民數記 第 11 章 - 台語漢字羅馬本

1

眾百姓耦耦唸，的歹話到耶和華的耳孔。耶和華聽見就大受氣，耶和華的火佇中間，燒佇營的邊角。

2

百姓對摩西哀求，摩西祈求耶和華，彼個火就熄。

3

彼所在就叫做他備拉，因為耶和華的火燒佇中間。

4

中間雜色人大興起貪慾的心；以色列人閣啼哭講：「是誰互阮肉通食啊？

5

阮記得，佇埃及的時食魚免錢，也記得有黃瓜、西瓜、韭菜、蔥仔、蒜仔。

6

今阮的精力枯焦無半項物，除嗎哪以外，佇阮的目睭前的無別項物。」（

7

此個嗎哪親像莞荽仁，款式親像真珠的款。

8

百姓四界行拾伊，有的用磨磨伊，有的用臼舂伊，佇鼎裡做餅，滋味親像調和油的食物。

9

暝時露水落佇營中，嗎哪也隨伊落。）

10

摩西聽見百姓的逐家逐人佇家己的布棚門口啼哭。耶和華大受氣，摩西也無歡喜。

11

摩西對耶和華講：「你啥事歹款待你的奴僕？我怎樣無佇你的面前得著恩典，你竟然用諸個百姓的擔下佇我的身上？

12

諸個百姓豈是我懷孕的，豈是我生的嗎？你竟然對我講：『抱佇胸前，親像養飼囝仔的老父抱食奶的嬰仔，到佇你咒誓賞賜的祖公的地。』

13

我欲對叨落得著肉互諸個百姓？因為攏對我啼哭講：『你著用肉互阮，互阮通食！』

14

諸個百姓的擔甚重，我家己擔當起。

15

你若按呢款待我，我若佇你的面前得著恩典，求你即時給我死，免互我看見本身的苦情。」

16

耶和華對摩西講：「你著聚集以色列的長老七十人來我遮，就是你所知做百姓的長老及官長的，導到會幕，互及你徛佇遐。

17

我欲降臨佇遐，及你講話，也欲將降落佇你頂面的神也降落佇，就及你相及擔當百姓的擔，免得你家己擔當。

18

也著給百姓講：『恁著互家己做聖，備辦明仔日通食肉，因為恁有啼哭互耶和華聽見講：是誰互阮食肉！因為阮佇埃及真好。所以耶和華欲互恁肉，互恁通食。

19

恁呣是食一日、二日、五日、十日、二十日，

20

欲食到一月日滿，到肉對恁的鼻孔出來，互恁厭惡，因為恁棄拺踮佇恁中間的耶和華，佇伊的面前啼哭講：阮啥事出埃及啊！』」

21

摩西講：「諸個及我踮的百姓、步行的大人有六十萬，也你講：『我欲互食肉，互通食到一月日滿。』

22

豈欲為羊群牛群，互食夠額？抑是為著聚集海內所有的魚，互食夠額嗎？」

23

耶和華對摩西講：「耶和華的手豈是短嗎？今你欲看我的話對你應驗抑無。」

24

摩西出去，將耶和華的話給百姓講，也招集百姓的長老七十人，互徛佇布棚的四圍。

25

耶和華佇雲中降臨，對摩西講話，將降落佇伊頂面的神也降落佇七十個長老。神臨到的時，就講先知的話，以後就無閣講。

26

總是有二人猶原佇營內，一個名叫伊利達，一個名叫米達。也記名在內，總是無到布棚遐。神臨到，就佇營內講先知的話。

27

有一個少年人走來給摩西講：「伊利達、米達佇營內講先知的話。」

28

跟隨摩西的，嫩的子約書亞，就是受揀的一人，講：「請我的主摩西禁止。」

29

摩西對伊講：「你替我妒忌嗎？願耶和華的百姓攏做先知！耶和華用伊的神降落佇的頂面！」

30

摩西及以色列的長老就倒去營內。

31

有風對耶和華出，將鵪鶉對海裡吹來，墜落佇營邊；此旁約略一日的路站，彼旁約略一日的路站，佇營的四圍遍遍是，離地約略有二肘。

32

百姓起來，通日通暝，及隔日的通日，掠鵪鶉；極少的也掠十賀梅珥，為本身排列佇營的四圍。

33

肉佇的嘴齒猶食未了，耶和華就對百姓發受氣，耶和華降大災禍來拍百姓。

34

彼個所在號名叫基博羅哈他瓦，因為佇遐埋葬貪慾的百姓。

35

百姓對基博羅哈他瓦行到哈洗錄，就踮佇哈洗錄。