以西結書 第 33 章

1

(THR) Iâ-hô-hoa ê ōe lîm-kàu góa kóng,

(BCL) 耶和華的話臨到我講：

2

(THR) Jîn-chú ah, lí tio̍h tùi pún-kok ê peh-sìⁿ kóng-ōe, kā in kóng, Góa hō͘ to-kiàm lîm-kàu chı̍t-kok ê sî, hí chı̍t-kok ê peh-sìⁿ tùi in tiong-kan kéng chı̍t-lâng, siat-lı̍p i chòe siú-bāng ê;

(BCL) 「人子啊，你著對本國的百姓講話，給講：我互刀劍臨到一國的時，彼一國的百姓對中間揀一人設立伊做守望的。

3

(THR) i khòaⁿ-kìⁿ to-kiàm lîm-kàu hit só͘-chāi, nā pûn sàu-kak kéng-kài chèng peh-sìⁿ;

(BCL) 伊看見刀劍臨到彼所在，若歕哨角警戒眾百姓，

4

(THR) kìⁿ-nā thiaⁿ-kìⁿ sàu-kak ê siaⁿ, bô siū kéng-kài--ê, to-kiàm nā lâi châu-bia̍t i, i ê chōe beh kui tī i ê thâu-khak-téng.

(BCL) 見若聽見哨角的聲無受警戒者，刀劍若來剿滅伊，伊的罪欲歸佇伊的頭殼頂。

5

(THR) I thiaⁿ-kìⁿ sàu-kak ê siaⁿ, bô siū kéng-kài, i ê chōe beh kui tī i pún-sin; i nā siū kéng-kài, chiū ōe kiù ka-kī ê sìⁿ-miā.

(BCL) 伊聽見哨角的聲，無受警戒，伊的罪欲歸佇伊本身；伊若受警戒，就會救家己的生命。

6

(THR) Siat-sú siú-bāng ê lâng khòaⁿ-kìⁿ to-kiàm kàu, bô pûn sàu-kak, tì-kàu peh-sìⁿ bô siū kéng-kài, to-kiàm lâi thâi-sí in tiong-kan ê chı̍t-lâng, hit ê lâng sui-jiân sí tī i ê chōe, chóng-sī Góa beh tùi siú-bāng ê lâng thó i sit-lo̍h sìⁿ-miā ê chōe.

(BCL) 設使守望的人看見刀劍到，無歕哨角，致到百姓無受警戒，刀劍來死中間的一人，彼個人雖然死佇伊的罪，總是我欲對守望的人討伊失落生命的罪。

7

(THR) Jîn-chú ah, Góa án-ni siat-lı̍p lí chòe Í-sek-lia̍t-ke siú-bāng ê lâng, só͘-í lí tio̍h thiaⁿ Góa chhùi-lāi só͘ kóng ê ōe, thòe Góa kéng-kài in.

(BCL) 「人子啊，我按呢設立你做以色列家守望的人。所以你著聽我嘴內所講的話，替我警戒。

8

(THR) Góa tùi pháiⁿ-lâng kóng, Pháiⁿ-lâng ah, lí tek-khak ōe sí; lí nā bô khui-chhùi kéng-kài pháiⁿ-lâng, hō͘ i lī-khui só͘ kiâⁿ ê lō͘; chit ê pháiⁿ-lâng beh sí tī i ê chōe, chóng-sī Góa beh tùi lí thó i sit-lo̍h sìⁿ-miā ê chōe.

(BCL) 我對歹人講：『歹人啊，你的確會死！』你若無開嘴警戒歹人，互伊離開所行的路，此個歹人欲死佇伊的罪，總是我欲對你討伊失落生命的罪。

9

(THR) Siat-sú lí kéng-kài pháiⁿ-lâng o̍at-tńg lī-khui só͘ kiâⁿ ê lō͘; i iû-gôan m̄ o̍at-tńg lī-khui, i beh sí tī i ê chōe, lí chiū ōe kiù lí ê o̍ah-miā.

