使徒行傳 第 28 章

1

(THR) Góan í-keng tit-tio̍h kiù, chiū chai hit ê hái-sū miâ kiò Bí-lī-tāi.

(BCL) 阮已經得著救，就知彼個海嶼名叫米利大。

2

(THR) Hoan-lâng ēng hán-tit ū ê jîn-ài khóan-thāi góan; in-ūi lo̍h hō͘ koh kôaⁿ, in chiū khí hé, chiap-la̍p góan chèng lâng.

(BCL) 番人用罕得有的仁愛款待阮；因為落雨，閣寒，就起火，接納阮眾人。

3

(THR) Pó-lô khioh chhâ chı̍t pé, hē tī hé-nı̍h; ū to̍k chôa, in-ūi hé jia̍t, chông-chhut-lâi, kā-tiâu tī i ê chhiú.

(BCL) 保羅拾柴一把，下佇火裡，有毒蛇，因為火熱出來，咬住佇伊的手。

4

(THR) Hoan-lâng khòaⁿ-kìⁿ to̍k mı̍h tiâu tī i ê chhiú, chiū saⁿ-kap kóng, Chit ê lâng tek-khak sī hiong-siú, sui-bóng hái-nı̍h tit-tio̍h kiù, Thian-lí bōe iông-ún i o̍ah.

(BCL) 番人看見毒物住佇伊的手，就相及講：「此個人的確是兇手，雖罔海裡得著救，天理容允伊活。」

5

(THR) Pó-lô pōaⁿ to̍k mı̍h tī hé-nı̍h, lóng bô siū siong.

(BCL) 保羅拂毒物佇火裡，攏無受傷。

6

(THR) Hoan-lâng thèng-hāu i chéng, á-sī hut-jiân sí, po̍ah-tó; thèng-hāu kú-kú, khòaⁿ-kìⁿ i bô tāi-chì, chiū hóan-tńg phah-sǹg kóng i sī sîn-bêng.

(BCL) 番人聽候伊腫，抑是忽然死跋倒；聽候久久，看見伊無代誌，就反轉，拍算講：「伊是神明。」

7

(THR) Hái-sū ê thâu-lâng, miâ Pō͘-pek-liû, ū chhân-hn̂g kūn tī hia; i chiap-la̍p góan, saⁿ jı̍t kú hó-lé saⁿ khóan-thāi.

(BCL) 海嶼的頭人，名部百流，有田園近佇遐；伊接納阮，三日久好禮相款待。

8

(THR) Tú-tio̍h Pō͘-pek-liû ê lāu-pē ū jia̍t-pīⁿ kap chòe-lī, tó-teh; Pó-lô jı̍p-khì chiū-kūn i, kî-tó, kā i hōaⁿ chhiú, i-hó i.

(BCL) 抵著部百流的老父有熱病及做痢倒。保羅入去就近伊，祈禱，給伊按手，醫好伊。

9

(THR) Tùi án-ni hái-sū tiong kî-û ê phòa-pīⁿ lâng ia̍h lâi tit-tio̍h i-hó;

(BCL) 對按呢，海嶼中其餘的破病人亦來，得著醫好。

10

(THR) in iā ēng chōe-chōe lé-sò͘ chun-kèng góan; khui chûn ê sî, chiong só͘ khiàm-ēng ê, sàng kàu chûn-nı̍h.

(BCL) 也用多多禮數尊敬阮；開船的時，將所欠用的送到船裡。

11

(THR) Kè saⁿ ge̍h jı̍t, góan tah A-le̍k-san-tāi ê chûn khí-sin, hit chiah chûn hō chòe Tiu-sū ê Siang-siⁿ-kiáⁿ, sī tī chit ê hái-sū kè tang-thiⁿ ê.

(BCL) 過三月日，阮搭亞歷山大的船起身；彼隻船號做「宙斯的雙生子」，是佇一個海嶼過冬天的。

12

(THR) Kàu Sū-lah-kó͘ pha-teh; góan tiàm hia saⁿ jı̍t.

(BCL) 到敘拉古拋，阮遐三日；

13

(THR) Tùi hia se̍h kàu Lī-kî-ong; kè chı̍t jı̍t lâm hong khí, tē jī jı̍t kàu Pō͘-tiu-lī;

(BCL) 對遐踅到利基翁。過一日，南風起，第二日到部丟利。

14

(THR) tī hia tú-tio̍h hiaⁿ-tī, chhiáⁿ góan saⁿ-kap tiàm chhit jı̍t; chiū kàu Lô-má.

(BCL) 佇遐抵著兄弟，請阮相及七日。就到羅馬。

15

(THR) Lô-má ê hiaⁿ-tī thiaⁿ-kìⁿ góan ê siau-sit, chiū tùi hia lâi kàu A-pí-o͘ chhī, kap Sam-kóan ê só͘-chāi, chih-chiap góan: Pó-lô khòaⁿ-kìⁿ in, kám-siā Siōng-tè, chiū chòng-táⁿ.

(BCL) 羅馬的兄弟聽見阮的消息，就對遐來到亞比烏市及三館的所在，接接阮。保羅看見，感謝上帝，就壯膽。

16

(THR) Í-keng jı̍p Lô-má, chún Pó-lô kap chı̍t ê khàn-siú i ê peng lēng-gōa tòa.

