊,你一斤的銀已經趁十斤啦。』
17
伊給伊講:『好啊!好的奴僕,因為你佇至小可的事已經盡忠,今互你管十個城。』
18
彼個第二個來,講:『主啊,你一斤的銀已經得著五斤啦。』
19
伊也給伊講:『互你也管五個城。』
20
閣一個來講:『主啊,你看,你一斤的銀佇遮,我用手巾包囥。
21
因為我驚你,你是嚴愒的人;提所無下的,割所無撒的。』
22
伊給伊講:『歹的奴僕啊,就你所講的我欲擬斷你。你既然知我是嚴愒的人,提所無下的,割所無撒的,
23
啥事呣將我的銀去橐佇錢店,到我來的時,通連彼個利息續提。』
24
就給邊仔徛的人講:『將伊一斤的銀給伊提來,互彼個有十斤的。』
25
給伊講:『主啊,伊有十斤啦。』
26
『我給恁講,見若有的,欲互伊;無的,連伊所有的也欲給伊提去。
27
若是我許個對敵,呣愛我做的王的,著拖來,佇我的面前死!』」
28
耶穌講息,進前行,上耶路撒冷。
29
行近伯法其及伯大尼,佇彼個名叫橄欖的山,就差二個學生,講:
30
「恁去對面的鄉社,入去的時,欲抵著一隻驢仔縛佇遐,猶未曾有人騎的,解開給伊牽來。
31
若有人問恁解驢欲啥事?恁著講:『主欠用伊。』」
32
所差的人去,果然抵著照伊所給講的。
33
解驢仔的時,主人對講:「解驢仔欲啥事?」
34
講:「主欠用伊。」
35
就牽伊就近耶穌,將的衫披佇驢仔頂,扶耶穌騎伊。
36
伊行的時,人用的衫舖佇路裡。
37
已經近,欲落橄欖山,歸陣的學生就歡喜,大聲謳咾上帝,為著所看見攏總的權能,
38
講:佇主的名來的王應該得著謳咾!佇天裡和平;佇至高的位榮光。
39
眾人中有幾若個法利賽人對伊講:「先生啊,著責備你的學生!」
40
伊應講:「我給恁講,若靜靜,許個石頭欲喉叫。」
41
已經近,看見城,就為著伊啼哭,
42
講:「設使你佇此日若知關係平安的事;總是今對你的目睭隱密。
43
因為時日欲到,你的對敵欲周圍起土城,來圍你,四面困苦你,
44
閣欲互你及你內中的子兒攏倒地,無留二塊石相褡,因為你呣知眷顧你的日。」
45
已經入殿堂,就趕出許個賣物的,
46
給講:「有記載講:我的厝欲做祈禱的厝,若是恁互伊做賊巢。」
47
耶穌日日佇殿裡教示人。諸個祭司頭經學士以及百姓的序大計謀欲滅伊,
48
總是尋無步,因為百姓攏致意聽伊。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!