約書亞記 第 20 章

1

(THR) Iâ-hô-hoa hoan-hù Iok-su-a kóng,

(BCL) 耶和華吩咐約書亞講：

2

(THR) Lí hoan-hù Í-sek-lia̍t lâng, kóng, Lín tio̍h chiàu Góa thok Mô͘-se só͘ kā lín kóng ê, ūi ka-kī siat-lı̍p tô-siám ê siâⁿ;

(BCL) 「你吩咐以色列人講：恁著照我託摩西所給恁講的，為家己設立逃閃的城，

3

(THR) hō͘ hit ê bô-ì-tiong chhò-gō͘ thâi-lâng-ê, thang cháu kàu hia; hiah ê siâⁿ thang chòe lín siám-pī pò-jîn-bēng ê lâng ê só͘-chāi.

(BCL) 互彼個無意中錯誤人的，通走到遐，許個城通做恁閃避報人命的人的所在。

4

(THR) I beh cháu kàu chiah ê siâⁿ ê chı̍t-ê, khiā tī siâⁿ-mn̂g-kháu, chiong i ê sū-chêng kóng hō͘ hit ê siâⁿ ê tiúⁿ-ló thiaⁿ; in chiū siu i jı̍p siâⁿ, hō͘ i chı̍t só͘-chāi, hō͘ i tiàm tī in tiong-kan.

(BCL) 伊欲走到諸個城的一個，徛佇城門口，將伊的事情講互彼個城的長老聽。就收伊入城，互伊一所在，互伊踮佇中間。

5

(THR) Pò-jîn-bēng-ê nā tui-jip i, in m̄-thang ēng thâi-lâng-ê kau tī i ê chhiú; in-ūi i chhò-gō͘ thâi-sí i ê chhù-piⁿ, pêng-sò͘ bô òan-hūn i.

(BCL) 報人命的若追伊，呣通用人的交佇伊的手；因為伊錯誤死伊的厝邊，平素無怨恨伊。

6

(THR) I beh tòa tī hit ê siâⁿ, thèng-hāu khiā tī hōe-chiòng ê bīn-chêng siū sím-phòaⁿ, thèng-hāu hit-sî ê chè-si-tiúⁿ í-keng sí, thâi-lâng-ê chiah thang tò-khì kàu pún-siâⁿ, pún-ke, chiū-sī i só͘ tùi hia cháu-chhut-lâi hit ê siâⁿ.

(BCL) 伊欲住佇彼個城，聽候徛佇會眾的面前受審判，聽候彼時的祭司長已經死，人的才通倒去到本城本家，就是伊所對遐走出來彼個城。」

7

(THR) In chiū tiāⁿ-tio̍h siat tī Ná-hut-tha-lī soaⁿ-tōe, tī Ka-lī-lī ê Ki-te-su, kap tī Í-hoat-liân soaⁿ-tōe ê Sī-kiàm, í-kı̍p tī Iû-tāi soaⁿ-tōe ê Ki-lia̍t-a-pa, chiū-sī Hi-pek-lûn.

(BCL) 就定著設佇拿弗他利山地，佇加利利的基低斯；及佇以法蓮山地的示劍；以及佇猶大山地的基列亞巴（就是希伯崙）；

8

(THR) Koh tī Iok-tàn hit-pêng, kūn Iâ-lī-ko tang-sì, siat-lı̍p sio̍k Liû-piān chi-phài, tī khòng-iá, tī pîⁿ-iûⁿ ê Pí-sek; kap sio̍k Ka-tek chi-phài Ki-lia̍t ê La̍h-bo̍at; í-kı̍p sio̍k Má-ná-se chi-phài, Pa-san ê Ko-lân.

(BCL) 閣佇約但彼旁，近耶利哥東勢，設立屬流便支派，佇曠野，佇平洋的比悉；及屬迦得支派基列的拉末；以及屬瑪拿西支派，巴珊的哥蘭。

9

(THR) Chiah-ê sī ūi-tio̍h Í-sek-lia̍t chèng-lâng, kap kià-kha tī tiong-kan só͘ siat ê siâⁿ, hō͘ chhò-gō͘ thâi-lâng-ê lóng thang cháu kàu hia, bô sí tī pò-jîn-bēng ê lâng ê chhiú, thèng-hāu i khiā tī hōe-chiòng ê bīn-chêng.

(BCL) 諸個是為著以色列眾人及寄腳佇中間所設的城，互錯誤人的攏通走到遐，無死佇報人命的人的手，聽候伊徛佇會眾的面前。

Bible Color Mark

• 台語漢字羅馬本
• 巴克禮全羅