Iâ-lī-bí 第 45 章 - 巴克禮全羅

1

Iû-tāi ông Iok-se-a ê kiáⁿ Iok-ngá-kèng sì--nî, Nî-lī-a ê kiáⁿ, Pa-lio̍k, chiong sian-ti Iâ-lī-bí só͘ thôan hiah ê ōe kì tī chheh--nih;

2

hit-sî Iâ-lī-bí tùi i kóng, Pa-lio̍k ah, Iâ-hô-hoa Í-sek-lia̍t ê Siōng-tè lūn-kàu lí ū án-ni kóng:

3

Lí bat kóng, Góa ū chai-ē ah; Iâ-hô-hoa tī góa thòng-khó͘ ê téng-bīn ke-thiⁿ iu-chhiû; góa thó͘-khùi kàu ià-siān, bōe tit-tio̍h pêng-an.

4

Taⁿ lí tio̍h án-ni kā i kóng, Iâ-hô-hoa án-ni kóng, Khòaⁿ ah, Góa só͘ kiàn-lı̍p--ê, Góa beh thiah-húi, Góa só͘ chai-chèng--ê, Góa beh pu̍ih--khí-lâi; chôan-tōe lóng án-ni.

5

Lí ūi ka-kī tô͘-bô͘ tōa tāi-chì mah? bo̍h-tit tô͘-bô͘. Khòaⁿ ah, in-ūi Góa beh hō͘ chai-ē kàng-lo̍h tī kìⁿ ū hiat-khì--ê. Chóng-sī lí bô-lūn khì toh-lo̍h, Góa beh hō͘ lí khioh--tio̍h ka-kī ê sìⁿ-miā; che sī Iâ-hô-hoa kóng--ê.