馬太福音 第 18 章

1

(THR) Tng hit sî, ha̍k-seng chiū-kūn Iâ-so͘ kóng, Tī thian-kok sím-mı̍h lâng chòe tōa?

(BCL) 當彼時，學生就近耶穌講：「佇天國甚麼人最大？」

2

(THR) Iâ-so͘ chiū kiò chı̍t ê sòe-hàn gín-ná, hō͘ i khiā tī in tiong-kan;

(BCL) 耶穌就叫一個細漢囝仔，互伊徛佇中間，

3

(THR) kóng, Góa sı̍t-chāi kā lín kóng, Lín nā bô o̍at-tńg lâi chiâⁿ-chòe chhin-chhiūⁿ sòe-hàn gín-ná ê, koat-tòan bōe jı̍p thian-kok.

(BCL) 講：「我實在給恁講，恁若無越轉來成做親像細漢囝仔的，決斷入天國。

4

(THR) Só͘-í kìⁿ-nā ka-kī khiam-pi chhin-chhiūⁿ chit ê sòe-hàn gín-ná ê, i tī thian-kok chiū-sī chòe tōa.

(BCL) 所以見若家己謙卑親像此個細漢囝仔的，伊佇天國就是最大。

5

(THR) Kìⁿ-nā tī góa ê miâ chiap-la̍p chit hō sòe-hàn gín-ná ê chı̍t ê, chiū-sī chiap-la̍p góa.

(BCL) 見若佇我的名接納此號細漢囝仔的一個，就是接納我。」

6

(THR) Kìⁿ-nā hō͘ chiah ê sìn góa ê bî-sòe ê chı̍t ê siū that-gāi, hit lâng lêng-khó͘ ū tōa chio̍h-bō tiàu i ê ām-kún, thiām tī chhim hái.

(BCL) 「見若互諸個信我的微小的一個受塞礙，彼人寧可有大石磨吊伊的頷頸，沈佇深海。

7

(THR) Chit sè-kan ū chai-ē ah, tùi ū that-gāi lâng ê sū; in-ūi that-gāi ê sū, bōe bián-tit ū; chóng-sī that-gāi ê sū tùi chī-chūi lâi, hit lâng ū chai-ē.

(BCL) 此世間有災禍啊，對有塞礙人的事；因為塞礙的事免得有，總是塞礙的事對是誰來，彼人有災禍！

8

(THR) Siat-sú lí chı̍t chhiú chı̍t kha that-gāi lí, chiū tio̍h chām hiat-ka̍k; lí phòa-siùⁿ á-sī pái-kha jı̍p tī o̍ah sī hó, khah-tit nn̄g chhiú nn̄g kha hiat-lo̍h éng-óan ê hé.

(BCL) 設使你一手、一腳，塞礙你，就著斬擲。你破相抑是跛腳，入佇活是好，卡得二手二腳落永遠的火。

9

(THR) Siat-sú lí chı̍t ba̍k that-gāi lí, chiū tio̍h iah hiat-ka̍k; lí chı̍t ba̍k jı̍p tī o̍ah sī hó, khah-tit nn̄g ba̍k hiat-lo̍h tē-ge̍k ê hé.

(BCL) 設使你一目塞礙你，就著挖擲。你一目入佇活是好，卡得二目落地獄的火。」

10

(THR) Lín tio̍h kín-sīn, bo̍h-tit khòaⁿ-khin chiah ê bî-sòe tiong ê chı̍t-ê; in-ūi góa kā lín kóng, In ê thiⁿ-sài tī thiⁿ-nı̍h, siông-siông kìⁿ góa tī thiⁿ-nı̍h ê Pē ê bīn.

(BCL) 「恁著謹慎，莫得看輕諸個微細中的一個；因為我給恁講，的天使佇天裡，常常見我佇天裡的父的面。

11

(THR)

(BCL) 恁拍算怎樣？人若有一百隻羊來拍呣見一隻，豈無且放下彼九十九隻，去山裡尋彼隻拍呣見的嗎？

12

(THR) Lín phah-sǹg cháiⁿ-iūⁿ? Lâng nā ū chı̍t pah chiah iûⁿ, lâi phah-m̄-kìⁿ chı̍t chiah, kiám bô chhiáⁿ pàng-hē hit káu-cha̍p-káu chiah, khì soaⁿ-nı̍h chhē hit chiah phah-m̄-kìⁿ ê mah?