(BCL) 已經入羅馬，准保羅及一個看守伊的兵另外住。

17

(THR) Kè saⁿ jı̍t, Pó-lô chhiáⁿ Iû-thài lâng ê sī-tōa lâi siong-hōe; í-keng chū-chı̍p, chiū tùi in kóng, Hiaⁿ-tī ah, góa sui-jiân bē bat hōan-tio̍h lán ê peh-sìⁿ, á-sī lia̍t-chó͘ ê kui-lē, nā-sī tùi Iâ-lō͘-sat-léng siū pa̍k, sàng-kau Lô-má lâng ê chhiú;

(BCL) 過三日，保羅請猶太人的序大來相會。已經聚集，就對講：「兄弟啊，我雖然未曾犯著咱的百姓抑是列祖的規例，若是對耶路撒冷受縳，送交羅馬人的手。

18

(THR) in í-keng sím-phòaⁿ góa, khòaⁿ góa bô sí chōe, chiū ài pàng góa.

(BCL) 已經審判我，看我無死罪，就愛放我。

19

(THR) To̍k-to̍k Iû-thài lâng hóan-tùi, góa put-tek-í tùi Kai-sat kò gū-chn̄g, lóng m̄ sī ū in-toaⁿ beh kò góa ê peh-sìⁿ.

(BCL) 獨獨猶太人反對，我不得已，對該撒告御狀，攏呣是有因端欲告我的百姓。

20

(THR) In-ūi án-ni chiah chhiáⁿ lín lâi saⁿ-kìⁿ, saⁿ-kap gī-lūn; sī góa ūi-tio̍h Í-sek-lia̍t só͘ ǹg-bāng ê, chiah siū chit ê só-liān khún-pa̍k.

(BCL) 因為按呢，才請恁來相見，相及議論，是我為著以色列所向望的，才受此個鎖鍊捆縳。」

21

(THR) In tùi i kóng, Góan bē bat tùi Iû-thài chih-tio̍h phoe kóng kàu lí ê sū, iā bē ū sím-mı̍h hiaⁿ-tī kàu chia thong-pò, á-sī kóng lí ū sím-mı̍h pháiⁿ.

(BCL) 對伊講：「阮未曾對猶太接著批講到你的事，也未有甚麼兄弟到遮通報抑是講你有甚麼歹。

22

(THR) To̍k-to̍k góan ài thiaⁿ lí ê ì-kiàn cháiⁿ-iūⁿ; in-ūi chit ê tóng, góan chai ta̍k só͘-chāi hō͘ lâng hiâm.

(BCL) 獨獨阮愛聽你的意見怎樣；因為此個黨，阮知逐所在互人嫌。」

23

(THR) In í-keng kap i tiāⁿ-tio̍h jı̍t-kî, chōe-chōe lâng chiū-kūn i tī i hioh ê chhù; Pó-lô tùi chá-khí kàu ê-hng pâi-lia̍t lâi chèng-bêng Siōng-tè ê kok, ín Mô͘-se ê lu̍t-hoat, kap chiah ê sian-ti, ēng Iâ-so͘ ê sū khó͘-khǹg in.

(BCL) 已經及伊定著日期，多多人就近伊佇伊歇的厝。保羅對早起到下昏，排列來證明上帝的國，引摩西的律法及諸個先知，用耶穌的事苦勸。

24

(THR) I só͘ kóng ê, ū-ê sìn, ū-ê m̄ sìn.

(BCL) 伊所講的，有的信，有的呣信。

25

(THR) Nn̄g pêng bōe saⁿ-ha̍p, chiū sì-sòaⁿ; Pó-lô tāi-seng kóng chı̍t kù ōe, kóng, Sèng Sîn ēng sian-ti Í-sài-a ê chhùi, kā lín ê lia̍t-chó͘ só͘ kóng ê ōe sī chin tio̍h,

(BCL) 二旁相合，就四散；保羅代先講一句話，講：「聖神用先知以賽亞的嘴給恁的列祖所講的話是真著。

26

(THR) Khì kā chit ê peh-sìⁿ kóng, Lín thiaⁿ sī beh thiaⁿ, iā lóng bōe hiáu-ngō͘; Lín khòaⁿ sī beh khòaⁿ, iā khòaⁿ lóng bōe kìⁿ;

(BCL) 去給此個百姓講：恁聽是欲聽，也攏曉悟；恁看是欲看，也看攏見；

27

(THR) In-ūi chit ê peh-sìⁿ sim tūn, Hī-khang tāng, Ba̍k-chiu pàng khoeh; Kiaⁿ-liáu in ēng ba̍k-chiu khòaⁿ-kìⁿ, Ēng hī-khang thiaⁿ-kìⁿ, Ēng sim hiáu-ngō͘, Lâi o̍at-lìn-tńg, Góa chiū i-hó in.

(BCL) 因為此個百姓心鈍，耳孔重，目睭放瞌；驚了用目睭看見，用耳孔聽見，用心曉悟，來越輪轉，我就醫好。

28

(THR) Só͘-í lín tio̍h chai, Siōng-tè chit ê chín-kiù í-keng si-hêng gōa-pang, in ia̍h beh thiaⁿ-siū. 30) Pó-lô khiā ka-kī sè ê chhù nn̄g nî kú; hōan-nā jı̍p lâi kìⁿ i ê, i lóng chiap-la̍p in, thôan Siōng-tè ê kok, chiong Chú Iâ-so͘ Ki-tok ê tāi-chì chin hó-táⁿ kà-sī lâng, bô lâng kìm i.

(BCL) 所以恁著知，上帝此個拯救，已經施行外邦，亦欲聽受。」

29

(THR) ｛保羅說了這話，猶太人議論紛紛的就走了。〔台語羅馬譯本無此節！〕｝

30

(THR) 保羅徛家己稅的厝二年久。凡若入來見伊的，伊攏接納，

31

(THR) 傳上帝的國，將主耶穌基督的代誌真好膽教示人，無人禁伊。

Bible Color Mark

• 台語漢字羅馬本
• 巴克禮全羅