(BCL) 設使你警戒歹人越轉離開所行的路，伊猶原呣越轉離開，伊欲死佇伊的罪，你就會救你的活命。」

10

(THR) Jîn-chú ah, lí tio̍h tùi Í-sek-lia̍t-ke kóng, Lín siông-siông án-ni kóng, Góan ê kè-sit góan ê chōe-ok, tī góan ê sin-chiūⁿ; góan sī in-ūi án-ni chiām-chiām siau-bô, thái-thó ōe o̍ah ah?

(BCL) 「人子啊，你著對以色列家講：『恁常常按呢講：阮的過失阮的罪惡佇阮的身上，阮是因為按呢漸漸消無，豈可會活啊？』

11

(THR) Lí tio̍h tùi in kóng, Chú Iâ-hô-hoa kóng, Góa kí Góa ê éng-o̍ah lâi chiù-chōa, Góa tòan-tòan bô hoaⁿ-hí pháiⁿ-lâng sí-bô, to̍k-to̍k hoaⁿ-hí pháiⁿ-lâng o̍at-tńg lī-khui só͘ kiâⁿ ê lō͘ lâi o̍ah; Í-sek-lia̍t-ke ah, lín tio̍h o̍at-tò-tńg, lī-khui pháiⁿ-lō͘, lín siáⁿ-sū beh chhú-sí ah?

(BCL) 你著對講，主耶和華講：我指我的永活來咒誓，我斷斷無歡喜歹人死無，獨獨歡喜歹人越轉離開所行的路來活。以色列家啊，恁著越倒轉，離開歹路，恁啥事欲取死啊？

12

(THR) Jîn-chú ah, lí tio̍h tùi lí ê peh-sìⁿ kóng, Gī-lâng ê gī, tī i hōan-chōe ê jı̍t bōe-ōe kiù i; lūn-kàu pháiⁿ-lâng ê pháiⁿ, tī i o̍at-tńg lī-khui i ê pháiⁿ só͘ kiâⁿ ê jı̍t, ia̍h bōe-ōe hō͘ i po̍ah-tó; gī-lâng tī hōan-chōe ê jı̍t, iā bōe-ōe in-ūi i ê gī lâi tit-tio̍h o̍ah.

(BCL) 人子啊，你著對你的百姓講：義人的義，佇伊犯罪的日會救伊；論到歹人的歹，佇伊越轉離開伊的歹所行的日，亦會互伊跋倒；義人佇犯罪的日也會因為伊的義來得著活。

13

(THR) Góa tùi gī-lâng kóng, i tek-khak o̍ah; i nā óa-khò i ê gī lâi kiâⁿ-pháiⁿ, chiū i só͘-kiâⁿ ê gī, lóng bô tit-tio̍h kì-liām; i beh in-ūi só͘ kiâⁿ ê pháiⁿ lâi sí.

(BCL) 我對義人講：『伊的確活！』伊若倚靠伊的義來行歹，就伊所行的義攏無得著紀念。伊欲因為所行的歹來死。

14

(THR) Koh, Góa tùi pháiⁿ-lâng kóng, Lí tek-khak sí, i nā o̍at-tńg lī-khui i ê chōe, kiâⁿ chèng-tı̍t kap ha̍p-lí ê sū;

(BCL) 閣，我對歹人講：『你的確死！』伊若越轉離開伊的罪，行正直及合理的事：

15

(THR) koh hêng lâng ê tǹg-thâu kap só͘ chhiúⁿ lâng ê mı̍h, chun-thàn o̍ah-miā ê lu̍t-lē, bô koh chòe pháiⁿ, i tek-khak o̍ah, bô tì-kàu sí.

(BCL) 閣還人的當頭及所搶人的物，遵趁活命的律例，無閣做歹，伊的確活，無致到死。

16

(THR) I só͘ hōan it-chhè ê chōe, bô koh kā i kì-tit; i kiâⁿ chèng-tı̍t kap ha̍p-lí ê sū, tek-khak ōe o̍ah.

