民數記 第 27 章 - 台語漢字羅馬本

1

屬約瑟的子瑪拿西的族，有瑪拿西的元孫，瑪吉的曾孫，基列的孫，希弗的子西羅非哈的查某子，名叫瑪拉、挪阿、曷拉、密迦、得撒。

2

進前來，徛佇會幕門口，佇摩西及祭司以利亞撒，以及眾首領及會眾的面前，講：

3

「阮老父死佇曠野。伊呣是佇可拉的黨內同黨聚集攻擊耶和華，是佇家己的罪中死；伊也無子。

4

啥事因為阮老父無子，就將伊的名對伊的族中除去啊？請佇阮老父的兄弟中分業互阮。」

5

摩西就將的案件排列佇耶和華的面前。

6

耶和華吩咐摩西講：

7

「西羅非哈的查某子所講的有情理。你的確著佇老父的兄弟中，分地互做業；著將老父的產業歸互。

8

你也著吩咐以色列人講：『人若死無子，就著將伊的產業歸互伊的查某子。

9

伊若無查某子，就著將伊的業互伊的兄弟。

10

伊若無兄弟，就著將伊的業互伊的老父的兄弟。

11

伊的老父若無兄弟，就著將伊的業互伊的族中至親的，伊就得著做業。』這欲做以色列人斷定著的例，是照耶和華所吩咐摩西的。」

12

耶和華對摩西講：「你上此個亞巴琳的山，看我賞賜以色列人的地。

13

看了後，你也欲倒祖，親像你的兄亞倫倒去一樣。

14

因為恁佇尋的曠野，當會眾計較的時，違背我的話，無佇淐出水的所在、會眾的面前尊我做聖。」（此個水就是佇尋的曠野加低斯的米利巴的水。）

15

摩西對耶和華講：

16

「賞賜活命互見若有肉體者的上帝耶和華啊，願你設立一人來治理會眾，

17

通佇的面前出去，也佇的面前入來，通導出去也導入來，免得耶和華的會眾親像無牧者的羊群一般。」

18

耶和華對摩西講：「嫩的子約書亞，伊的心內有聖神；你導伊來，按手佇伊的頂面，

19

互伊徛佇祭司以利亞撒及全會的面前，用職任命令伊，

20

閣對你的榮光分互伊，互以色列的全會攏聽趁伊。

21

伊著徛佇祭司以利亞撒的面前；以利亞撒著照烏陵的判斷，佇耶和華的面前替伊求問。伊及以色列全會的眾人攏著照伊的命令來出照伊的命令來入。」

22

摩西就照耶和華所命令伊的來行，伊導約書亞來，互伊徛佇祭司以利亞撒及全會的面前，

23

按手佇伊的頂面，用命令交託伊，是照耶和華託摩西所講的話。