Bîn-sò͘ Kì-lio̍k 第 29 章 - 巴克禮全羅

1

Chhit-ge̍h chhoe-it lín tio̍h ū sèng-hōe, lóng m̄-thang chòe lô-tōng ê kang; che sī lín pûn sàu-kak ê jı̍t.

2

Lín tio̍h hiàn phang-phang ê sio-chè hō͘ Iâ-hô-hoa, chiū-sī gû-káng-á chı̍t-chiah, mî-iûⁿ-káng chı̍t-chiah bē-móa-nî ê iûⁿ-káng-á chhit-chiah, lóng tio̍h bô hâ-chhû-ê.

3

In ê sò͘-chè, ēng tiau-hô iû ê iù-mī-hún, ūi-tio̍h chı̍t chiah gû-káng hiàn i-hoat cha̍p-hūn-saⁿ, ūi-tio̍h chı̍t-chiah iûⁿ-káng hiàn cha̍p-hūn-nn̄g.

4

Ūi-tio̍h hí chhit chiah iûⁿ-á, ta̍k-chiah tio̍h hiàn cha̍p-hūn-chı̍t.

5

Koh hiàn chı̍t chiah soaⁿ-iûⁿ-káng chòe sio̍k-chōe-chè, kā lín sio̍k-chōe.

6

Chiah-ê sī ta̍k-ge̍h chhoe-it ê sio-chè, kap i ê sò͘-chè, í-kı̍p siông-siông hiàn ê sio-chè, kap in ê sò͘-chè, í-kı̍p i ê kòan-tiān, kok chiàu i ê lē í-gōa, lóng chòe phang-phang ê hé-chè hiàn hō͘ Iâ-hô-hoa.

7

Chhit-ge̍h chhoe-cha̍p jı̍t, lín tio̍h ū sèng-hōe, tio̍h khek-khó͘ ka-kī ê sim, lóng m̄-thang chòe-kang.

8

Lín tio̍h hiàn phang-phang ê sio-chè hō͘ Iâ-hô-hoa, chiū-sī gû-káng-á chı̍t-chiah, mî-iûⁿ-káng chı̍t-chiah, bē-móa-nî ê iûⁿ-káng-á chhit-chiah, lóng tio̍h bô hâ-chhû-ê.

9

In ê sò͘-chè, ēng tiau-hô iû ê iù-mī-hún, ūi-tio̍h chı̍t chiah gû-káng hiàn cha̍p-hūn-saⁿ, ūi-tio̍h chı̍t chiah iûⁿ-káng hiàn cha̍p-hūn-nn̄g;

10

ūi-tio̍h hí chhit-chiah iûⁿ-á, ta̍k-chiah tio̍h hiàn cha̍p-hūn-chı̍t.

11

Koh hiàn chı̍t chiah soaⁿ-iûⁿ-káng chòe sio̍k-chōe-chè; che sī tī sio̍k-chōe-chè, kap siông-siông hiàn ê sio-chè, kap in ê sò͘-chè, í-kı̍p in ê kòan-tiān í-gōa.

12

Chhit-ge̍h cha̍p-gō͘ jı̍t, lín tio̍h ū sèng-hōe, lóng m̄-thang chòe lô-tōng ê kang; tio̍h chhit-jı̍t kú siú-choeh ho̍k-sāi Iâ-hô-hoa.

13

Lín tio̍h hiàn sio-chè chòe phang-phang ê hé-chè hō͘ Iâ-hô-hoa, chiū-sī sòe-chiah ê gû-káng-á cha̍p-saⁿ chiah, mî-iûⁿ-káng nn̄g-chiah, bē-móa-nî ê iûⁿ-á cha̍p-sì chiah, lóng tio̍h bô hâ-chhû-ê.

14

In ê sò͘-chè ēng tiau-hô iû ê iù-mī-hún, ūi-tio̍h chit cha̍p-saⁿ chiah gû-káng, ta̍k chiah gû-káng hiàn cha̍p-hūn-saⁿ, ūi-tio̍h nn̄g chiah mî-iûⁿ-káng, ta̍k chiah mî-iûⁿ-káng hiàn cha̍p-hūn-nn̄g,

15

ūi-tio̍h hí cha̍p-sì chiah iûⁿ-á, ta̍k chiah iûⁿ-á hiàn cha̍p-hūn-chı̍t.

16

Iā hiàn chı̍t chiah soaⁿ-iûⁿ-káng chòe sio̍k-chōe-chè; che sī tī siông-siông hiàn ê sio-chè, kap i ê sò͘-chè, kap i ê kòan-tiān í-gōa.

17

Tē-jī jı̍t tio̍h hiàn sòe-chiah gû-káng-á cha̍p-jī chiah, mî-iûⁿ-káng nn̄g-chiah, bē-móa-nî ê iûⁿ-á cha̍p-sì-chiah, lóng tio̍h bô hâ-chhû-ê;

18

iā ūi-tio̍h gû-káng, iûⁿ-káng, kap iûⁿ-á, sòa hiàn i ê sò͘-chè, i ê kòan-tiān, lóng chiàu in ê siàu-gia̍h, chiàu hit ê lē;

19

iā hiàn chı̍t chiah soaⁿ-iûⁿ-káng chòe sio̍k-chōe-chè; che sī tī siông-siông hiàn ê sio-chè, kap i ê sò͘-chè, kap i ê kòan-tiān í-gōa.

