申命記 第 31 章

1

(THR) Mô͘-se ēng chiah ê ōe khì kā Í-sek-lia̍t chèng-lâng kóng.

(BCL) 摩西用諸個話去給以色列眾人講，

2

(THR) Tùi in kóng, Góa kin-á-jı̍t chı̍t-pah jī-cha̍p hè, bōe koh chiàu-siông chhut-jı̍p; Iâ-hô-hoa iā bat tùi góa kóng, Lí bōe-ōe kè chit ê Iok-tàn.

(BCL) 對講：「我今仔日一百二十歲，閣照常出入；耶和華也曾對我講：『你會過此個約但。』

3

(THR) Iâ-hô-hoa lí ê Siōng-tè beh chhōa lí kè-khì, beh bia̍t-bô chiah ê kok tī lí ê bīn-chêng, lí beh sêng-chiap in. Iok-su-a beh chhōa lí kè-khì, chhin-chhiūⁿ Iâ-hô-hoa só͘ bat kóng-ê.

(BCL) 耶和華──你的上帝欲導你過去，欲滅無諸個國佇你的面前，你欲承接。約書亞欲導你過去，親像耶和華所曾講的。

4

(THR) Iâ-hô-hoa beh khóan-thāi in, chhin-chhiūⁿ chêng-jı̍t khóan-thāi I só͘ bia̍t A-mô͘-lī lâng nn̄g ê ông, Se-hông kap Go̍k, í-kı̍p in ê tōe chı̍t-iūⁿ.

(BCL) 耶和華欲款待，親像前日款待伊所滅亞摩利人二個王西宏及噩以及的地一樣。

5

(THR) Iâ-hô-hoa beh ēng in kau tī lín ê bīn-chêng; lín tio̍h chiàu góa só͘ hoan-hù lín it-chhè ê bēng-lēng khóan-thāi in.

(BCL) 耶和華欲用交佇恁的面前；恁著照我所吩咐恁一切的命令款待。

6

(THR) Lín tio̍h ióng-kám chòng-táⁿ, bo̍h-tit kiaⁿ in, iā bo̍h-tit lún in; in-ūi Iâ-hô-hoa lí ê Siōng-tè kap lí khì, I bô lī-khui lí, iā bô pàng-sak lí.

(BCL) 恁著勇敢壯膽，莫得驚，也莫得，因為耶和華──你的上帝及你去。伊無離開你，也無放拺你。」

7

(THR) Mô͘-se kiò Iok-su-a lâi, tī Í-sek-lia̍t chèng-lâng ê bīn-chêng tùi i kóng, Lí tio̍h ióng-kám chòng-táⁿ, in-ūi lí beh kap chit ê peh-sìⁿ khì, jı̍p Iâ-hô-hoa tùi in lia̍t-chó͘ chiù-chōa beh hō͘ in ê tōe, lí iā beh hō͘ in tit-tio̍h i chòe-gia̍p.

(BCL) 摩西叫約書亞來，佇以色列眾人的面前對伊講：「你著勇敢壯膽！因為你欲及此個百姓去，入耶和華對列祖咒誓欲互的地；你也欲互得著伊做業。

8

(THR) Iâ-hô-hoa beh kiâⁿ tī lí ê bīn-chêng; I beh kap lí tī-teh, I bô lī-khui lí, iā bô pàng-sak lí; bo̍h-tit kiaⁿ, iā bo̍h-tit lún.

(BCL) 耶和華欲行佇你的面前；伊欲及你佇，伊無離開你，也無放拺你。莫得驚，也莫得。」

9

(THR) Mô͘-se siá chit ê lu̍t-hoat, kau-hō͘ kng Iâ-hô-hoa iok-kūi ê chè-si, Lī-bī ê kiáⁿ-sun, kap Í-sek-lia̍t ê chèng tiúⁿ-ló.

(BCL) 摩西寫此個律法，交互扛耶和華約櫃的祭司利未的子孫及以色列的眾長老。

10

(THR) Mô͘-se bēng-lēng in kóng, Múi chhit-nî ê lō͘-bé, chiū-sī tī tháu-pàng ê nî tiāⁿ-tio̍h ê kî, tah-liâu-choeh ê sî,

(BCL) 摩西命令講：「每七年的路尾，就是佇解放的年定著的期搭寮節的時，

11

(THR) Í-sek-lia̍t chèng-lâng lâi-kàu Iâ-hô-hoa lí Siōng-tè ê bīn-chêng, tī I só͘ kéng ê só͘-chāi, hit-sî lí tio̍h tī Í-sek-lia̍t chèng-lâng ê bīn-chêng tha̍k chit ê lu̍t-hoat hō͘ in thiaⁿ.

