詩篇 第 11 章 - 台語漢字羅馬本

1

〔大衛的詩，交互樂官。〕我是倚靠耶和華；恁啥事對我的神魂講：你著親像鳥飛去恁的山。

2

看啊，歹人張弓，安的箭佇弓弦，欲暗靜射心內正直的人。

3

地基若倒壞，義人猶會做甚麼？

4

耶和華佇伊的聖殿；耶和華的寶座佇天裡；伊的目睭看，伊的目睭鑑察世間人。

5

耶和華試驗義人；獨獨歹人及愛強暴者，伊的心怨恨伊。

6

伊欲將羅網拋佇歹人的身上；有火焰、硫磺，及熱熱的風，做杯中的份額。

7

因為耶和華是公義，伊歡喜公義；正直的人欲見著伊的面。