Si-phian 第 23 章 - 巴克禮全羅

1

Tāi-pı̍t ê si.1) Iâ-hô-hoa sī góa ê bo̍k-chiá, góa bô khiàm-kheh.

2

I hō͘ góa tó tī chhiⁿ-chhùi ê chháu-po͘; Chhōa góa tī an-chēng ê chúi-piⁿ.

3

I hō͘ góa ê lêng-hûn cheng-eng; Ūi-tio̍h I ê miâ, chhōa góa kiâⁿ gī ê lō͘.

4

Góa sui-jiân kiâⁿ-kè sí-ìm ê soaⁿ-kok, Ia̍h m̄-kiaⁿ chai-hāi; In-ūi Lí kap góa tī-teh; Lí ê thûi, Lí ê kóaiⁿ, an-ùi góa.

5

Tī góa tùi-te̍k ê bīn-chêng, Lí kā góa pâi-siat iân-sia̍h; Lí ēng iû boah góa ê thâu-khak; góa ê poe móa--chhut-lâi.

6

Un-tián kap chû-pi tek-khak tè góa kàu chı̍t-sì-lâng; Góa beh éng-óan khiā-khí tī Iâ-hô-hoa ê chhù.