詩篇 第 142 章

1

(THR) Tāi-pı̍t tī tōng-lāi ê sî, chòe chit ê kà-sī ê si; ia̍h sī kî-tó.1) Góa chhut-siaⁿ âu-kiò Iâ-hô-hoa, Chhut-siaⁿ khún-kiû Iâ-hô-hoa.

(BCL) 〔大衛佇洞內的時做此個教示的詩，亦是祈禱。〕我出聲喉叫耶和華，出聲懇求耶和華。

2

(THR) Góa tī I ê bīn-chêng thò͘-chhut góa ê khó͘-chêng. Góa tī I ê bīn-chêng pâi-lia̍t góa ê hōan-lān.

(BCL) 我佇伊的面前吐出我的苦情，我佇伊的面前排列我的患難。

3

(THR) Góa ê sîn tī góa ê lāi-bīn hūn--khì ê sî, Lí chai góa ê lō͘; Tī góa kiâⁿ ê lō͘, in ūi-tio̍h góa àm-chīⁿ tiuⁿ o̍ah-tauh.

(BCL) 我的神佇我的內面昏去的時，你知我的路。佇我行的路，為著我暗靜張活罩。

4

(THR) Kiû Lí ǹg góa ê chiàⁿ-pêng lâi khòaⁿ, in-ūi bô lâng bat góa; Góa bô tè thang tô-siám, ia̍h bô lâng khòaⁿ-kò͘ góa.

(BCL) 求你向我的正旁來看，因為無人識我；我無地通逃閃，亦無人看顧我。

5

(THR) Iâ-hô-hoa ah, góa bat tùi Lí ai-kiû; Góa kóng, Lí sī góa tô-siám ê só͘-chāi, Tī o̍ah-lâng ê tōe, Lí sī góa ê ki-gia̍p.

(BCL) 耶和華啊，我曾對你哀求。我講：你是我逃閃的所在；佇活人的地，你是我的基業。

6

(THR) Kiû Lí àⁿ hī-khang thiaⁿ góa ê kiû-kiò; in-ūi góa lo̍h kàu ke̍k-kē ê ūi; Kiû Lí kiù góa thoat-lī khún-pek góa ê lâng, in-ūi in pí góa khah-kiông.

(BCL) 求你俯耳孔聽我的求叫，因為我落到極低的位；求你救我脫離窘迫我的人，因為比我卡強。

7

(THR) Kiû Lí chhōa góa chhut kaⁿ, góa chiū thang o-ló Lí ê miâ; Gī-lâng beh ûi góa, in-ūi Lí ēng un-tián khóan-thāi góa.

(BCL) 求你導我出監，我就通謳咾你的名。義人欲圍我，因為你用恩典款待我。

Bible Color Mark

• 台語漢字羅馬本
• 巴克禮全羅