瑪拉基書 第 4 章 - 台語漢字羅馬本

1
萬軍的耶和華講:「看啊,彼日欲到,親像火爐,見若驕傲者及行歹者欲親像草幼,彼個欲來的日欲一盡燒伊,根及枝攏無留。
2
獨獨恁敬畏我的名的人,欲有公義的日起來照恁,伊的翅有醫治的功效。恁欲出來趒跳親像 內肥的牛仔。
3
佇我所定著的日,恁欲睭踏歹人,因為欲做火灰佇恁的腳下。這是萬軍的耶和華講的。
4
「恁著記得我的奴僕摩西的律法,就是我佇何烈為著以色列眾人所吩咐伊的,就是律例及法度。
5
「看啊,耶和華大閣通驚的日未到的代先,我欲差先知以利亞到恁遐。
6
伊欲互做老父者的心越轉向伊的子,做子者的心,越轉向伊的老父,免得我來咒詛此個地。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!