(BCL) ｛人子到，是欲拯救失落的。」〔台語羅馬譯本無此節！〕｝

13

(THR) Nā kó-jiân chhē-tio̍h, góa sı̍t-chāi kā lín kóng, i ūi-tio̍h hit chiah hoaⁿ-hí, iâⁿ-kè káu-cha̍p-káu chiah bô phah-m̄-kìⁿ ê.

(BCL) 若果然尋著，我實在給恁講，伊為著彼隻歡喜，贏過九十九隻無拍呣見的！

14

(THR) Án-ni chiah ê bî-sòe tiong ê chı̍t-ê tîm-lûn, iā m̄ sī lín tī thiⁿ-nı̍h ê Pē ê chí-ì.

(BCL) 按呢諸個微細中的一個沈淪，也呣是恁佇天裡的父的旨意。」

15

(THR) Siat-sú lí ê hiaⁿ-tī tek-chōe lí , chiū tio̍h khì, kan-ta lí kap i tī-teh ê sî, chí-bêng i ê m̄-tio̍h; i nā thiaⁿ lí, chiū tit-tio̍h lí ê hiaⁿ-tī.

(BCL) 「設使你的兄弟得罪你，就著去，干單你及伊佇的時，指明伊的呣著。伊若聽你，就得著你的兄弟；

16

(THR) I nā m̄ thiaⁿ, chiū tio̍h chhōa chı̍t nn̄g lâng saⁿ-kap khì, ēng nn̄g saⁿ lâng ê chhùi chòe kan-chèng, ta̍k kù ōe thang chòe pîn-chún.

(BCL) 伊若呣聽，就著導一二人相及去，用二三人的嘴做干證，逐句話通做憑準。

17

(THR) Nā m̄ khéng thiaⁿ in, chiū kā kàu-hōe kóng; nā koh m̄ khéng thiaⁿ kàu-hōe, chiū tio̍h khòaⁿ i chhin-chhiūⁿ gōa-pang lâng, kap thiu-hiòng ê chı̍t iūⁿ.

(BCL) 若呣肯聽，就給教會講；若閣呣肯聽教會，就著看伊親像外邦人及抽餉的一樣。

18

(THR) Góa sı̍t-chāi kā lín kóng, Hōan-nā lín tī tōe-nı̍h pa̍k ê, tī thiⁿ-nı̍h iā beh pa̍k in; hōan-nā lín tī tōe-nı̍h tháu ê, tī thiⁿ-nı̍h iā beh tháu in.

(BCL) 「我實在給恁講，凡若恁佇地裡縛的，佇天裡也欲縛；凡若恁佇地裡解的，佇天裡也欲解。

19

(THR) Góa koh kā lín kóng, siat-sú lín tiong-kan nn̄g lâng tī tōe-nı̍h bô lūn kiû sím-mı̍h, nā sī tâng-sim, chiū góa tī thiⁿ-nı̍h ê Pē beh kā in chòe chiâⁿ.

(BCL) 我閣給恁講，設使恁中間二人佇地裡無論求甚麼，若是同心，就我佇天裡的父欲給做成。

20

(THR) In-ūi put-lūn sím-mı̍h só͘-chāi ū nn̄g saⁿ lâng tī góa ê miâ chū-chı̍p, góa iā tī in tiong-kan.

(BCL) 因為不論甚麼所在，有二三人佇我的名聚集，我也佇中間。」

21

(THR) Hit sî Pí-tek óa-lâi kā I kóng, Chú ah, góa ê hiaⁿ-tī tek-chōe góa, góa sià-bián i tio̍h kúi pái? Tio̍h chhit pái mah?

(BCL) 彼時，彼得倚來，給伊講：「主啊，我的兄弟得罪我，我赦免伊著幾擺？著七擺嗎？」

22

(THR) Iâ-so͘ kā i kóng, Góa bô kā lí kóng tio̍h kàu chhit pái, chiū-sī kàu chhit-cha̍p ê chhit pái.

