尼希米記 第 3 章 - 台語漢字羅馬本

1

彼時，祭司頭以利亞實及伊的兄弟許個祭司起來起造羊門，分別伊做聖，安彼個門扇，就是到哈米亞的守更樓，也到哈楠業的守更樓，分別做聖。

2

接續伊者，是耶利哥人起造。接續伊者是音利的子撒刻起造。

3

哈西拿許個子起造魚門，下伊的楹，安伊的門扇，及伊的鎖，伊的楗。

4

接續伊者是哈哥斯的孫、烏利亞的子米利末修理。接續伊者是米示薩別的孫、比利迦的子米書蘭修理。接續伊者是巴拿的子撒督修理。

5

接續伊者是提哥亞人修理；總是的貴族無擔當的主的工。

6

巴西亞的子耶何耶大及比所玳的子米書蘭修理舊門，下伊的楹，安伊的門扇及伊的鎖，伊的楗。

7

接續伊者是基遍人米拉提，米倫人雅頓及基遍人，及屬河外的總督所管的米斯巴人修理。

8

接續伊者是金匠哈海雅的子烏設修理。接續伊者是做香料的哈拿尼雅修理。諸個人堅固耶路撒冷，到闊的牆。

9

接續伊者是管理耶路撒冷的一半的、戶珥的子利法雅修理。

10

接續伊者是哈路抹的子耶大雅佇家己的厝對面修理。接續伊者是哈沙尼的子哈突修理。

11

哈琳的子瑪基雅及巴哈摩押的子哈突修理一段，以及火爐的樓。

12

接續伊者是管理耶路撒冷彼一半的、哈羅黑的子沙龍及伊許個查某子修理。

13

哈嫩及撒羅亞徛起的百姓修理山谷的門，起造伊，安伊的門扇及伊的鎖，伊的楗，以及城牆一千肘，到糞埽的門。

14

管理伯哈基琳地的、利甲的子瑪基雅修理糞埽門，起造伊，安伊的門扇及伊的鎖，伊的楗。

15

管理米斯巴地的、各荷西的子沙崙修理水泉的門，起造伊，蓋伊，安伊的門扇及伊的鎖，伊的楗，以及倚近王園的西羅亞池的牆，到彼個對大衛城落來的崎仔。

16

接續伊者是管理伯夙地的一半、押卜的子尼希米修理，到大衛墳墓的對面，閣到開好的池，以及勇士的厝。

17

接續伊者是利未人巴尼的子利宏修理。接續伊者是管理基伊拉地的一半、哈沙比雅為伊所治理的地來修理。

18

接續伊者就是的兄弟管理基伊拉地彼一半、希拿達的子巴瓦伊修理。

19

接續伊者是管理米斯巴的、耶書亞的子以謝修理一段，就是佇上去軍藏局的對面越角的所在。

20

接續伊者是薩拜的子巴錄盡力修理一段，對越角，到祭司頭以利亞實厝的門。

21

接續伊者是哈哥斯的孫、烏利亞的子米利末修理一段，對以利亞實厝的門，到以利亞實厝的盡頭。

22

接續伊者是踮佇平洋的人許個祭司修理伊。

23

接續伊者是便雅憫及哈述佇伊的厝的對面修理。接續伊者是亞難尼的孫、瑪西雅的子亞撒利雅佇伊的厝的附近修理。

24

接續伊者是希拿達的子賓內修理一段，對亞撒利雅的厝到越角，閣到城角。

25

烏賽的子巴拉佇越角的對面及王高的厝出來的守更樓，倚近護衛的院彼一段。接續伊者是巴錄的子毗大雅修理。（

26

尼提寧踮佇俄斐勒，到向東水門的對面及出來的守更樓。）

27

接續伊者是提哥亞人閣修理一段，佇彼個出來的大樓對面，到俄斐勒的牆。

28

佇馬的門的頂面，許個祭司逐個佇伊的厝的對面修理。

29

接續伊者是音麥的子撒督佇家己的厝的對面修理。接續伊者是顧守東門、示迦尼的子示瑪雅修理。

30

接續伊者是示利米雅的子哈拿尼雅及薩拉的第六子哈嫩閣修理一段。接續伊者是比利迦的子米書蘭佇伊的房間的對面修理。

31

接續伊者是金工瑪基雅修理到尼提寧及生理人的厝，佇哈米弗甲門的對面，到城角的樓。

32

金工及生理人修理對城角的樓到羊門。