馬太福音 第 3 章

1

(THR) Tng hit sî, kiâⁿ sóe-lé ê Iok-hān lâi, tī Iû-thài ê khòng-iá soan-thôan kóng,

(BCL) 當彼時，行洗禮的約翰來，佇猶太的曠野宣傳，講：

2

(THR) Lín tio̍h hóan-hóe; in-ūi thian-kok kūn lah.

(BCL) 「恁著反悔！因為天國近啦！」

3

(THR) Chit lâng chiū-sī Chú thok sian-ti Í-sài-a só͘ chí ê, kóng, Ū teh kiò tī khòng-iá ê, i ê siaⁿ kóng, Pī-pān Chú ê lō͘, Siu tı̍t I ê sió-lō͘.

(BCL) 此人就是主託先知以賽亞所指的。講：「有叫佇曠野的，伊的聲講：備辦主的路，修直伊的小路！」

4

(THR) Chit ê Iok-hān chhēng lo̍k-tô-mn̂g ê saⁿ, io hâ phê-tòa; i só͘ chia̍h sī chháu-meh kap soaⁿ-iá ê bı̍t.

(BCL) 此個約翰穿駱駝毛的衫，腰縖皮帶，伊所食是草蜢及山野的蜜。

5

(THR) Hit sî Iâ-lō͘-sat-léng kap thong Iû-thài, í-kı̍p Iok-tàn sì-hng ê chèng lâng chhut-lâi chiū-kūn i;

(BCL) 彼時，耶路撒冷及通猶太，以及約但四方的眾人出來就近伊，

6

(THR) tī Iok-tàn hô tùi i siū sóe-lé, jīn in ê chōe.

(BCL) 佇約但河對伊受洗禮，認的罪。

7

(THR) Iok-hān khòaⁿ-kìⁿ Hoat-lī-sài kap Sat-thó͘-kai lâng, chōe-chōe chiū-kūn i ê sóe-lé, chiū kā in kóng, To̍k-chôa ê lūi ah, chī-chūi-á chí-sī lín siám-pī chiong-lâi ê siū-khì ah?

(BCL) 約翰看見法利賽及撒都該人多多就近伊的洗禮，就給講：「毒蛇的類啊！是誰仔指示恁閃避將來的受氣啊？

8

(THR) Só͘-í lín tio̍h kiat hit hō ha̍p tī hóan-hóe ê ké-chí.

(BCL) 所以恁著結彼號合佇反悔的果子。

9

(THR) Bo̍h-tit ka-kī phah-sǹg kóng, Ū A-pek-la̍h-hán chòe góan ê pē; in-ūi góa kā lín kóng, Siōng-tè ōe tùi chiah ê chio̍h-thâu chhut kiáⁿ-sun hō͘ A-pek-la̍h-hán.

(BCL) 莫得家己拍算講：『有亞伯拉罕做阮的父。』因為我給恁講，上帝會對諸個石頭出子孫互亞伯拉罕。

10

(THR) Taⁿ pó͘-thâu í-keng hē tī chhiū-thâu; kìⁿ-nā chhiū bô kiat hó ké-chí ê, chiū chhò i, hiat-lo̍h hé.

(BCL) 今斧頭已經下佇樹頭，見若樹無結好果子的。就剉伊，落火。

11

(THR) Góa ēng chúi kā lín kiâⁿ sóe-lé, beh hō͘ lín hóan-hóe; nā-sī tè-bé góa lâi ê, pí góa khah ū kôan-lêng, I ê ôe góa ia̍h bōe kham-tit the̍h; I beh ēng Sèng Sîn kap hé kā lín sóe.

(BCL) 我用水給恁行洗禮，欲互恁反悔。若是隨尾我來的，比我卡有權能，伊的鞋我亦堪得提。伊欲用聖神及火給恁洗。

12

(THR) I ê chhiú the̍h pòa-ki, beh chiong hit tiûⁿ it-chīn pòa, siu I ê be̍h jı̍p chhng; nā-sī be̍h-hiūⁿ chiū ēng bōe hoa ê hé sio i.

(BCL) 伊的手提簸箕，欲將伊彼場一盡簸，收伊的麥入倉，若是麥香就用熄的火燒伊。」

13

(THR) Hit sî Iâ-so͘ tùi Ka-lī-lī kàu Iok-tàn, chiū-kūn Iok-hān, beh tùi i siū sóe-lé.

(BCL) 彼時，耶穌對加利利到約但，就近約翰，欲對伊受洗禮。

14

(THR) Nā-sī Iok-hān chó͘-chí I kóng, Góa ha̍p-kai tùi lí siū sóe-lé, lí hóan-tńg chiū-kūn góa mah?

(BCL) 若是約翰阻止伊講：「我合該對你受洗禮，你反轉就近我嗎？」

15

(THR) Iâ-so͘ ìn i kóng, Taⁿ chhiáⁿ ún góa, in-ūi lán ha̍p-gî tio̍h án-ni, lâi chīn lóng-chóng ê gī. Chiū ún I.

(BCL) 耶穌應伊講：「今請允我，因為咱合宜著按呢來盡攏總的義。」就允伊。

16

(THR) Iâ-so͘ í-keng siū sóe-lé, liâm-piⁿ tùi chúi chiūⁿ-lâi: thiⁿ hut-jiân ūi-tio̍h I khui, I chiū khòaⁿ-kìⁿ Siōng-tè ê Sîn, chhin-chhiūⁿ chíⁿ-á kàng-lîm tī I ê téng-bīn.

(BCL) 耶穌已經受洗禮，連鞭對水上來。天忽然為著伊開，伊就看見上帝的神親像鴿仔降臨，佇伊的頂面。

17

(THR) Koh tùi thiⁿ ū siaⁿ kóng, Chit-ê sī góa thiàⁿ ê Kiáⁿ, góa só͘ hoaⁿ-hí ê.

(BCL) 閣對天有聲講：「此個是我疼的子，我所歡喜的。」

Bible Color Mark

• 台語漢字羅馬本
• 巴克禮全羅