詩篇 第 15 章

1

(THR) Tāi-pı̍t ê si.1) Iâ-hô-hoa ah, chī-chūi ōe kià-kha tī Lí ê pò͘-pîⁿ? Chī-chūi ōe khiā-khí tī Lí ê Sèng-soaⁿ?

(BCL) 〔大衛的詩。〕耶和華啊，是誰會寄腳佇你的布棚？是誰會徛起佇你的聖山？

2

(THR) Chiū-sī só͘ kiâⁿ chèng-tı̍t, só͘-chòe kong-gī, Sim-lāi kóng sêng-sı̍t ê lâng.

(BCL) 就是所行正直、所做公義、心內講誠實的人。

3

(THR) I bô ēng chı̍h ka-bû lâng, Bô pháiⁿ khóan-thāi pêng-iú, Lâng húi-pòng chhù-piⁿ, i bô sì-kòe iâu.

(BCL) 伊無用舌加誣人，無歹款待朋友，人誹謗厝邊，伊無四界謠。

4

(THR) I ê ba̍k-chiu khòaⁿ-khin húi-lūi, Chun-tiōng kèng-ùi Iâ-hô-hoa ê lâng. I chiù-chōa, sui-bóng ka-kī khek-khui, ia̍h bô piàn-ōaⁿ.

(BCL) 伊的目睭看輕匪類，尊重敬畏耶和華的人。伊咒誓，雖莽家己剋虧亦無變換。

5

(THR) I gûn chioh lâng bô ūi-tio̍h lī-sek; Bô siū pò͘-lō͘ lâi hāi bô chōe--ê; Kiâⁿ chit-hō sū ê lâng éng-éng bô iô-choah.

(BCL) 伊銀借人無為著利息，無受賄賂來害無罪者。行此號事的人永永無搖泏。

Bible Color Mark

• 台語漢字羅馬本
• 巴克禮全羅