羅馬書 第 10 章

1

(THR) Hiaⁿ-tī ah, góa ê sim só͘ ì-ài, só͘ thòe in tùi Siōng-tè kiû ê, chiū-sī in ê tit kiù.

(BCL) 兄弟啊，我的心所意愛，所替對上帝求的，就是的得救。

2

(THR) In-ūi góa ūi-tio̍h in chòe kan-chèng, in ǹg Siōng-tè ū jia̍t-sim, chóng-sī bô chiàu chin ê tì-sek.

(BCL) 因為我為著做干證，向上帝有熱心，總是無照真的智識；

3

(THR) In-ūi in m̄ bat Siōng-tè ê gī, ài lı̍p ka-kī ê gī, chiū bô hâng-ho̍k Siōng-tè ê gī.

(BCL) 因為呣識上帝的義，愛立家己的義，就無降服上帝的義。

4

(THR) In-ūi Ki-tok chòe lu̍t-hoat ê kiat-bé, tì-kàu gī kui tī kìⁿ-nā sìn ê lâng.

(BCL) 因為基督做律法的結尾，致到義歸佇見若信的人。

5

(THR) In-ūi Mô͘-se siá kóng, Lâng kiâⁿ hit ê tùi lu̍t-hoat ê gī ê, beh tùi i lâi o̍ah.

(BCL) 因為摩西寫講：「人行彼個對律法的義的，欲對伊來活。」

6

(THR) Nā-sī tùi sìn ê gī sī chhin-chhiūⁿ án-ni kóng, Lí bo̍h-tit sim-lāi kóng, Chī-chūi beh chiūⁿ thiⁿ ah? (chiū-sī beh chhōa Ki-tok lo̍h-lâi);

(BCL) 若是對信的義是親像按呢講：「你莫得心內講：是誰欲上天啊？（就是欲導基督落來；）

7

(THR) á-sī, Chī-chūi beh lo̍h chhim-ian ah? (chiū-sī beh chhōa Ki-tok tùi sí-lâng tiong khí-lâi)

(BCL) 抑是是誰欲落深淵啊？（就是欲導基督對死人中起來。）」

8

(THR) I tàu-tí kóng sím-mı̍h ah? sī kóng, Giân-gú sī kūn tī lí, sī tī lí ê chhùi, tī lí ê sim, chiū-sī góan só͘ thôan chit ê sìn ê giân-gú;

(BCL) 伊到底講甚麼啊？是講：言語是近佇你，是佇你的嘴，佇你的心。（就是阮所傳此個信的言語。）

9

(THR) chiū-sī lí nā ēng chhùi jīn Iâ-so͘ chòe Chú, ēng sim sìn Siōng-té hō͘ I tùi sí-lâng tiong khí-lâi, chiū ōe tit-tio̍h kiù.

(BCL) 就是你若用嘴認耶穌做主，用心信上帝互伊對死人中起來，就會得著救。

10

(THR) In-ūi lâng ēng sim sìn, tì-kàu tit-tio̍h gī; ēng chhùi jīn, tì-kàu tit-tio̍h kiù.

(BCL) 因為人用心信，致到得著義；用嘴認，致到得著救。

11

(THR) Sèng-keng kóng, Kìⁿ-nā sìn-khò I ê lâng put-tì kiàn-siàu.

(BCL) 聖經講：「見若信靠伊的人不致見誚。」

12

(THR) In-ūi Iû-thài Hi-lī-nî lóng bô hun-piat; siāng chı̍t ê Chú sī chèng lâng ê Chú, khóan-thāi lóng-chóng kiû I ê lâng ke̍k-kî hù-jū.

(BCL) 因為猶太希利尼攏無分別，像一個主是眾人的主，款待攏總求伊的人極其富裕。

13

(THR) In-ūi kìⁿ-nā kiû-kiò Chú ê miâ ê lâng beh tit-tio̍h kiù.

(BCL) 因為「見若求叫主的名的人，欲得著救。」

14

(THR) Chóng-sī in só͘ iáu-bē sìn ê, thái-thó ōe kiû-kiò I? só͘ bē thiaⁿ-kìⁿ ê, thái-thó ōe sìn I? nā bô lâng thôan, thái-thó ōe thiaⁿ-kìⁿ?

(BCL) 總是，所猶未信的，豈可會求叫伊？所未聽見的，豈可會信伊？若無人傳，豈可會聽見？

15

(THR) nā m̄ sī hōng-chhe, thái-thó ōe thôan? chiàu só͘ kì-chài kóng, Thôan chiah ê hó-sū ê hok-im ê, in ê kha-pō͘ súi kàu cháiⁿ-iūⁿ!

(BCL) 若呣是奉差，豈可會傳？照所記載講：「傳諸個好事的福音者，的腳步娞到怎樣！」

16

(THR) Chóng-sī in m̄ sī lóng sūn-thàn hok-im. In-ūi Í-sài-a kóng, Chú ah, góan só͘ thôan ê, ū chī-chūi sìn ah?

(BCL) 總是呣是攏順趁福音，因為以賽亞講：「主啊，阮所傳的，有是誰信啊？」

17

(THR) Án-ni sìn sī chhut tī thiaⁿ, thiaⁿ sī tùi Ki-tok ê giân-gú.

(BCL) 按呢信是出佇聽，聽是對基督的言語。

18

(THR) To̍k-to̍k góa kóng, In kiám bē bat thiaⁿ-kìⁿ mah? Ū lah, In ê siaⁿ-im thôan kàu piàn thiⁿ-ē, In ê giân-gú kàu tōe-ke̍k.

(BCL) 獨獨我講，豈未曾聽見嗎？有啦。的聲音傳到遍天下，的言語到地極。

19

(THR) Nā-sī góa kóng, Í-sek-lia̍t lâng kiám bē chai mah? Khí-thâu Mô͘-se kóng, Góa beh ēng m̄ sī chòe peh-sìⁿ ê, lâi kek lín ê hùn-chì, Ēng gōng ê peh-sìⁿ lâi kek lín ê siū-khì.

(BCL) 若是我講，以色列人豈未知嗎？起頭摩西講：我欲用呣是做百姓的，來激恁的奮志；用戇的百姓來激恁的受氣。

20

(THR) Í-sài-a iā hó-táⁿ kóng, Bē bat chhē góa ê, góa hō͘ in tú-tio̍h, Bē bat chhéng-mn̄g góa ê, góa tùi in hián-bêng.

(BCL) 以賽亞也好膽講：未曾尋我的，我互抵著，未曾請問我的，我對顯明。

21

(THR) Nā-sī lūn-kàu Í-sek-lia̍t i chiū kóng, Góa thong jı̍t chhun chhiú, ǹg m̄ sūn-thàn kap piān-pok ê peh-sìⁿ.

(BCL) 若是論到以色列，伊就講：「我通日伸手，向呣順趁及辯駁的百姓。」

Bible Color Mark

• 台語漢字羅馬本
• 巴克禮全羅