(BCL) 以色列眾人來到耶和華──你上帝的面前佇伊所揀的所在。彼時，你著佇以色列眾人的面前讀此個律法互聽。

12

(THR) Lí tio̍h chū-chı̍p peh-sìⁿ, ta-po͘, cha-bó͘, gín-ná, í-kı̍p lí siâⁿ-mn̂g-lāi ê chhut-gōa lâng, hō͘ in thiaⁿ, hō͘ in ha̍k-sı̍p, thang kèng-ùi Iâ-hô-hoa lín ê Siōng-tè, chip-siú lâi kiâⁿ chit ê lu̍t-hoat it-chhè ê ōe;

(BCL) 你著聚集百姓查甫、查某、囝仔，以及你城門內的出外人，互聽，互學習，通敬畏耶和華──恁的上帝，執守、來行此個律法一切的話，

13

(THR) iā hō͘ in m̄-chai-iáⁿ ê kiáⁿ-jî tit-tio̍h thiaⁿ-kìⁿ; chiū tī lín kè Iok-tàn só͘ sêng-chiap ê tōe, chiàu lín tiàm tī-hia it-chhè ê jı̍t thang ha̍k-sı̍p kèng-ùi Iâ-hô-hoa lín ê Siōng-tè.

(BCL) 也互呣知影的子兒得著聽見，就佇恁過約但所承接的地，照恁踮佇遐一切的日通學習敬畏耶和華──恁的上帝。」

14

(THR) Iâ-hô-hoa tùi Mô͘-se kóng, Khòaⁿ ah, lí sí ê kî kūn lah; lí tiàu Iok-su-a lâi, saⁿ-kap khiā tī hōe-bō͘-tiong; Góa beh ēng chit-jīm bēng-lēng i, Mô͘-se chiū kap Iok-su-a khì saⁿ-kap khiā tī hōe-bō͘-tiong.

(BCL) 耶和華對摩西講：「看啊！你死的期近啦；你召約書亞來，相及徛佇會幕中，我欲用職任命令伊。」摩西就及約書亞去相及徛佇會幕中。

15

(THR) Iâ-hô-hoa tī hōe-bō͘-lāi, hûn-thiāu tiong, hián-hiān; hûn-thiāu thêng tī hōe-bō͘-mn̂g ê téng-bīn.

(BCL) 耶和華佇會幕內雲柱中顯現，雲柱停佇會幕門的頂面。

16

(THR) Iâ-hô-hoa koh tùi Mô͘-se kóng, Khòaⁿ ah, lí beh kap lí lia̍t-chó͘ saⁿ-kap khùn; chit ê peh-sìⁿ beh khí-lâi, kiâⁿ siâ-îm lâi thàn i só͘ beh khì tiàm hit só͘-chāi gōa-bīn ê siōng-tè, lī-khui Góa, pōe Góa kap i só͘ lı̍p ê iok.

(BCL) 耶和華閣對摩西講：「看啊，你欲及你列祖相及睏。此個百姓欲起來，行邪淫來趁伊所欲去踮彼所在外面的上帝，離開我，背我及伊所立的約。

17

(THR) Hit-sî Góa beh tùi in hoat-chhut siū-khì; Góa iā beh lī-khui in, ng-bīn m̄-khòaⁿ in; in beh siū thun-bia̍t, tú-tio̍h chōe-chōe chai-ē hōan-lān; hit-jı̍t in beh kóng, Lán tú-tio̍h chai-ē hōan-lān, kiám-m̄-sī in-ūi lán ê Siōng-tè bô tī lán ê tiong-kan mah?

(BCL) 彼時，我欲對發出受氣；我也欲離開，掩面呣看，欲受吞滅，抵著多多災禍患難。彼日欲講：『咱抵著災禍患難，豈呣是因為咱的上帝無佇咱的中間嗎？』

18

(THR) Hit-jı̍t in-ūi in phian-ǹg pa̍t ê siōng-tè só͘ kiâⁿ it-chhè ê pháiⁿ, só͘-í Góa koat-tòan ng Góa ê bīn.

(BCL) 彼日，因為偏向別個上帝所行一切的歹，所以我決斷掩我的面。

19

(THR) Taⁿ lín ka-kī tio̍h siá chit ê koa, ēng hit-ê kà-sī Í-sek-lia̍t ê kiáⁿ-sun, hō͘ in ê chhùi liām, hō͘ chit ê koa kā Góa chòe kan-chèng tī Í-sek-lia̍t ê kiáⁿ-sun.

(BCL) 今恁家己著寫此個歌，用彼個教示以色列的子孫，互的嘴唸，互此個歌給我做干證佇以色列的子孫；

20

(THR) In-ūi Góa chhōa in jı̍p Góa tùi in ê lia̍t-chó͘ só͘ chiù-chōa hit ê lâu lin kap bı̍t ê tōe; in tit-tio̍h chia̍h koh pá-chiok, sin-thé pûi, chiū beh phian-ǹg pa̍t ê siōng-tè ho̍k-sāi in, khòaⁿ-khin Góa, pōe Góa ê iok.

