羅馬書 第 11 章

1

(THR) Góa chiū kóng, Siōng-tè kiám ū khì-sak I ê peh-sìⁿ ah? Tòan-tòan m̄ sī. In-ūi góa iā sī Í-sek-lia̍t lâng, chhut tī A-pek-la̍h-hán ê hō͘-è, Piān-ngá-bín ê chi-phài.

(BCL) 我就講，上帝豈有棄拺伊的百姓啊？斷斷呣是。因為我也是以色列人，出佇亞伯拉罕的後裔，便雅憫的支派。

2

(THR) Siōng-tè bē bat khì-sak I só͘ tāi-seng chai ê peh-sìⁿ. Á-sī lín m̄ chai sèng-keng tī Í-lī-a hit chām só͘ kì-chài ah? i ū cháiⁿ-iūⁿ tùi Siōng-tè kò Í-sek-lia̍t lâng,

(BCL) 上帝未曾棄拺伊所代先知的百姓。抑是恁呣知聖經佇以利亞彼站所記載啊？伊有怎樣對上帝告以色列人講：

3

(THR) kóng, Chú ah, in ū thâi-sí lí ê sian-ti, ku̍t-tó lí chiah ê chè-tôaⁿ; chí ū lâu góa tī-teh, in iā beh tı̍h góa ê sìⁿ-miā.

(BCL) 「主啊，有死你的先知，掘倒你諸個祭壇，只有留我佇，也欲揲我的生命。」

4

(THR) Chóng-sī Siōng-tè ū ìn i cháiⁿ-iūⁿ ah? sī kóng, Góa ūi-tio̍h ka-kī ū lâu chhit-chheng lâng, bē bat kūi-pài Pa-le̍k ê.

(BCL) 總是上帝有應伊怎樣啊？是講：「我為著家己有留七千人，未曾跪拜巴力的。」

5

(THR) Hiān-kim iā án-ni iáu ū só͘ lâu-teh, chiū-sī chiàu un-tián lâi kéng-sóan ê.

(BCL) 現今也按呢猶有所留，就是照恩典來揀選的。

6

(THR) Chóng-sī nā chiàu un-tián, chiū bô koh tùi só͘ kiâⁿ; nā bô, chiū un-tián m̄ sī un-tián.

(BCL) 總是若照恩典，就無閣對所行；若無，就恩典呣是恩典。

7

(THR) Án-ni chiū cháiⁿ-iūⁿ? Í-sek-lia̍t só͘ kiû ê, i kèng-jiân bô tit-tio̍h; to̍k-to̍k siū-kéng ê ū tit-tio̍h, kî-û ê chiū pìⁿ ngī-sim;

(BCL) 按呢就怎樣？以色列所求的，伊竟然無得著，獨獨受揀的有得著；其餘的就變硬心。

8

(THR) chiàu só͘ kì-chài, kóng, Siōng-tè hō͘ in hun-bê ê sim, bōe khòaⁿ-kìⁿ ê ba̍k-chiu, bōe thiaⁿ-kìⁿ ê hī-khang, kàu tī kin-á-jı̍t.

(BCL) 照所記載講：上帝互昏迷的心，看見的目睭，聽見的耳孔，到佇今仔日。

9

(THR) Tāi-pı̍t iā kóng, Hō͘ in ê iân-toh chiâⁿ chòe o̍ah-tauh, chòe lô-bāng, Chòe that-gāi, chòe pò-èng tī in;

(BCL) 大衛也講：互的筵桌成做活罩，做羅網，做塞礙，做報應佇。

10

(THR) Hō͘ in ê ba̍k-chiu hoe, bōe-ōe khòaⁿ-kìⁿ, In ê ka-chiah siông-siông ku-ku.

(BCL) 互的目睭花，會看見，的尻脊常常痀痀。

11

(THR) Án-ni góa chiū kóng, In í-keng tio̍h-tak, sī tì-kàu in po̍ah-tó mah? Tòan-tòan m̄ sī. Hóan-tńg tùi in ê hōan-chōe, chín-kiù chiū kàu tī gōa-pang, beh kek-khí in ê hùn-chì.

