Si-phian 第 125 章 - 巴克禮全羅

1

Chiūⁿ kiā-á ê si.1) Óa-khò Iâ-hô-hoa ê lâng, Chhin-chhiūⁿ éng-éng khiā-chāi, bōe iô-choah ê Sek-an soaⁿ.

2

Chèng-soaⁿ pau-ûi Iâ-lō͘-sat-léng, Iâ-hô-hoa ia̍h án-ni pau-ûi I ê peh-sìⁿ; Tùi chit-tia̍p kàu éng-óan.

3

Chōe-ok ê kôan-pèng bōe tiāⁿ-tiāⁿ tī gī-lâng ê hūn-gia̍h; Bián-tit gī-lâng chhun chhiú chòe-pháiⁿ.

4

Iâ-hô-hoa ah, kiû Lí hó khóan-thāi hiah ê chòe hó--ê, Í-kı̍p sim chèng-tı̍t ê lâng.

5

Lūn-kàu hiah ê oai-chho̍ah, kiâⁿ i oan-khiau ê lō͘ ê lâng, Iâ-hô-hoa tek-khak hō͘ in kap chòe-pháiⁿ ê lâng tâng-téng. Gōan pêng-an kui tī Í-sek-lia̍t.