Si-phian 第 113 章 - 巴克禮全羅

1

Lín tio̍h o-ló Iâ-hô-hoa. Iâ-hô-hoa ê lô͘-po̍k ah, lín tio̍h o-ló, O-ló Iâ-hô-hoa ê miâ.

2

Gōan Iâ-hô-hoa ê miâ siū o-ló, Tùi chit-sî kàu éng-óan.

3

Tùi jı̍t-chhut kàu jı̍t-lo̍h ê só͘-chāi, Iâ-hô-hoa ê miâ sī eng-kai o-ló--ê.

4

Iâ-hô-hoa pôaⁿ-kè lóng-chóng ê kok, I ê êng-kng khah-kôaiⁿ tī chiah ê thiⁿ.

5

Chī-chūi chhin-chhiūⁿ Iâ-hô-hoa lán ê Siōng-tè ah? I chē tī chì-kôaiⁿ ê só͘-chāi--ê.

6

I ka-kī khiam-pi, Koan-khòaⁿ thiⁿ-téng tōe-ē ê tāi-chì.

7

I tùi tîn-ai kú-khí sòng-hiong lâng, Tùi pùn-sò-tui thê-po̍at khiàm-kheh ê lâng;

8

Hō͘ i kap kùi-cho̍k saⁿ-kap chē, Chiū-sī kap pún-kok ê kùi-cho̍k saⁿ-kap chē.

9

I hō͘ bōe seng-io̍k ê hū-jîn-lâng liāu-lí ke; Chòe chōe-chōe kiáⁿ ê lāu-bú lâi hoaⁿ-hí. Lín tio̍h o-ló Iâ-hô-hoa.