馬太福音 第 1 章

1

(THR) A-pek-la̍h-hán ê hō͘-è, Tāi-pı̍t ê hō͘-è, Iâ-so͘ Ki-tok ê ka-phó͘.

(BCL) 亞伯拉罕的後裔，大衛的後裔，耶穌基督的家譜：

2

(THR) A-pek-la̍h-hán siⁿ Í-sat; Í-sat siⁿ Ngá-kok; Ngá-kok siⁿ Iû-tāi kap i ê hiaⁿ-tī;

(BCL) 亞伯拉罕生以撒；以撒生雅各；雅各生猶大及伊的兄弟；

3

(THR) Iû-tāi tùi Tāi-má--sī siⁿ Hoat-le̍k-sū kap Sat-la̍h; Hoat-le̍k-sū siⁿ Í-sū-lûn; Í-sū-lûn siⁿ A-lân;

(BCL) 猶大對代瑪氏生法勒斯及謝拉；法勒斯生以斯崙；以斯崙生亞蘭；

4

(THR) A-lân siⁿ A-bí-ná-ta̍t; A-bí-ná-ta̍t siⁿ Ná-sūn; Ná-sūn siⁿ Sat-bûn;

(BCL) 亞蘭生亞米拿達；亞米拿達生拿順；拿順生撒門；

5

(THR) Sat-bûn tùi Lat-ha̍p--sī siⁿ Pho-sū; Pho-sū tùi Lō͘-tek--sī siⁿ O-pek; O-pek siⁿ Iâ-se;

(BCL) 撒門對喇合氏生波斯；波斯對路得氏生俄伯；俄伯生耶西；

6

(THR) Iâ-se siⁿ Tāi-pı̍t ông.

(BCL) 耶西生大衛王。大衛對烏利亞的某生所羅門；

7

(THR) Tāi-pı̍t tùi Ou-lī-a ê bó͘ siⁿ Só͘-lô-bûn; Só͘-lô-bûn siⁿ Lô-pho-àm; Lô-pho-àm siⁿ A-pí-a; A-pí-a siⁿ A-sat

(BCL) 所羅門生羅波安；羅波安生亞比亞；亞比亞生亞撒；

8

(THR) A-sat siⁿ Iok-sa-hoat; Iok-sa-hoat siⁿ Iok-lân; Iok-lân siⁿ Ou-se-a;

(BCL) 亞撒生約沙法；約沙法生約蘭；約蘭生烏西亞；

9

(THR) Ou-se-a siⁿ Iok-tàn; Iok-tàn siⁿ A-khap-sū; A-khap-sū siⁿ Hi-se-ka;

(BCL) 烏西亞生約坦；約坦生亞哈斯；亞哈斯生希西家；

10

(THR) Hi-se-ka siⁿ Má-ná-se; Má-ná-se siⁿ A-bûn; A-bûn siⁿ Iok-se-a;

(BCL) 希西家生瑪拿西；瑪拿西生亞們；亞們生約西亞；

11

(THR) peh-sìⁿ siū chhian-sóa kàu Pa-pí-lûn ê sî, Iok-se-a siⁿ Iâ-ko-nî-a kap i ê hiaⁿ-tī.

(BCL) 百姓受遷徙到巴比倫的時，約西亞生耶哥尼亞及伊的兄弟。

12

(THR) Chhian-sóa kàu Pa-pí-lûn liáu-āu, Iâ-ko-nî-a siⁿ Sat-lia̍p-thiat; Sat-lia̍p-thiat siⁿ Só͘-lô-pá-pek;

(BCL) 遷徙到巴比倫了後，耶哥尼亞生撒拉鐵；撒拉鐵生所羅巴伯，

13

(THR) Só͘-lô-pá-pek siⁿ A-pí-ut; A-pí-ut siⁿ Í-lī-a-kim; Í-lī-a-kim siⁿ A-só͘;

(BCL) 所羅巴伯生亞比勿；亞比勿生以利亞金；以利亞金生亞所；

14

(THR) A-só͘ siⁿ Sat-to̍k; Sat-to̍k siⁿ A-kim; A-kim siⁿ Í-lu̍t;

(BCL) 亞所生撒督；撒督生亞金；亞金生以律；

15

(THR) Í-lu̍t siⁿ Í-lī-a-sat; Í-lī-a-sat siⁿ Má-tàn; Má-tàn siⁿ Ngá-kok;

(BCL) 以律生以利亞撒；以利亞撒生馬但；馬但生雅各；

16

(THR) Ngá-kok siⁿ Iok-sek, chiū-sī Má-lī-a ê tiōng-hu; chheng chòe Ki-tok ê Iâ-so͘, sī tùi chit ê Má-lī-a siⁿ ê.

