民數記 第 25 章 - 台語漢字羅馬本

1

以色列人踮佇什亭，百姓就及摩押的查某囝仔行淫亂。

2

獻祭的上帝，請百姓來赴，百姓食的祭物，續跪拜的上帝。

3

以色列人及巴力毗珥聯合，耶和華就對以色列人發受氣。

4

耶和華對摩西講：「將百姓攏總的族長當頭白日吊死佇耶和華的面前，互耶和華的大受氣通對以色列消無。」

5

摩西就對以色列的審判官講：「見若屬恁的人，有及巴力毗珥聯合的，恁著死伊。」

6

摩西及以色列會眾抵仔佇會幕門口哭的時，忽然有以色列中一人，當目睭前，帶一個米甸的婦仁人到伊的兄弟遐。

7

祭司亞倫的孫，以利亞撒的子非尼哈看見，就對會中起來，手裡抬槍，

8

隨以色列人入亭仔內，鑿死二人，就是鑿透以色列人及彼個婦仁人的腹肚。按呢，佇以色列人的中間瘟疫就息。

9

彼時抵著瘟疫死的，二萬四千人。

10

耶和華吩咐摩西講：

11

「祭司亞倫的孫，以利亞撒的子非尼哈，互我所發的受氣消無佇以色列人；因為伊佇中間，用我的妒忌做妒忌，互我佇妒忌中無滅無。

12

所以，你著講：『看啊，我用我平安的約賞賜伊。

13

欲做伊及伊的後裔，永遠做祭司的職的約；因為伊為著伊的上帝有妒忌的心，閣為著以色列人贖罪。』」

14

彼個受的以色列人，就是及米甸的婦仁人相及受鑿死的，名叫心利，是撒路的子，是西緬支派中一族的首領。

15

彼個受鑿死米甸的婦仁人，名叫哥斯比，是蘇珥的查某子；此個蘇珥是米甸的百姓一族的頭人。

16

耶和華吩咐摩西講：

17

「你著窘迫米甸人，閣拍；

18

因為用詭譎的計謀窘迫恁，佇毗珥的事及的姊妹、米甸首領的查某子哥斯比的事，用詭譎的計謀引誘恁；此個哥斯比，當瘟疫流行的日，因為毗珥的事已經受鑿死。」