Si-phian 第 137 章 - 巴克禮全羅

1

Góan bat chē tī Pa-pí-lûn ê hô-piⁿ, Chı̍t-ē siūⁿ-tio̍h Sek-an, ba̍k-sái chiū lâu.

2

Góan chiong góan ê khîm, Tiàu tī hit-ūi ê liú-chhiū.

3

In-ūi tī-hia lia̍h-góan--ê, ài góan chhiùⁿ-koa, Chhiúⁿ-góan--ê ài góan khòai-lo̍k, Kóng, Lín tio̍h kā góan chhiùⁿ chı̍t siú Sek-an ê koa.

4

Góan tī gōa-pang, Thái-thó ōe chhiùⁿ Iâ-hô-hoa ê koa?

5

Iâ-lō͘-sat-léng ah, góa nā bōe-kì-tit lí, Gōan góa ê chiàⁿ-chhiú sit-lo̍h i ê pún-sū.

6

Góa nā bōe-kì-tit lí, Nā bô khòaⁿ Iâ-lō͘-sat-léng khah kè-thâu tī góa só͘ tē-it hoaⁿ-hí ê, Gōan góa ê chı̍h liâm tī góa ê chiūⁿ-kiuⁿ.

7

Iâ-lō͘-sat-léng tú-tio̍h hōan-lān ê sî, Í-tong lâng kóng, Thiah-húi i, thiah-húi i, Tı̍t-tı̍t thiah kàu tōe-ki; Iâ-hô-hoa ah, kiû Lí kì-tit hit-jı̍t.

8

Teh-beh siū bia̍t ê Pa-pí-lûn siâⁿ ah, Pò-èng lí chhin-chhiūⁿ lí khóan-thāi góan ê, Hit-hō lâng ū hok-khì.

9

Lia̍h lí ê eⁿ-á, siak tī chio̍h-pôaⁿ ê, Hit-hō lâng ū hok-khì.