撒迦利亞 第 13 章 - 台語漢字羅馬本

1

「當彼日，欲為著大衛的家及耶路撒冷徛起的百姓開一個水泉，洗除罪惡及垃墋。」

2

萬軍的耶和華講：「當彼日，我欲對此個地方除去偶像的名，無閣互人紀念；也欲互先知及污穢的神離開此所在。

3

若有人讖語，生伊的父母欲給伊講：『你得著活，因為你託耶和華的名講白賊。』生伊的父母佇伊讖語的時，欲將伊鑿透。

4

彼日，許個先知逐個佇讖語的時欲為著的異象來見誚，無閣穿有毛的衫來騙人。

5

伊欲講：『我呣是先知，我是作穡人；我對細漢就做人的奴僕。』

6

有人欲問伊講：『你二手的中間是甚麼傷啊？』伊欲應講：『這是我佇朋友的家中所受的傷。』」

7

萬軍的耶和華講：刀劍啊，著起來，攻擊我的牧者也攻擊彼個及我做同伴的人。拍牧者，羊群就四散；許個微細者，我欲越轉手到佇。

8

耶和華講：此個全地的人，二份欲受剪除來死，一份欲留。

9

我欲互此個三份一經過火，鍛煉，親像鍛煉銀；試煉，親像試煉金。欲求叫我的名，我欲應。我欲講：這是我的百姓。也欲講：耶和華是我的上帝。