(BCL) 按呢我就講，已經著觸，是致到跋倒嗎？斷斷呣是！反轉對的犯罪，拯救就到佇外邦，欲激起的奮志。

12

(THR) Taⁿ in ê hōan-chōe nā chòe sè-kan ê pù-ū, in ê soe-thè nā chòe gōa-pang ê pù-ū, hô-hòng in ê chhiong-móa?

(BCL) 今的犯罪，若做世間的富有，的衰退若做外邦的富有，何況的充滿？

13

(THR) Góa sī tùi lín gōa-pang lâng kóng, In-ūi góa sī gōa-pang lâng ê sù-tô͘, góa êng-kng góa ê chit;

(BCL) 我是對恁外邦人講；因為我是外邦人的使徒，我榮光我的職，

14

(THR) khòaⁿ ōe thang kek-khí góa kut-jio̍k chhin ê hùn-chì, lâi kiù in tiong-kan kúi-nā lâng.

(BCL) 看會通激起我的骨肉親的奮志，來救中間幾若人

15

(THR) In-ūi in ê siū khì-sak nā chòe sè-kan ê koh hô, chiū in ê siū chiap-la̍p, m̄ sī tùi sí lâi o̍ah sī sím-mı̍h ah?

(BCL) 因為的受棄拺，若做世間的復和；就的受接納，呣是對死來活是甚麼啊？

16

(THR) Khí-thâu hiàn ê mī nā sī sèng, chiū kui-sn̂g iā sī sèng; kun nā sī sèng, chiū ki iā sī sèng.

(BCL) 起頭獻的麵若是聖，就歸甑也是聖；根若是聖，就枝也是聖。

17

(THR) Chiah ê ki nā ū-ê at-khí-lâi, iā lí pún sī soaⁿ kaⁿ-ná tit-tio̍h chiap tī in tiong-kan, saⁿ-kap hūn tī kaⁿ-ná ê kun kap pûi-chiap;

(BCL) 諸個枝若有的遏起來，也你本是山橄欖得著接佇中間，相及份佇橄欖的根及肥汁，

18

(THR) lí chiū m̄ thang tùi ki lâi khoa-kháu; lí nā khoa-kháu, chiū m̄ sī kun óa-khò lí, sī lí óa-khò kun.

(BCL) 你就呣通對枝來誇口；你若誇口，就呣是根倚靠你，是你倚靠根。

19

(THR) Án-ni lí beh kóng, Ki at-khí-lâi beh hō͘ góa chiap-lo̍h-lâi.

(BCL) 按呢你欲講，枝遏起來欲互我接落來。

20

(THR) Tio̍h; in tùi m̄ sìn chiah at-khí-lâi, lí tùi sìn chiah khiā-tiâu.

(BCL) 著！對呣信才遏起來，你對信才徛住；心莫得自高，著驚惶。

21

(THR) Sim bo̍h-tit chū-ko, tio̍h kiaⁿ-hiâⁿ. in-ūi Siōng-tè nā bô pó-sioh sūn-sèng ê ki, iā beh bô pó-sioh lí.

(BCL) 因為上帝若無保惜順性的枝，也欲無保惜你。

22

(THR) Tio̍h khòaⁿ Siōng-tè ê chû-pi kap giâm-kín; khóan-thāi hiah ê po̍ah-tó ê, sī giâm-kín; nā-sī khóan-thāi lí sī Siōng-tè ê chû-pi, chóng-sī lí tio̍h tn̂g-tn̂g tiàm-tī I ê chû-pi; nā bô, iā beh kā lí koah-khí-lâi.

(BCL) 著看上帝的慈悲及嚴謹，款待許個跋倒的是嚴謹，若是款待你是上帝的慈悲；總是你著長長佇伊的慈悲，若無，也欲給你割起來。

23

(THR) Koh in nā m̄ sī tn̂g-tn̂g tiàm-tī m̄ sìn, iā beh tit-tio̍h chiap; in-ūi Siōng-tè ōe koh chiap in.