20

Tē-saⁿ jı̍t tio̍h hiàn gû-káng-á cha̍p-it-chiah, mî-iûⁿ-káng nn̄g-chiah, bē-móa-nî ê iûⁿ-á cha̍p-sì-chiah, lóng tio̍h bô hâ-chhû-ê;

21

iā ūi-tio̍h gû-káng, iûⁿ-káng, kap iûⁿ-á, sòa hiàn i ê sò͘-chè, i ê kòan-tiān, lóng chiàu in ê siàu-gia̍h, chiàu hit ê lē;

22

iā hiàn chı̍t chiah soaⁿ-iûⁿ-káng chòe sio̍k-chōe-chè; che sī tī siông-siông hiàn ê sio-chè, kap i ê sò͘-chè, kap i ê kòan-tiān í-gōa.

23

Tē-sì jı̍t tio̍h hiàn gû-káng-á cha̍p-chiah, mî-iûⁿ-káng nn̄g-chiah, bē-móa-nî ê iûⁿ-á cha̍p-sì-chiah, lóng tio̍h bô hâ-chhû-ê;

24

iā ūi-tio̍h gû-káng, iûⁿ-káng, kap iûⁿ-á, sòa hiàn i ê sò͘-chè, i ê kòan-tiān, lóng chiàu in ê siàu-gia̍h, chiàu hit ê lē;

25

iā hiàn chı̍t chiah soaⁿ-iûⁿ-káng chòe sio̍k-chōe-chè; che sī tī siông-siông hiàn ê sio-chè, kap i ê sò͘-chè, kap i ê kòan-tiān í-gōa.

26

Tē-gō͘ jı̍t tio̍h hiàn gû-káng-á káu-chiah, mî-iûⁿ-káng nn̄g-chiah, bē-móa-nî ê iûⁿ-á cha̍p-sì-chiah, lóng tio̍h bô hâ-chhû-ê;

27

iā ūi-tio̍h gû-káng, iûⁿ-káng, kap iûⁿ-á, sòa hiàn i ê sò͘-chè, i ê kòan-tiān, lóng chiàu in ê siàu-gia̍h, chiàu hit ê lē;

28

iā hiàn chı̍t chiah soaⁿ-iûⁿ-káng chòe sio̍k-chōe-chè; che sī tī siông-siông hiàn ê sio-chè, kap i ê sò͘-chè, kap i ê kòan-tiān í-gōa.

29

Tē-la̍k jı̍t tio̍h hiàn gû-káng-á poeh-chiah, mî-iûⁿ-káng nn̄g-chiah, bē-móa-nî ê iûⁿ-á cha̍p-sì-chiah, lóng tio̍h bô hâ-chhû-ê;

30

iā ūi-tio̍h gû-káng, iûⁿ-káng, kap iûⁿ-á, sòa hiàn i ê sò͘-chè, i ê kòan-tiān, lóng chiàu in ê siàu-gia̍h, chiàu hit ê lē;

31

iā hiàn chı̍t chiah soaⁿ-iûⁿ-káng chòe sio̍k-chōe-chè; che sī tī siông-siông hiàn ê sio-chè, kap i ê sò͘-chè, kap i ê kòan-tiān í-gōa.

32

Tē-chhit jı̍t tio̍h hiàn gû-káng-á chhit-chiah, mî-iûⁿ-káng nn̄g-chiah, bē-móa-nî ê iûⁿ-á cha̍p-sì chiah, lóng tio̍h bô hâ-chhû-ê;

33

iā ūi-tio̍h gû-káng, iûⁿ-káng, kap iûⁿ-á, sòa hiàn i ê sò͘-chè, i ê kòan-tiān, lóng chiàu in ê siàu-gia̍h, chiàu hit ê lē;

34

iā hiàn chı̍t chiah soaⁿ-iûⁿ-káng chòe sio̍k-chōe-chè; che sī tī siông-siông hiàn ê sio-chè kap i ê sò͘-chè, kap i ê kòan-tiān í-gōa.

35

Tē-poeh jı̍t lín tio̍h ū giâm-siok-hōe, lóng m̄-thang chòe lô-tōng ê kang.

36

Lín tio̍h hiàn sio-chè chòe phang-phang ê hé-chè hō͘ Iâ-hô-hoa, chiū-sī gû-káng chı̍t-chiah, mî-iûⁿ-káng chı̍t-chiah, bē-móa-nî ê iûⁿ-á chhit-chiah, bô hâ-chhû-ê;

37

iā ūi-tio̍h gû-káng, iûⁿ-káng, kap iûⁿ-á, sòa hiàn i ê sò͘-chè, i ê kòan-tiān, lóng chiàu in ê siàu-gia̍h, chiàu hit ê lē;

38

iā hiàn chı̍t chiah kang ê soaⁿ-iûⁿ chòe sio̍k-chōe-chè; che sī tī siông-siông hiàn ê sio-chè kap i ê sò͘-chè, kap i ê kòan-tiān í-gōa.

39

Tī lín chiah ê choeh-kî, tio̍h ēng chiah-ê hiàn hō͘ Iâ-hô-hoa, lóng tī só͘ hē ê gōan, kap kam-sim só͘ hiàn-ê í-gōa, chòe lín ê sio-chè, sò͘-chè, kòan-tiān, kap pêng-an-chè.

40

Iâ-hô-hoa só͘ bēng-lēng Mô͘-se ê, Mô͘-se chiū chiàu án-ni lóng kā Í-sek-lia̍t lâng kóng.