(BCL) 伊所犯一切的罪無閣給伊記得。伊行正直及合理的事，的確會活。

17

(THR) Lí ê peh-sìⁿ iáu teh kóng, Chú ê lō͘ bô kong-pêng, kî-sı̍t sī in ê lō͘ bô kong-pêng.

(BCL) 「你的百姓猶講：『主的路無公平。』其實是的路無公平。

18

(THR) Gī-lâng o̍at-tńg lī-khui i ê gī, lâi kiâⁿ-pháiⁿ; chiū beh in-ūi án-ni lâi sí.

(BCL) 義人越轉離開伊的義來行歹，就欲因為按呢來死。

19

(THR) Pháiⁿ-lâng o̍at-tńg lī-khui i ê pháiⁿ, kiâⁿ chèng-tı̍t kap ha̍p-lí ê sū; chiū beh in-ūi án-ni lâi o̍ah.

(BCL) 歹人越轉離開伊的歹，行正直及合理的事，就欲因為按呢來活。

20

(THR) Lín iáu teh kóng, Chú ê lō͘ bô kong-pêng; Í-sek-lia̍t-ke ah, Góa beh chiàu lín ta̍k-lâng só͘-kiâⁿ--ê, sím-phòaⁿ lín.

(BCL) 恁猶講：『主的路無公平。』以色列家啊，我欲照恁逐人所行的審判恁。」

21

(THR) Góan siū lia̍h ê liáu-āu cha̍p-jī-nî, cha̍p-ge̍h chhoe-gō͘, ū chı̍t-lâng tùi Iâ-lō͘-sat-léng tô-cháu kàu góa chia; kóng, Siâⁿ í-keng kong-phòa.

(BCL) 阮受掠的了後十二年十月初五，有一人對耶路撒冷逃走到我遮，講：「城已經攻破。」

22

(THR) Tô-cháu ê lâng iáu-bē kàu, chêng chı̍t-jı̍t ê ê-hng, Iâ-hô-hoa ê chhiú hē tī góa ê sin-chiūⁿ; khui góa ê chhùi; kàu keh chá-khí, hit lâng lâi kàu góa chia; góa ê chhùi chiū khui, bô koh é-káu.

(BCL) 逃走的人猶未到前一日的下昏，耶和華的手下佇我的身上，開我的嘴。到隔早起，彼人來到我遮，我的嘴就開，無閣啞口。

23

(THR) Iâ-hô-hoa ê ōe lîm-kàu góa kóng,

(BCL) 耶和華的話臨到我講：

24

(THR) Jîn-chú ah, tiàm tī Í-sek-lia̍t hong-hòe ê tōe ê lâng teh kóng, A-pek-la̍h-hán to̍k-to̍k chı̍t-lâng, ū tit-tio̍h chit ê tōe chòe-gia̍p; lán lâng-gia̍h chin-chōe, chit ê tōe sī hō͘ lán chòe-gia̍p--ê.

(BCL) 「人子啊，踮佇以色列荒廢的地的人講：『亞伯拉罕獨獨一人有得著此個地做業，咱人額真多，此個地是互咱做業的。』

25

(THR) Só͘-í lí tio̍h kā in kóng, Chú Iâ-hô-hoa án-ni kóng, Lín chia̍h iáu ū huih ê bah, koh kia̍h-khí lín ê ba̍k-chiu, gióng-bōng lín ê ngó͘-siōng; koh thâi-lâng lâu-huih, lín iáu ōe tit-tio̍h chit ê tōe chòe-gia̍p mah?

(BCL) 所以你著給講，主耶和華按呢講：恁食猶有血的肉，閣抬起恁的目睭仰望恁的偶像，閣人流血，恁猶會得著此個地做業嗎？

26

(THR) Lín óa-khò lín ê to-kiàm, kiâⁿ khó-ò͘ⁿ ê sū; lâng-lâng phah lâ-sâm chhù-piⁿ ê bó͘; lín iáu ōe tit-tio̍h chit ê tōe chòe-gia̍p mah?

