Si-phian 第 123 章 - 巴克禮全羅

1

Chiūⁿ kiā-á ê si.1) Chē tī thiⁿ-téng ê Chú ah, Góa kia̍h-ba̍k ǹg Lí.

2

Khòaⁿ ah, chòe lô͘-po̍k--ê ê ba̍k-chiu, cháiⁿ-iūⁿ ǹg chú-lâng ê chhiú, Chòe lú-pī--ê ê ba̍k-chiu, cháiⁿ-iūⁿ ǹg chú-bú ê chhiú, Góan ê ba̍k-chiu ia̍h chiàu án-ni ǹg Iâ-hô-hoa góan ê Siōng-tè; Tı̍t-tı̍t kàu I lîn-bín góan.

3

Iâ-hô-hoa ah, khó-lîn góan, khó-lîn góan; In-ūi góan hō͘ lâng khòaⁿ-khin, í-keng kàu-ke̍k.

4

Góan ê sim hō͘ hiah ê lâ-êng ê lâng léng-chhiò, Hō͘ kiau-ngō͘ ê lâng khòaⁿ-khin, Í-keng kàu-ke̍k.