Si-phian 第 124 章 - 巴克禮全羅

1

Chiūⁿ kiā-á ê si; Tāi-pı̍t só͘ chòe.1) Í-sek-lia̍t taⁿ tio̍h kóng, Nā m̄-sī Iâ-hô-hoa chān góan,

2

Nā m̄-sī Iâ-hô-hoa chān góan, Tī lâng khí-lâi kong-kek góan,

3

Tī in tùi góan hoat siū-khì ê sî, Chiū chiong góan o̍ah-o̍ah thun--lo̍h-khì;

4

Hit-sî chiah ê chúi tek-khak pôaⁿ-kè góan, Hô-chúi tek-khak im-ba̍t góan.

5

Hiong-kông ê chúi tek-khak im-ba̍t góan.

6

Gōan Iâ-hô-hoa siū o-ló, In-ūi I bô chiong góan chòe chia̍h-mı̍h, kau hō͘ in pō͘-chia̍h.

7

Góan ê sìⁿ-miā chhin-chhiūⁿ chiáu-á, thoat-lī lia̍h-chiáu--ê ê lô-bāng; Lô-bāng phòa-lı̍h, góan chiū thoat-lī.

8

Góan tit-tio̍h pang-chān, sī khò Iâ-hô-hoa ê miâ, I sī chhòng-chō thiⁿ-tōe--ê.