Si-phian 第 3 章 - 巴克禮全羅

1

Tāi-pı̍t siám-pī i ê kiáⁿ Ap-sa-liông ê sî, lâi chòe ê si.1) Iâ-hô-hoa ah, góa ê tùi-te̍k chiah--nih chōe! Chōe-chōe lâng khí--lâi kong-kek góa.

2

Chōe-chōe lâng gī-lūn góa kóng, I bô thang tit-tio̍h Siōng-tè ê chín-kiù. [Sè-la̍h

3

Chóng-sī, Iâ-hô-hoa, Lí sī góa sì-ûi ê tîn-pâi; Sī góa ê êng-kng; koh sī hō͘ góa ê thâu kia̍h-kôaiⁿ--ê.

4

Góa ēng góa ê siaⁿ kiû-kiò Iâ-hô-hoa, I tùi I ê sèng-soaⁿ ìn góa. [Sè-la̍h

5

Góa tó--teh, góa khùn; Góa cheng-sîn, in-ūi Iâ-hô-hoa lóng pó-hō͘ góa.

6

Sui-jiân chheng-bān lâng khí--lâi, ûi-lûi kong-kek góa, Góa ia̍h bô kiaⁿ.

7

Iâ-hô-hoa ah, kiû Lí khí--lâi; Góa ê Siōng-tè ah, kiû Lí chín-kiù góa, In-ūi Lí siàn góa it-chhè tùi-te̍k ê chhùi-phóe, Phah-chı̍h pháiⁿ-lâng ê chhùi-khí.

8

Chín-kiù sio̍k-tī Iâ-hô-hoa; Gōan Lí sù-hok Lí ê peh-sìⁿ. [Sè-la̍h