瑪拉基書 第 4 章 - 台語漢字羅馬本

1

萬軍的耶和華講：「看啊，彼日欲到，親像火爐，見若驕傲者及行歹者欲親像草幼，彼個欲來的日欲一盡燒伊，根及枝攏無留。

2

獨獨恁敬畏我的名的人，欲有公義的日起來照恁，伊的翅有醫治的功效。恁欲出來趒跳親像　內肥的牛仔。

3

佇我所定著的日，恁欲睭踏歹人，因為欲做火灰佇恁的腳下。這是萬軍的耶和華講的。

4

「恁著記得我的奴僕摩西的律法，就是我佇何烈為著以色列眾人所吩咐伊的，就是律例及法度。

5

「看啊，耶和華大閣通驚的日未到的代先，我欲差先知以利亞到恁遐。

6

伊欲互做老父者的心越轉向伊的子，做子者的心，越轉向伊的老父，免得我來咒詛此個地。」