羅馬書 第 9 章 - 台語漢字羅馬本

1
我佇基督講話真實無白賊,我的良心佇聖神及我相及做干證:
2
我有大憂悶,痛心無息;
3
因為我為著我的兄弟,我的骨肉的至親,就若本身受咒詛,離開基督也甘願。
4
是以色列人;有做子的名份、有榮光,有諸個約、有律法的傳授、有服事的禮儀,及諸個應允攏屬佇。
5
列祖是的祖,照肉體來論,基督也對出。伊是萬物的頂面,是上帝堪得謳咾到代代的。阿們!
6
呣是講上帝的話廢去。因為對以色列出的無一盡是以色列人,
7
也呣是因為做亞伯拉罕的後裔就一盡做子;獨獨「佇以撒的欲稱做你的後裔。」
8
這就是講,呣是肉體的子就算做上帝的子,獨獨應允的子才算做後裔。
9
因為應允的話是講:「照此個期我欲到,撒拉欲有一個子。」
10
呣若按呢,閣有利百加,對咱的祖以撒一人來懷孕,(
11
子猶未出世,好歹猶未行,欲互上帝揀選人所定著的旨意會久長佇,呣是出佇所行,是出佇召伊者。)
12
就給利百加講:「大的欲服事細的。」
13
親像所記載講:「我疼雅各;怨恨以掃。」
14
按呢咱欲怎樣講?上帝有不義嗎?斷斷呣是!
15
因為伊給摩西講:我欲憐憫我所憐憫的,我欲體貼我所體貼的。
16
照按呢看,不在佇意愛的,也不在佇行的,是在佇憐憫人的上帝。
17
因為聖經給法老講:「我互你興起,刁持欲用你顯明我的權能,也互我的名報揚佇普天下。」
18
按呢,伊隨意憐憫人,也隨意互人硬心。
19
你欲對我講:「怎樣伊猶嫌人?因為是誰逆伊的旨意?」
20
你此個人啊,你是誰反轉辯駁上帝啊?受造的物豈會對造伊的講:「你啥事創造我按呢?」
21
土的權豈呣是出在燒磁的人,平平對彼塊來做器具,一個貴氣一個下賤嗎?
22
設使上帝愛顯明伊的受氣,閣互人識伊的權能,就大大寬容吞 許個通受氣的器具,便便欲敗壞的;
23
也互人識伊榮光的富有到佇通憐憫的器具,伊所代先備辦欲得著榮光的。
24
就是咱諸個互伊所召的,呣若出佇猶太人,也出佇外邦人;
25
親像伊佇何西阿的冊講:呣是我的百姓,我欲稱做「百姓」;呣是得著疼的,我欲稱做「得著疼的」。
26
前佇啥所在給講:恁呣是我的百姓,佇遐欲稱做「真活上帝的子」。
27
以賽亞論以色列就叫講:「以色列諸個子,雖然的數額親像海沙,欲得著救的是許個所剩的若定;
28
因為主欲完全閣簡捷來成伊的話佇地裡。」
29
閣親像以賽亞代先講:若呣是萬軍的主給咱留一個種,就咱已經親像所多瑪及蛾摩拉一樣。
30
按呢,咱欲怎樣講?外邦人無追義,猶久得著義,就是對信的義。
31
若是以色列人追成義的法,也無得著彼個法。
32
這是怎樣?因為無對信,是對所行,著觸佇彼個互人著觸的石,
33
照所記載講:你看,我將互人著觸的石,跋倒人的石磐下佇郇城;見若信伊的人無致到見誚。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!