Si-phian 第 114 章 - 巴克禮全羅

1

Í-sek-lia̍t chhut Ai-kı̍p. Ngá-kok-ke lī-khui giân-gú bōe siong-thong ê peh-sìⁿ;

2

Hit-sî Iû-tāi chòe I ê sèng-só͘, Í-sek-lia̍t chòe I ê pang-kok.

3

Tōa-hái khòaⁿ-kìⁿ chiū tô-cháu, Iok-tàn hô ia̍h lâu tò-tńg.

4

Tōa-soaⁿ tiô-thiàu chhin-chhiūⁿ iûⁿ-káng; Sòe-soaⁿ tiô-thiàu chhin-chhiūⁿ iûⁿ-á-kiáⁿ.

5

Tōa-hái ah, lí ūi siáⁿ tāi-chì tô-cháu? Iok-tàn ah, lí ūi siáⁿ tāi-chì lâu tò-tńg?

6

Tōa-soaⁿ ah, lí cháiⁿ-iūⁿ tiô-thiàu chhin-chhiūⁿ iûⁿ-káng? Sòe-soaⁿ ah, lí cháiⁿ-iūⁿ tiô-thiàu chhin-chhiūⁿ iûⁿ-á-kiáⁿ?

7

Tōe ah, lí kìⁿ-tio̍h Chú ê bīn, Kìⁿ-tio̍h Ngá-kok ê Siōng-tè ê bīn, chiū tio̍h ngia̍uh-ngia̍uh-chhoah.

8

I hō͘ chio̍h-pôaⁿ pìⁿ-chòe chúi-tî, Hō͘ tēng-chio̍h pìⁿ-chòe chúi-chôaⁿ.