羅馬書 第 3 章

1

(THR) Án-ni chiū Iû-thài lâng ū sím-mı̍h kiàn-tiông? kat-lé ū sím-mı̍h lī-ek ah?

(BCL) 按呢就猶太人有甚麼見長？割禮有甚麼利益啊？

2

(THR) Bô lūn khòaⁿ tá-lo̍h chı̍t bīn, lóng tōa-tōa ū lī-ek; tē it sī Siōng-tè ê chiàu ū kau-thok in.

(BCL) 無論看叨落一面，攏大大有利益：第一是上帝的詔有交託。

3

(THR) Siat-sú ū-ê bô sìn, chiū cháiⁿ-iūⁿ? in ê bô sìn beh hòe-bô Siōng-tè ê sìn-sı̍t mah?

(BCL) 設使有的無信，就怎樣？的無信欲廢無上帝的信實嗎？

4

(THR) Tòan-tòan m̄ sī; tio̍h jīn Siōng-tè chòe chin-sı̍t, lâng lóng chòe pe̍h-chha̍t; chiàu só͘ kì-chài kóng, "Hō͘ lí tī lí só͘ kóng ê chheng-chòe-gī, Tī siū sím-phòaⁿ ê sî, tit-tio̍h khah-iâⁿ."

(BCL) 斷斷呣是！著認上帝做真實，人攏做白賊。照所記載講：互你佇你所講的，稱做義；佇受審判的時，得著卡贏。

5

(THR) Góa taⁿ thàn lâng ê khóan lâi kóng: Lán ê put-gī nā hián-bêng Siōng-tè ê gī, lán beh cháiⁿ-iūⁿ kóng? Siōng-tè kàng-lo̍h siū-khì, I iā put-gī mah?

(BCL) 我今趁人的款來講，咱的不義若顯明上帝的義，咱欲怎樣講？上帝降落受氣，伊也不義嗎？

6

(THR) Tòan-tòan m̄ sī; nā án-ni, Siōng-tè thái-thó ōe sím-phòaⁿ sè-kan ah?

(BCL) 斷斷呣是！若按呢，上帝豈可會審判世間啊？

7

(THR) Nā góa ê pe̍h-chha̍t it-hoat hián-bêng Siōng-tè ê chin-sı̍t, hō͘ I ná êng-kng, chiū góa cháiⁿ-iūⁿ iû-gôan siū sím-phòaⁿ, chhin-chhiūⁿ chōe-jîn ah?

(BCL) 若我的白賊益發顯明上帝的真實，互伊愈榮光，就我怎樣猶原受審判，親像罪人啊？

8

(THR) Iā siáⁿ-sū bô kóng, Lán lâi khì chòe pháiⁿ, hō͘ hó sū ōe chiâⁿ? che sī chhin-chhiūⁿ góan só͘ siū ê húi-pòng, iā chhin-chhiūⁿ lâng kóng góan ū án-ni teh kóng: hit hō lâng siū tēng-chōe sī kong-tō.

(BCL) 也啥事無講，咱來去做歹互好事會成？這是親像阮所受的誹謗，也親像人講阮有按呢講。彼號人受定罪是公道。

9

(THR) Che sī cháiⁿ-iūⁿ? Lán ū khah-su mah? Lóng bô. In-ūi góan í-keng chèng-bêng Iû-thài Hi-lī-nî lóng ū chōe;

(BCL) 這是怎樣？咱有卡輸嗎？攏無！因為阮已經證明猶太希利尼攏有罪。

10

(THR) chiàu só͘ kì-chài kóng, Lóng bô gī lâng, liân chı̍t-ê iā bô;

(BCL) 照所記載講：攏無義人，連一個也無；

11

(THR) Bô lâng hiáu-ngō͘, bô lâng chhē Siōng-tè;

(BCL) 無人曉悟；無人尋上帝；

12

(THR) Lóng-chóng oai-chho̍ah, saⁿ-tâng pìⁿ chòe bô lī-ek; Bô ū kiâⁿ hó ê, liân pòaⁿ-ê iā bô;

(BCL) 攏總歪斜，相同變做無利益。無有行好的，連半個也無。

13

(THR) In ê nâ-âu sī phòa bōng; In ēng chı̍h kóng kan-chà; In ê chhùi-tûn ē ū chôa ê to̍k;

(BCL) 的嚨喉是破墓；用舌講奸詐，的嘴唇下有蛇的毒，

14

(THR) In ê chhùi móa-móa chiù-chó͘ iā chin khó͘;

(BCL) 的嘴滿滿咒詛也真苦。

15

(THR) In ê kha kín-kín cháu ài hō͘ lâng lâu huih,

(BCL) 的腳緊緊走愛互人流血，

16

(THR) Tī in ê lō͘ ū chân-hāi kap khó͘-lān;

(BCL) 佇的路有殘害及苦難。

17

(THR) Pêng-an ê lō͘ in m̄ bat,

(BCL) 平安的路，呣識，

18

(THR) In ê ba̍k-chiu chêng bô ū kiaⁿ-ùi Siōng-tè.

