詩篇 第 34 章

1

(THR) Tāi-pı̍t ê si; chiū-sī i tī A-pì-bí-le̍k ê bīn-chêng ké hong-tian, siū kóaⁿ--chhut-khì ê sî só͘ chòe--ê.1) Góa beh sî-sî o-ló Iâ-hô-hoa; O-ló I ê ōe beh siông-siông tī góa ê chhùi.

(BCL) 〔大衛的詩，就是伊佇亞比米勒的面前假瘋癲，受趕出去的時所做的。〕我欲時時謳咾耶和華；謳咾伊的話欲常常佇我的嘴。

2

(THR) Góa ê sim-sîn beh in-ūi Iâ-hô-hoa lâi khoa-kháu; Khiam-pi ê lâng thiaⁿ-kìⁿ, ia̍h beh hoaⁿ-hí.

(BCL) 我的心神欲因為耶和華來誇口；謙卑的人聽見亦欲歡喜。

3

(THR) Lín kap góa tio̍h o-ló Iâ-hô-hoa chòe tōa, Saⁿ-kap chun I ê miâ chòe kôaiⁿ.

(BCL) 恁及我著謳咾耶和華做大，相及尊伊的名做高。

4

(THR) Góa bat kiû Iâ-hô-hoa, I chiū ìn góa; Kiù góa thoat-lī góa it-chhè thang kiaⁿ ê sū.

(BCL) 我曾求耶和華，伊就應我，救我脫離我一切通驚的事。

5

(THR) In kia̍h-thâu khòaⁿ I, chiū tit-tio̍h kng-bêng; In ê bīn éng bōe kiàn-siàu.

(BCL) 抬頭看伊，就得著光明；的面永見誚。

6

(THR) Chit ê khùn-khó͘ ê lâng kiû-kiò, Iâ-hô-hoa thiaⁿ-kìⁿ; Kiù i thoat-lī i it-chhè ê hōan-lān.

(BCL) 此個困苦的人求叫，耶和華聽見，救伊脫離伊一切的患難。

7

(THR) Iâ-hô-hoa ê sù-chiá tī kèng-ùi I ê lâng ê sì-ûi chat-iâⁿ, Lâi chín-kiù in.

(BCL) 耶和華的使者佇敬畏伊的人的四圍紮營，來拯救。

8

(THR) Lín tio̍h chhì-khòaⁿ, chiū chai Iâ-hô-hoa sī hó; Óa-khò I ê lâng ū hok-khì.

(BCL) 恁著試看，就知耶和華是好；倚靠伊的人有福氣！

9

(THR) Iâ-hô-hoa sèng ê peh-sìⁿ ah, lín tio̍h kèng-ùi I; In-ūi kèng-ùi I ê lâng bô khiàm-kheh chı̍t-hāng.

(BCL) 耶和華聖的百姓啊，恁著敬畏伊，因為敬畏伊的人無欠缺一項。

10

(THR) Sai-á-thûn ū khiàm-kheh, ū iau; To̍k-to̍k chhē Iâ-hô-hoa ê lâng bô khiàm sím-mı̍h hāng ê hó.

(BCL) 獅仔肫有欠缺有枵，獨獨尋耶和華的人無欠甚麼項的好。

11

(THR) Sòe-kiáⁿ ah, lín tio̍h lâi thiaⁿ góa, Góa beh chiong kèng-ùi Iâ-hô-hoa ê tō-lí kà-sī lín.

(BCL) 細子啊，恁著來聽我！我欲將敬畏耶和華的道理教示恁。

12

(THR) Sím-mı̍h lâng ài o̍ah-miā, Him-bō͘ hè-siū, beh tit-tio̍h hok-khì?

(BCL) 甚麼人愛活命，欣慕歲壽，欲得著福氣，

13

(THR) Chiū tio̍h kìm lí ê chı̍h bô kóng pháiⁿ-ōe; Lí ê chhùi-tûn bô kóng kan-chà ê ōe.

(BCL) 就著禁你的舌無講歹話，你的嘴唇無講奸詐的話。

14

(THR) Tio̍h lī-khui pháiⁿ, kiâⁿ hó; Chhē hô-pêng, lâi tui-jip--i.

(BCL) 著離開歹行好，尋和平，來追伊。

15

(THR) Iâ-hô-hoa ê ba̍k-chiu khòaⁿ gī-lâng; I ê hī-khang thiaⁿ in ê kî-tó.

(BCL) 耶和華的目睭看義人；伊的耳孔聽的祈禱。

16

(THR) Iâ-hô-hoa ê bīn ǹg kiâⁿ-pháiⁿ ê lâng, Beh tùi sè-kan tû-bia̍t in ê miâ-jī.

(BCL) 耶和華的面向行歹的人，欲對世間除滅的名字。

17

(THR) Gī-lâng kiû-kiò, Iâ-hô-hoa thiaⁿ-kìⁿ, Chiū kiù in thoat-lī it-chhè ê hōan-lān.

(BCL) 義人求叫，耶和華聽見，就救脫離一切的患難。

18

(THR) Iâ-hô-hoa óa-kūn siong-sim ê lâng, Chín-kiù lêng-sèng thòng-hóe ê lâng.

(BCL) 耶和華倚近傷心的人，拯救靈性痛悔的人。

19

(THR) Gī-lâng ū chōe-chōe khó͘-lān, Chóng-sī Iâ-hô-hoa kiù i lóng thoat-lī.

(BCL) 義人有多多苦難，總是耶和華救伊攏脫離，

20

(THR) Pó-chôan i lóng-chóng ê kut; Chı̍t-ki ia̍h bô phah-chı̍h.

(BCL) 保全伊攏總的骨，一支亦無拍折。

21

(THR) Chōe-ok beh hāi-sí pháiⁿ-lâng; Òan-hūn gī-lâng--ê beh siū tēng-chōe.

(BCL) 罪惡欲害死歹人；怨恨義人者，欲受定罪。

22

(THR) Iâ-hô-hoa kiù-sio̍k I ê lô͘-po̍k ê sîn-hûn; Hōan-nā óa-khò I--ê, bô chı̍t-ê siū tēng-chōe.

(BCL) 耶和華救贖伊的奴僕的神魂；凡若倚靠伊者，無一個受定罪。

Bible Color Mark

• 台語漢字羅馬本
• 巴克禮全羅