(BCL) 雅各生約瑟，就是馬利亞的丈夫，稱做基督的耶穌，是對此個馬利亞生的。

17

(THR) , tùi A-pek-la̍h-hán kàu Tāi-pı̍t, kiōng cha̍p-sì tāi; tùi Tāi-pı̍t kàu chhian-sóa khì Pa-pí-lûn ê sî, ia̍h cha̍p-sì tāi; tùi chhian-sóa khì Pa-pí-lûn ê sî kàu Ki-tok, koh cha̍p-sì tāi.

(BCL) 按呢，對亞伯拉罕到大衛，共十四代；對大衛到遷徙去巴比倫的時亦十四代；對遷徙去巴比倫的時到基督，閣十四代。

18

(THR) Iâ-so͘ Ki-tok ê chhut-sì, kì tī ē-tóe: I ê lāu-bú Má-lī-a í-keng chòe Iok-sek tiāⁿ-tio̍h, iáu-bē chhōa kè-mn̂g, chiū tùi Sèng Sîn ū sin-īn.

(BCL) 耶穌基督的出世記佇下底：伊的老母馬利亞，已經做約瑟定著，猶未娶過門，就對聖神有娠孕。

19

(THR) I ê tiōng-hu Iok-sek sī gī ê lâng, m̄ ài hián-jiân pān i, àn-sǹg beh àm-chīⁿ hòe-chhin.

(BCL) 伊的丈夫約瑟是義的人，呣愛顯然辦伊，按算欲暗靜廢親。

20

(THR) Teh siūⁿ ê sî, ū Chú ê thiⁿ-sài tī i ê bîn-bāng-tiong chhut-hiān kóng, Tāi-pı̍t ê hō͘-è, Iok-sek ah, bo̍h-tit kiaⁿ, tio̍h chhōa lí ê bó͘ Má-lī-a kè-mn̂g; in-ūi i só͘ hôai-īn ê sī tùi Sèng Sîn.

(BCL) 想的時，有主的天使佇伊的眠夢中出現，講：「大衛的後裔約瑟啊，無得驚！著娶你的某馬利亞過門，因為伊所懷孕的是對聖神。

21

(THR) I beh siⁿ kiáⁿ, lí tio̍h kiò I ê miâ chòe Iâ-so͘; in-ūi I beh kiù I ê peh-sìⁿ thoat-chhut in ê chōe-ok.

(BCL) 伊欲生子，你著叫伊的名做耶穌，因為伊欲救伊的百姓脫出的罪惡。」

22

(THR) Chit ê sū lóng chiâⁿ, sī beh èng-giām Chú thok sian-ti só͘ kóng ê, kóng,

(BCL) 此個事攏成，是欲應驗主託先知所講的，

23

(THR) Lí khòaⁿ, chāi-sek-lú beh sin-īn siⁿ kiáⁿ; Lâng beh kiò I ê miâ chòe Í-má-lōe-lī;hoan-e̍k chiū-sī Siōng-tè kap lán tī-teh.

(BCL) 講：你看，在室女欲娠孕生子；人欲叫伊的名做以馬內利。（翻譯就是「上帝及咱佇」。）

24

(THR) Iok-sek khùn-chhíⁿ khí-lâi, chiàu Chú ê thiⁿ-sài só͘ bēng-lēng khì kiâⁿ, chhōa i ê bó͘ kè-mn̂g;

(BCL) 約瑟睏醒，起來，照主的天使所命令去行，娶伊的某過門；

25

(THR) bô kap i tâng pâng, kàu i siⁿ kiáⁿ; chiū kiò I ê miâ chòe Iâ-so͘.

(BCL) 無及伊同房，到伊生子，就叫伊的名做耶穌。

Bible Color Mark

• 台語漢字羅馬本
• 巴克禮全羅