(BCL) 的目睭前無有驚畏上帝。

19

(THR) Taⁿ lán chai kìⁿ-nā lu̍t-hoat só͘ kóng ê sī tùi lu̍t-hoat ē ê lâng lâi kóng, beh that-ba̍t chèng lâng ê chhùi, hō͘ thong sè-kan tī Siōng-tè ê bīn-chêng siū gí-chōe;

(BCL) 今咱知見若律法所講的是對律法下的人來講，欲塞密眾人的嘴，互通世間佇上帝的面前受擬罪。

20

(THR) in-ūi tùi thàn lu̍t-hoat bô lâng ōe tit chheng-chòe-gī tī Siōng-tè ê bīn-chêng; in-ūi tùi lu̍t-hoat sī hō͘ lâng chai ū chōe.

(BCL) 因為對趁律法無人會得稱做義佇上帝的面前，因為對律法是互人知有罪。

21

(THR) Taⁿ tī lu̍t-hoat í-gōa ū Siōng-tè ê gī í-keng hián-bêng, lu̍t-hoat kap sian-ti kā i chòe kan-chèng;

(BCL) 今佇律法以外有上帝的義已經顯明，律法及先知給伊做干證：

22

(THR) chiū-sī Siōng-tè ê gī, tùi sìn Iâ-so͘ Ki-tok kàu tī lóng-chóng sìn ê lâng; in-ūi lóng bô cheng-chha;

(BCL) 就是上帝的義，對信耶穌基督到佇攏總信的人，因為攏無增差。

23

(THR) in-ūi chèng lâng í-keng hōan-chōe, Siōng-tè ê êng-kng tit bô tio̍h;

(BCL) 因為眾人已經犯罪，上帝的榮光得無著；

24

(THR) taⁿ ūi-tio̍h I ê un-tián pe̍h-pe̍h tit-tio̍h chheng-chòe-gī, tùi-tī Ki-tok Iâ-so͘ ê sio̍k-hôe;

(BCL) 今為著伊的恩典白白得著稱做義，對佇基督耶穌的贖回。

25

(THR) chiū-sī Siōng-tè só͘ hián-jiân siat-lı̍p chòe bán-hôe ê chè ê, tùi sìn, chāi-tī I ê huih, beh hián-bêng I ka-kī ê gī, in-ūi Siōng-tè ū khoan-iông, bô kui-kiū chêng tāi ê chōe;

(BCL) 就是上帝所顯然設立做挽回的祭的，對信，在佇伊的血，欲顯明伊家己的義；因為上帝有寬容，無歸咎前代的罪，

26

(THR) tī hiān-kim ê sî-tāi ài hián-bêng I ê gī, hō͘ I pún-sin chòe gī, koh chheng hit ê sìn Iâ-so͘ ê lâng chòe gī.

(BCL) 佇現今的時代愛顯明伊的義，互伊本身做義，閣稱彼個信耶穌的人做義。

27

(THR) Án-ni-siⁿ tī tá-lo̍h thang khoa-kháu? Chôan-jiân bô lah. Tùi sím-mı̍h hoat hō͘ i bô? tùi kiâⁿ ê hoat mah? M̄ sī, sī tùi sìn ê hoat.

(BCL) 按呢生佇叨落通誇口？全然無啦。對甚麼法互伊無？對行的法嗎？呣是，是對信的法。

28

(THR) Só͘-í góan gī-tiāⁿ lâng chheng-chòe-gī sī tùi sìn, m̄ sī tùi thàn lu̍t-hoat.

(BCL) 所以阮議定：人稱做義是對信，呣是對趁律法。

29

(THR) Á-sī Siōng-tè to̍k-to̍k sī Iû-thài lâng ê Siōng-tè mah? Kiám iā m̄ sī gōa-pang lâng ê Siōng-tè mah? Sī, iā sī gōa-pang lâng ê;

(BCL) 抑是上帝獨獨是猶太人的上帝嗎？豈也呣是外邦人的上帝嗎？是，也是外邦人的。

30

(THR) in-ūi Siōng-tè sī chı̍t-ê, I beh ēng sìn chheng siū kat-lé ê lâng chòe gī, iā beh tùi chit ê sìn chheng bô siū kat-lé ê lâng chòe gī.

(BCL) 因為上帝是一個，伊欲用信稱受割禮的人做義，也欲對此個信稱無受割禮的人做義。

31

(THR) Án-ni chiū lán tùi sìn hòe-bô lu̍t-hoat mah? Tòan-tòan m̄ sī; hóan-tńg sī hō͘ lu̍t-hoat khiā-chāi.

(BCL) 按呢，就咱對信廢無律法嗎？斷斷呣是！反轉是互律法徛在。

Bible Color Mark

• 台語漢字羅馬本
• 巴克禮全羅