(BCL) 因為我導入我對的列祖所咒誓彼個流奶及蜜的地，得著食閣飽足，身體肥，就欲偏向別個上帝，服事，看輕我，背我的約。

21

(THR) Kàu in tú-tio̍h chōe-chōe chai-ē hōan-lān ê sî, chit ê koa beh tī in ê bīn-chêng chòe kiàn-chèng lâi kan-chèng in; in-ūi in ê kiáⁿ-sun ê chhùi beh liām, bô bōe-kì-tit; in-ūi hiān-kim Góa iáu-bē chhōa in kàu Góa só͘ chiù-chōa ê tōe, in só͘ chûn ê liām-thâu, Góa í-keng chai.

(BCL) 到抵著多多災禍患難的時，此個歌欲佇的面前做見證來干證，因為的子孫的嘴欲唸無記得。因為現今我猶未導到我所咒誓的地，所存的念頭我已經知。」

22

(THR) Tng hit-jı̍t Mô͘-se chiū siá chit ê koa, chiong i lâi kà-sī Í-sek-lia̍t ê kiáⁿ-sun.

(BCL) 當彼日摩西就寫此個歌，將伊來教示以色列的子孫。

23

(THR) Iâ-hô-hoa hoan-hù Lùn ê kiáⁿ Iok-su-a kóng, Lí tio̍h ióng-kám chòng-táⁿ, in-ūi lí beh chhōa Í-sek-lia̍t lâng jı̍p Góa só͘ chiù-chōa hō͘ in ê tōe; Góa beh kap lí saⁿ-kap tī-teh.

(BCL) 耶和華吩咐嫩的子約書亞講：「你著勇敢壯膽，因為你欲導以色列人入我所咒誓互的地；我欲及你相及佇。」

24

(THR) Mô͘-se ēng chit ê lu̍t-hoat ê ōe siá tī chheh-nı̍h, it-chīn siá bêng-pe̍k;

(BCL) 摩西用此個律法的話寫佇冊裡，一盡寫明白，

25

(THR) Mô͘-se chiū hoan-hù kng Iâ-hô-hoa iok-kūi ê Lī-bī lâng, kóng,

(BCL) 摩西就吩咐扛耶和華約櫃的利未人講：

26

(THR) Chiong chit ê lu̍t-hoat ê chheh hē tī Iâ-hô-hoa lín Siōng-tè ê iok-kūi piⁿ, thang tī-hia chòe lí ê kan-chèng.

(BCL) 「將此個律法的冊下佇耶和華──恁的上帝的約櫃邊，通佇遐做你的干證；

27

(THR) In-ūi góa chai lí sī pōe-ge̍k-ê, sī ām-kún ngī-ê; khòaⁿ ah, Góa kin-á-jı̍t iáu o̍ah kap lín tī-teh, lín siōng-chhiáⁿ pōe-ge̍k Iâ-hô-hoa, hô-hòng góa sí liáu-āu ah?

(BCL) 因為我知你是悖逆的，是頷頸硬的。看啊，我今仔日猶活及恁佇，恁尚且悖逆耶和華，何況我死了後啊？

28

(THR) Tio̍h chū-chı̍p lín chiah ê chi-phài ê tiúⁿ-ló kap koaⁿ-tiúⁿ lóng lâi, góa beh kóng chiah ê ōe hō͘ in thiaⁿ, iā beh kiò-thiⁿ kiò-tōe hō͘ in chòe kan-chèng.

(BCL) 著聚集恁諸個支派的長老及官長攏來，我欲講諸個話互聽，也欲叫天叫地互做干證。

29

(THR) In-ūi góa chai góa sí liáu-āu, lín beh chôan-jiân pāi-hōai, oai-chho̍ah góa só͘ bēng-lēng lín kiâⁿ ê tō-lō͘; jı̍t-āu lín beh tú-tio̍h chai-ē, in-ūi lín beh kiâⁿ Iâ-hô-hoa só͘ khòaⁿ-chòe pháiⁿ ê sū, ēng lín ê chhiú só͘ chòe jiá I ê siū-khì.

(BCL) 因為我知我死了後，恁欲全然敗壞，歪斜我所命令恁行的道路，日後恁欲抵著災禍，因為恁欲行耶和華所看做歹的事，用恁的手所做惹伊的受氣。」

30

(THR) Mô͘-se chiong chit ê koa ê ōe, thâu kàu bé kóng hō͘ Í-sek-lia̍t chôan-hōe thiaⁿ.

(BCL) 摩西將此個歌的話頭到尾講互以色列全會聽。

Bible Color Mark

• 台語漢字羅馬本
• 巴克禮全羅