(BCL) 耶穌給伊講：「我無給你講著到七擺，就是到七十個七擺。

23

(THR) Só͘-í thian-kok pí-phēng jîn-kun ài beh kap i ê lô͘-po̍k sǹg-siàu.

(BCL) 所以天國比並人君愛欲及伊的奴僕算數。

24

(THR) Khí-thâu sǹg ê sî, ū chhōa chı̍t-ê khiàm i chheng-bān gûn ê lâi.

(BCL) 起頭算的時，有導一個欠伊千萬銀的來。

25

(THR) Kì-jiân bô thang hêng, i ê chú-lâng bēng-lēng tio̍h bōe i pún-sin, kap i ê bó͘-kiáⁿ, liân i it-chhè só͘ ū ê, lâi hêng.

(BCL) 既然無通還，伊的主人命令著賣伊本身及伊的某子，連伊一切所有的來還。

26

(THR) Hit ê lô͘-po̍k chiū phak-teh, pài i, kóng, Chú ah, tio̍h khoan-iông góa, góa beh lóng-chóng hêng.

(BCL) 彼個奴僕就仆拜伊，講：『主啊，著寬容我，我欲攏總還。』

27

(THR) Lô͘-po̍k ê chú-lâng chiū lîn-bín lâi pàng i, koh sià-bián i ê chè.

(BCL) 奴僕的主人就憐憫，來放伊，閣赦免伊的債。

28

(THR) Hit ê lô͘-po̍k chhut-khì, tú-tio̍h i chı̍t-ê tâng chòe lô͘-po̍k ê, khiàm i chı̍t pah ê gûn-á, chiū lia̍h i, chhe i ê ām-kún, kóng, Lí só͘ khiàm ê tio̍h hêng.

(BCL) 「彼個奴僕出去，抵著伊一個同做奴僕的欠伊一百個銀仔，就掠伊，叉伊的頷頸，講：『你所欠的著還！』

29

(THR) Tâng chòe lô͘-po̍k ê phak-teh, kiû i kóng, Tio̍h khoan-iông góa, góa beh hêng lí.

(BCL) 同做奴僕的仆求伊，講：『著寬容我，我欲還你。』

30

(THR) Nā-sī i m̄ khéng, chiū khì kā i koaiⁿ-lo̍h kaⁿ, lâi thèng-hāu i hêng só͘ khiàm ê.

(BCL) 若是伊呣肯，就去給伊關落監，來聽候伊還所欠的。

31

(THR) Chiah-ê tâng chòe lô͘-po̍k ê khòaⁿ-kìⁿ chit ê tāi-chì, chin iu-būn, chiong lóng-chóng ê sū tùi chú-lâng kóng bêng.

(BCL) 諸個同做奴僕的看見此個代誌真憂悶，將攏總的事對主人講明。

32

(THR) Tùi án-ni i ê chú-lâng tiàu i lâi, kā i kóng, Pháiⁿ ê lô͘-po̍k ah, in-ūi lí tùi góa kiû, góa chiū chiong lí só͘ khiàm ê lóng sià-bián.

(BCL) 對按呢伊的主人召伊來，給伊講：『歹的奴僕啊！因為你對我求，我就將你所欠的攏赦免，

33

(THR) Lí kiám m̄ tio̍h lîn-bín lí tâng chòe lô͘-po̍k ê, chhin-chhiūⁿ góa lîn-bín lí?

(BCL) 你豈呣著憐憫你同做奴僕的，親像我憐憫你？』

34

(THR) I ê chú-lâng siū-khì, chiong i kau-tāi hêng-tiōng, thèng-hāu i it-chīn hêng só͘ khiàm ê.

(BCL) 伊的主人受氣，將伊交代刑杖，聽候伊一盡還所欠的。

35

(THR) Án-ni lín ta̍k lâng bô ēng sim sià-bián lín ê hiaⁿ-tī, chiū góa ê Thiⁿ Pē iā beh án-ni khóan-thāi lín.

(BCL) 按呢恁逐人無用心赦免恁的兄弟，就我的天父也欲按呢款待恁。」

Bible Color Mark

• 台語漢字羅馬本
• 巴克禮全羅