雅歌 第 1 章 - 台語漢字羅馬本

1
所羅門詩歌中的雅歌。
2
願伊用伊的嘴來唚我;因為你的愛情比酒卡好。
3
你的膏油芳閣好;你的名親像倒出來的膏油,所以眾查某囝仔攏疼你。
4
願你牽我,阮就走來隨你。王導我入伊的房內,阮欲因為你來歡喜快樂。阮欲紀念你的愛情,贏過好酒。疼你是應該的。
5
耶路撒冷的眾查某囝仔啊,我是黑,猶久生做好,親像基達的布棚,親像所羅門的帳簾。
6
呣通看我厘仔黑色是因為日曝我。我的老母諸個子曾受氣我,互我顧守葡萄園;總是我家己的葡萄園我無顧守。
7
我心所疼者啊,求你給我講,你佇甚麼所在飼羊?日中晝互歇佇甚麼所在?佇你同伴的羊群的邊仔,我啥事親像罩面的人啊?
8
女界中第一娞者啊,你若呣知,做你出去隨群羊的腳跡去,飼你的山羊仔佇牧者的布棚邊。
9
我所疼者,我比並你親像法老的車的馬。
10
你鬢邊的毛辮真娞;你的頷頸掛真珠的鍊仔真好看。
11
阮欲給你做金鍊仔,鑲銀紐仔。
12
王坐伊的桌的時,我哪噠的香油淐出伊的芳味。
13
我所戀愛者是做我一包的沒藥,帶佇我的胸前。
14
我所戀愛者是做我一葩的指甲花,佇隱基底的葡萄園內。
15
我所疼者,看啊,你真娞!看啊,你真娞!你的目睭親像鴿。
16
我所戀愛者啊,看啊,你真娞,實在通歡喜!咱的眠床攏是青綠的色。
17
咱的厝的楹仔是柏香柴,伊的角仔是松柏柴。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!