羅馬書 第 5 章 - 台語漢字羅馬本

1
所以咱已經對信稱做義,就對咱的主耶穌基督有及上帝和。
2
也倚靠伊,對信來入佇現今所帶的恩典,閣向望上帝的榮光來歡歡喜喜。
3
呣若按呢,就佇患難也歡歡喜喜;因為知患難生出吞 ,
4
吞 生出老練,老練生出向望;
5
也向望無致到見誚,因為上帝的疼對所賞賜咱的聖神來灌沃咱的心。
6
因為咱猶久軟弱的時,基督到期替有罪的人死。
7
因為替義人死的,oh得有;替好人死的,豈採有人敢。
8
若是上帝顯明伊本身疼咱的疼痛,因為咱猶久做罪人的時,基督替咱死。
9
何況咱已經佇伊的血得著稱做義欲對伊得著救,免得彼個受氣啊。
10
若咱猶久做對敵的時,對伊的子的死,得著及上帝復和;何況已經復和,欲佇伊的活得著救啊!
11
呣若按呢,咱現今已經對咱的主耶穌基督得著復和,就對伊也掠上帝做通誇口。
12
所以親像罪對一人入世間,死也對罪入;按呢死遍遍到佇眾人,因為眾人曾犯罪。
13
因為律法未到的時,罪已經佇世間;獨獨無律法佇,罪就無算數。
14
總是對亞當到摩西,連許個無犯罪親像亞當犯著禁令的款的,死也攏管轄。亞當是隨後到者的相對。
15
若是罪過不比恩賜,因為若對一人的罪過,眾人死,何況上帝的恩典,及佇耶穌基督一人恩典中的賞賜,充滿佇眾人啊?
16
閣對一人的犯罪,也不比恩賜,因為審判是對一人致到定罪,若是恩賜是對多多罪過致到斷做義。
17
因為若為著一人的罪過,死就對一人做王,何況許個受恩典及義的賞賜的充滿的,欲對耶穌基督一個佇活的中間做王啊?
18
按呢,親像對一擺的罪過,有致到眾人受定罪;就對一擺義的所行,也致到眾人受擬斷得著活。
19
因為親像對一人的違逆,互眾人做有罪的;就對一人的順趁,互眾人做有義的,也是按呢。
20
閣加參律法落去,欲互罪過加添多多;總是罪過多多,就恩典佇遐益發充滿。
21
就是親像罪曾做王佇死的中間;也欲互恩典親像按呢對義來做王,致到永活,是對咱的主耶穌基督。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!