(BCL) 恁倚靠恁的刀劍行可惡的事，人人拍垃墋厝邊的某，恁猶會得著此個地做業嗎？

27

(THR) Lí tio̍h tùi in án-ni kóng, Chú Iâ-hô-hoa án-ni kóng, Góa kí Góa ê éng-o̍ah lâi chiù-chōa; tī pha-hng ê só͘-chāi--ê, beh tó tī to-ē, tī chhân-iá ê tiong-kan--ê, Góa beh kau in hō͘ iá-siù thun-chia̍h; tī ōe-só͘ kap tōng-lāi--ê, beh sí tī un-e̍k.

(BCL) 你著對按呢講，主耶和華按呢講：我指我的永活來咒誓，佇拋荒的所在者，欲倒佇刀下；佇田野的中間者，我欲交互野獸吞食；佇衛所及洞內者，欲死佇瘟疫。

28

(THR) Góa beh hō͘ chit ê tōe léng-chēng, hō͘ lâng gông-ngia̍h; i in-ūi sè-le̍k ê kiau-ngō͘ iā beh soah; Í-sek-lia̍t chiah ê soaⁿ lóng beh léng-chēng, bô lâng keng-kè.

(BCL) 我欲互此個地冷靜，互人卬愕；伊因為勢力的驕傲也欲息。以色列諸個山攏欲冷靜，無人經過。

29

(THR) Góa in-ūi in só͘ kiâⁿ it-chhè khó-ò͘ⁿ ê sū, hō͘ tōe pha-hng; tì-kàu lâng gông-ngia̍h; hit-sî in chiū chai Góa sī Iâ-hô-hoa.

(BCL) 我因為所行一切可惡的事互地拋荒，致到人卬愕。彼時，就知我是耶和華。」

30

(THR) Jîn-chú ah, Lí ê peh-sìⁿ tī chhù-piⁿ, tī chhù mn̂g-kháu, tâm-lūn lí; hiaⁿ-tī tùi hiaⁿ-tī saⁿ-kap kóng, Lâi ah, lâi thiaⁿ, thiaⁿ-khòaⁿ Iâ-hô-hoa ê ōe sī kóng sím-mı̍h.

(BCL) 「人子啊，你的百姓佇厝邊，佇厝門口談論你。兄弟對兄弟相及講：『來啊！來聽，聽看耶和華的話是講甚麼。』

31

(THR) In lâi lí chia, chhin-chhiūⁿ peh-sìⁿ lâi chū-hōe; chē tī lí ê bīn-chêng, chhin-chhiūⁿ sī Góa ê peh-sìⁿ; in thiaⁿ lí ê ōe, ia̍h bô khì-kiâⁿ; in-ūi in ê chhùi hián-chhut chōe-chōe chhin-ài, chóng-sī sim sī teh jı̍p chîⁿ.

(BCL) 來你遮親像百姓來聚會，坐佇你的面前親像是我的百姓。聽你的話亦無去行；因為的嘴顯出多多親愛，總是心是錢。

32

(THR) Khòaⁿ ah, in khòaⁿ lí chhin-chhiūⁿ gâu chok-ga̍k, hó siaⁿ-im ê lâng só͘ chhiùⁿ ê ngá-ko; in thiaⁿ lí ê ōe iā bô khì kiâⁿ.

(BCL) 看啊，看你親像作樂、好聲音的人所唱的雅歌，聽你的話也無去行。

33

(THR) Khòaⁿ ah, só͘ kóng ê ōe kín-kín beh chiâⁿ; kàu chiâⁿ ê sî, in chiū chai bat ū sian-ti tī in tiong-kan.

(BCL) 看啊，所講的話緊緊欲成；到成的時，就知曾有先知佇中間。」

Bible Color Mark

• 台語漢字羅馬本
• 巴克禮全羅