(BCL) 閣若呣是長長佇呣信，也欲得著接，因為上帝會閣接。

24

(THR) In-ūi lí nā tùi hit ê sūn-sèng chòe soaⁿ kaⁿ-ná ê kì-jiân koah-khí-lâi, ge̍k-sèng lâi chiap tī hó ê kaⁿ-ná, hô-hòng hiah ê sūn-sèng ê ki beh chiap tī pún kū ê kaⁿ-ná ah?

(BCL) 因為你若對彼個順性做山橄欖的既然割起來，逆性來接佇好的橄欖，何況許個順性的枝欲接佇本舊的橄欖啊！

25

(THR) Hiaⁿ-tī ah, góa m̄ ài lín m̄ chai chit ê ò-biāu bián-tit lín ka-kī lia̍h-chòe tì-hūi; chiū-sī Í-sek-lia̍t tiong ū-ê chiâⁿ-chòe ngī-sim, thèng-hāu gōa-pang móa-móa chìn-jı̍p;

(BCL) 兄弟啊，我呣愛恁呣知此個奧妙（免得恁家己掠做智慧），就是以色列中有的成做硬心，聽候外邦滿滿進入，

26

(THR) án-ni thong Í-sek-lia̍t beh lóng tit kiù, chiàu só͘ kì-chài kóng, Beh ū Kiù-chú tùi Sûn-siâⁿ chhut, Kóe-tû Ngá-kok ê put-khiân;

(BCL) 按呢通以色列欲攏得救，照所記載講：欲有救主對郇城出，解除雅各的不虔；

27

(THR) Koh góa tû-khì in ê chōe ê sî, Che chiū-sī góa kap in só͘ lı̍p ê iok.

(BCL) 閣我除去的罪的時，這就是我及所立的約。

28

(THR) Chiàu hok-im, chiū in ūi-tio̍h lín lâi chòe kiû-siû; chiàu kéng-sóan, chiū in ūi-tio̍h lia̍t-chó͘ lâi tit-tio̍h thiàⁿ.

(BCL) 照福音，就為著恁來做仇讎；照揀選，就為著列祖來得著疼。

29

(THR) In-ūi Siōng-tè ê un-sù kap tiàu-lâng lóng bô thè-hòe.

(BCL) 因為上帝的恩賜及召人攏無退悔。

30

(THR) Sī chhin-chhiūⁿ lín chêng bô sūn-ho̍k Siōng-tè, nā-sī taⁿ tùi in ê bô sūn-ho̍k lín tit-tio̍h lîn-bín,

(BCL) 是親像恁前無順服上帝，若是今對的無順服，恁得著憐憫。

31

(THR) án-ni in taⁿ bô sūn-ho̍k, thang tùi lín ê tit-tio̍h lîn-bín, hō͘ in ia̍h tit-tio̍h lîn-bín.

(BCL) 按呢今無順服，通對恁的得著憐憫，互亦得著憐憫。

32

(THR) In-ūi Siōng-tè í-keng ûi bān lâng tī bô sūn-ho̍k ê tiong-kan, tiâu-tî beh lîn-bín bān lâng.

(BCL) 因為上帝已經圍萬人佇無順服的中間，刁持欲憐憫萬人。

33

(THR) Chhim-tîm ah! Siōng-tè ê tì-hūi kap kiàn-sek ê pù-ū ah! I ê phòaⁿ-tòan bōe chhek-to̍k-tit, I ê lō͘-tô͘ tui-chhē bōe tio̍h.

(BCL) 深沈啊！上帝的智慧及見識的富有啊！伊的判斷測　得！伊的路途追尋著！

34

(THR) Chī-chūi chai Chú ê sim-chì? Chī-chūi kap I chham-gī? chī-chūi tāi-seng hō͘ I, tì-kàu hō͘ I pò-tap?

(BCL) 是誰知主的心志？是誰及伊參議？

35

(THR) In-ūi bān mı̍h lóng chhut tī I, óa-khò I, kui tī I.

(BCL) 是誰代先互伊，致到互伊報答？

36

(THR) Gōan I êng-kng kàu tāi-tāi. À-bēng.

(BCL) 因為萬物攏出佇伊，倚靠伊，歸佇伊。願伊榮光到代代。阿們。

Bible Color Mark

• 台語漢字羅馬本
• 巴克禮全羅