Le̍k-tāi chì-lio̍k siōng-kòan 第 23 章 - 巴克禮全羅

1

Tāi-pı̍t nî lāu, jı̍t-chí móa-chiok, chiū siat-lı̍p i ê kiáⁿ Só͘-lô-bûn chòe Í-sek-lia̍t ông.

2

Tāi-pı̍t chū-chı̍p Í-sek-lia̍t ê chèng siú-léng, kap chiah ê chè-si, í-kı̍p Lī-bī lâng.

3

Lī-bī lâng tùi saⁿ-cha̍p hè í-chiūⁿ--ê, lóng kè-sǹg; chiàu só͘ sǹg ta-po͘-lâng ê gia̍h-sò͘, kiōng saⁿ-bān poeh-chheng.

4

Kî-tiong nn̄g-bān sì-chheng lâng kóan-lí Iâ-hô-hoa tiān ê kang, ū la̍k-chheng lâng chòe chit-ôan kap sū-su.

5

Ū sì-chheng lâng chòe kò͘-mn̂g--ê; koh sì-chheng lâng chiong góa Tāi-pı̍t só͘ chòe ēng teh o-ló ê ga̍k-khì o-ló Iâ-hô-hoa.

6

Tāi-pı̍t chiàu Lī-bī ê kiáⁿ, Kek-sūn, Ko-hat, Bí-la̍h-lī, lâi pun in ê kiáⁿ-sun ê pan-lia̍t.

7

Sio̍k Kek-sūn ê lâng, La̍h-tàn kap Sī-múi.

8

La̍h-tàn ê kiáⁿ, tōa-ê sī Iâ-iat, koh ū Sè-tàn kap Iok-jíⁿ, kiōng saⁿ-lâng.

9

Sī-múi ê kiáⁿ, Sī-lô-bı̍t, Hap-siat, Hap-lân, kiōng saⁿ-lâng; che sī La̍h-tàn cho̍k ê cho̍k-tiúⁿ.

10

Sī-múi ê kiáⁿ, Ngá-hap, Sè-ná, Iâ-o͘-si, Pí-lī-a, chí(**chit) sì-lâng chiū-sī Sī-múi ê kiáⁿ.

11

Ngá-hap sī tōa-kiáⁿ, tē-jī-ê Se-sat; to̍k-to̍k Iâ-o͘-si, Pí-lī-a ê kiáⁿ-sun bô jōa-chōe, só͘-í sǹg-chòe chı̍t-cho̍k.

12

Ko-hat ê kiáⁿ sī Àm-lân, Í-su-hap, Hi-pek-lûn, Ou-siat, kiōng sì-lâng.

13

Àm-lân ê kiáⁿ, A-lûn, Mô͘-se; A-lûn kap i ê kiáⁿ-sun sī hun-piat kàu tī éng-óan, lâi hun-piat chì-sèng ê mı̍h chòe-sèng, tī Iâ-hô-hoa ê bīn-chêng sio-hiuⁿ, lâi ho̍k-sāi I, hōng I ê miâ chiok-hok, kàu tī éng-óan.

14

Lūn-kàu Siōng-tè ê lô͘-po̍k Mô͘-se, i ê kiáⁿ miâ-jī kì tī Lī-bī ê chi-phài tiong.

15

Mô͘-se ê kiáⁿ sī Kek-sūn kap Í-lī-í-siā.

16

Kek-sūn ê kiáⁿ, tōa-ê sī Sè-pò͘-gia̍p.

17

Í-lī-í-siā ê kiáⁿ, Lī-hap-pí-ngá sī tōa-ê; Í-lī-í-siā bô pa̍t ê kiáⁿ; chóng-sī Lī-hap-pí-ngá ê kiáⁿ chin-chōe.

18

Í-su-hap ê kiáⁿ, tōa-ê Sī-lô-bı̍t.

19

Hi-pek-lûn ê kiáⁿ, tōa-ê Iâ-lī-ngá, tē-jī-ê sī A-má-lī-a, tē-saⁿ-ê sī Ngá-hap-sek, tē-sì sī Iâ-ka-biān.

20

Ou-siat ê kiáⁿ, tōa-ê sī Bí-ka, tē-jī-ê sī Iâ-se-ngá.

21

Bí-la̍h-lī ê kiáⁿ; Bo̍at-lī, Bó͘-sī; Bo̍at-lī ê kiáⁿ; Í-lī-a-sat, Ki-sū.

22

Í-lī-a-sat sí, bô kiáⁿ, chí-ū cha-bó͘-kiáⁿ, in ê hiaⁿ-tī Ki-sū ê kiáⁿ chhōa in.

23

Bó͘-sī ê kiáⁿ sī Bo̍at-le̍k, Í-tek, Iâ-lī-mô͘, kiōng saⁿ-lâng.

24

Téng-bīn só͘ kì lóng sī Lī-bī ê kiáⁿ-sun, chiàu in lāu-pē ê ke lâi chòe cho̍k-tiúⁿ, ūi Iâ-hô-hoa ê chhù lâi chòe chhe-ēng ê kang; ta̍k-lâng tùi jī-cha̍p hè í-chiūⁿ siū-sǹg, lóng chiàu in ê miâ ê siàu-gia̍h lâi kè-sǹg.

25

In-ūi Tāi-pı̍t kóng, Iâ-hô-hoa Í-sek-lia̍t ê Siōng-tè, í-keng hō͘ I ê peh-sìⁿ pêng-an, koh I éng-óan tiàm-tī Iâ-lō͘-sat-léng.

26

Lī-bī lâng iā m̄-bián koh kng hōe-bō͘, kap kî-tiong só͘ ēng lóng-chóng ê khì-kū.

27

In-ūi chiàu Tāi-pı̍t lîm-chiong ê sî só͘ hoan-hù--ê, Lī-bī lâng tùi jī-cha̍p hè í-chiūⁿ lóng siū-sǹg.

28

In-ūi i ê chit sī kun-sûi A-lûn ê kiáⁿ-sun, lâi chòe Iâ-hô-hoa tiān ê kang, chiū-sī tī chiah ê īⁿ kap chiah ê pâng lâi chòe kang, ia̍h hō͘ chiah ê sèng-mı̍h chheng-khì, lâi chòe Iâ-hô-hoa tiān ê kang;

29

liāu-lí pâi-lia̍t ê piáⁿ, sò͘-chè ê mī-hún, he̍k-sī bô-kàⁿ ê po̍h-piáⁿ, kap tiáⁿ-lāi só͘ pek, í-kı̍p tiau-hô ê mı̍h; koh kóan-lí chhìn, niû ê sū.

30

Ta̍k chá-khí khiā-teh lâi kám-siā o-ló Iâ-hô-hoa, ta̍k ê-hng iā sī án-ni.

31

Koh tī an-hioh-jı̍t, ge̍h ê chhoe-it, kap choeh-kî, hiàn chiah ê sio-chè hō͘ Iâ-hô-hoa, chiàu mı̍h ê siàu-gia̍h, chiàu só͘ tiāⁿ-tio̍h ê lē, siông-siông hiàn tī Iâ-hô-hoa ê bīn-chêng.

32

Koh hō͘ i kò͘-siú hōe-bō͘ ê chek-sêng, kap sèng-só͘ ê chek-sêng, í-kı̍p i ê hiaⁿ-tī A-lûn ê kiáⁿ-sun só͘ hō͘ i chòe ê chek-sêng, lâi ho̍k-sāi tī Iâ-hô-hoa ê chhù.