尼希米記 第 6 章 - 台語漢字羅馬本

1

參巴拉、多比雅、阿拉伯人基善及阮其餘的對敵聽見我城牆已經起好，其中無留一隙（彼時我卻未有安門扇），

2

參巴拉及基善就差人來見我，講：「請你來，咱佇阿羅平洋一個鄉社相會。」總是想欲害我。

3

我就差使者去見，講：「我今辦理大的工，會落去。豈可會離開伊落去見恁互此個工停止啊？」

4

按呢四擺差人來見我，我攏按呢應。

5

參巴拉第五擺就差伊的奴僕來見我，手提露封的批，

6

批內寫講：「外邦中有風聲，迦施慕也講，你及猶大人謀反，所以你起城牆，你欲做的王照諸個話；

7

你閣派先知佇耶路撒冷宣傳你的代誌講，佇猶大有王。今欲照諸個話奏王；所以請你來，咱相及議論。」

8

我就差人去見伊，講：「你所講此個事，一概無影，是你的心捏造的。」

9

因為攏愛互阮驚，意思講，的手欲酸軟，致到工做無成。上帝啊，求你堅固我的手。

10

後來我到米希大別的孫、第來雅的子示瑪雅的厝；彼時，伊關無出來。伊講：「咱著佇上帝的厝相會，佇殿裡關殿門；因為欲來你，就是佇暝時欲來你。」

11

我講：「親像我此號人豈通走嗎？親像我此號人豈通入殿來保全生命嗎？我呣入去！」

12

我看出知上帝無差伊，是伊家己講此個先知話來攻擊我，是多比雅及參巴拉賄賂伊。

13

賄賂的緣故，是欲互我驚，互我按呢行來犯罪，通報揚歹話來誹謗我。

14

我的上帝啊，多比雅、參巴拉、女先知羅亞底，及其餘許個先知攏是欲互我驚的，求你照的所行來記得。

15

以祿月二十五日，城牆已經起好，共五十二日。

16

阮一切的對敵聽見、四圍的外邦人攏驚，家己看是失敗；因為看見此個工做成是出佇咱的上帝。

17

當許個日，猶大的貴族沓沓寄批互多比雅，多比雅也用批互。

18

因為佇猶大有多多人及伊結盟；因為伊是亞拉的子，示迦尼的子婿，閣伊的子約哈難娶比利迦的子米書蘭的查某子做某。

19

常常佇我的面前講起伊的好所行，也將我的話傳互伊。多比雅閣常常寄批互我，欲互我驚。