詩篇 第 144 章

1

(THR) Tāi-pı̍t ê si.1) Iâ-hô-hoa góa ê chio̍h-pôaⁿ, sī eng-kai o-ló--ê; I kà-sī góa ê chhiú ōe cheng-chiàn, Kà-sī góa ê chńg-thâu-á ōe saⁿ-thâi.

(BCL) 〔大衛的詩。〕耶和華──我的石磐是應該謳咾者！伊教示我的手會爭戰，教示我的指頭仔會相。

2

(THR) I sī góa ê chû-ài, góa ê soaⁿ-chē, Góa ê kôaiⁿ-tâi, góa ê kiù-chú; Góa ê tîn-pâi, sī góa só͘ óa-khò--ê; I hō͘ góa ê peh-sìⁿ hâng-ho̍k tī góa ê ē-bīn.

(BCL) 伊是我的慈愛，我的山寨，我的高台，我的救主，我的盾牌，是我所倚靠者；伊互我的百姓降服佇我的下面。

3

(THR) Iâ-hô-hoa ah, lâng sī sím-mı̍h, Lí kéng-jiân bat i? Lâng ê kiáⁿ sī sím-mı̍h, Lí kéng-jiân siàu-liām i?

(BCL) 耶和華啊，人是甚麼，你竟然識伊！人的子是甚麼，你竟然數念伊！

4

(THR) Lâng chhin-chhiūⁿ pûn chı̍t ê khùi; I ê jı̍t-chí chhin-chhiūⁿ iáⁿ kè--khì.

(BCL) 人親像歕一個氣；伊的日子親像影過去。

5

(THR) Iâ-hô-hoa ah, kiû Lí hō͘ thiⁿ sûi-lo̍h, chhin-sin kàng-lîm; Bong soaⁿ, soaⁿ chiū chhut ian.

(BCL) 耶和華啊，求你互天垂落，親身降臨，摸山，山就出煙。

6

(THR) Kiû Lí hoat-chhut sih-nà, hō͘ in sì-sòaⁿ; Siā-chhut Lí ê chìⁿ, hō͘ in jiáu-lōan.

(BCL) 求你發出閃爁，互四散，射出你的箭，互擾亂。

7

(THR) Lí tùi téng-bīn chhun-chhiú kiù góa; Kiù góa chhut tōa-chúi, Kiù góa thoat-lī gōa-pang lâng ê chhiú.

(BCL) 你對頂面伸手救我，救我出大水，救我脫離外邦人的手。

8

(THR) In ê chhùi kóng pe̍h-chha̍t, In ê chiàⁿ-chhiú sī kan-chà ê chiàⁿ-chhiú.

(BCL) 的嘴講白賊；的正手是奸詐的正手。

9

(THR) Siōng-tè ah, góa beh tùi Lí chhiùⁿ sin ê koa; Ēng cha̍p-tiâu-hiân ê sek, chhiùⁿ-koa o-ló Lí.

(BCL) 上帝啊，我欲對你唱新的歌，用十條弦的瑟唱歌謳咾你。

10

(THR) Lí sī hit ê chín-kiù lia̍t-ông--ê, Lí sī hit ê kiù lô͘-po̍k Tāi-pı̍t thoat-lī hāi-miā ê to--ê.

(BCL) 你是彼個拯救列王者；你是彼個救奴僕大衛脫離害命的刀者。

11

(THR) Kiû Lí chín-kiù góa, kiù góa thoat-lī gōa-pang lâng ê chhiú; In ê chhùi kóng pe̍h-chha̍t, In ê chiàⁿ-chhiú sī kan-chà ê chiàⁿ-chhiú.

(BCL) 求你拯救我，救我脫離外邦人的手。的嘴講白賊；的正手是奸詐的正手。

12

(THR) Góan ê ta-po͘-kiáⁿ tng siàu-liân ê sî, chhin-chhiūⁿ chhiū-á tōa-châng; Góan ê cha-bó͘-kiáⁿ chhin-chhiūⁿ chhù-kak ê chio̍h, chiàu khí-keng ê khóan-sit tiau-tok--ê.

(BCL) 阮的查甫子當少年的時親像樹仔大欉；阮的查某子親像厝角的石，照起宮的款式雕琢的。

13

(THR) Góan ê chhek-chhng móa-móa, ōe chhut ta̍k-iūⁿ ê bí-niû; Góan ê iûⁿ tī soaⁿ-iá siⁿ-thòaⁿ, chiâⁿ-chheng chiâⁿ-bān.

(BCL) 阮的粟倉滿滿，會出逐樣的米糧；阮的羊佇山野生湠成千成萬。

14

(THR) Góan ê gû thoa-mı̍h móa-chāi; Bô ū lâng jı̍p-lâi chhim-chiàm, ia̍h bián chhut-khì cheng-chiàn; Góan ê koe-chhī, ia̍h bô ū thî-khàu ê siaⁿ.

(BCL) 阮的牛拖物滿載，無有人入來侵佔，亦免出去爭戰；阮的街市亦無有啼哭的聲。

15

(THR) Tú-tio̍h chit-hō kéng-hóng ê peh-sìⁿ, ū hok-khì; Ū Iâ-hô-hoa chòe in ê Siōng-tè, chit-hō ê peh-sìⁿ ū hok-khì.

(BCL) 抵著此號景況的百姓有福氣！有耶和華做的上帝，此號的百姓有福氣！

Bible Color Mark

• 台語漢字羅馬本
• 巴克禮全羅