Si-phian 第 48 章 - 巴克禮全羅

1

Khó-la̍h hō͘-è ê si-koa.1) Iâ-hô-hoa chì tōa, eng-kai tōa-tōa tit-tio̍h o-ló; Chiū-sī tī lán Siōng-tè ê siâⁿ, tī I sèng ê soaⁿ.

2

Sek-an soaⁿ, tōa kun-ông ê siâⁿ, tī pak-bīn, Kôaiⁿ-tōa koh hó-khòaⁿ, Hō͘ chôan-tōe só͘ hoaⁿ-hí.

3

Siōng-tè tī i ê keng-tiān-lāi, ka-kī hián-bêng chòe kôaiⁿ-tâi.

4

Khòaⁿ ah, lia̍t-ông chū-chı̍p, In saⁿ-kap tùi-chia keng-kè.

5

In khòaⁿ-kìⁿ chiū gông-ngia̍h; Kiaⁿ-hiâⁿ kín-kín cháu.

6

In tī-hia ngia̍uh-ngia̍uh-chhoah, Thàng-thiàⁿ chhin-chhiūⁿ siⁿ-kiáⁿ ê hū-jîn-lâng.

7

Lí ēng tang-hong, Phah-phòa Tha-si ê chûn.

8

Góan tī bān-kun ê Iâ-hô-hoa ê siâⁿ-tiong, chiū-sī góan ê Siōng-tè ê siâⁿ-tiong, Só͘ khòaⁿ-kìⁿ-ê tú-tú chiàu góan só͘ thiaⁿ-kìⁿ; Siōng-tè beh hō͘ chit ê siâⁿ kian-kò͘ kàu éng-óan. [Sè-la̍h

9

Siōng-tè ah, góan tī Lí ê tiān-lāi, Siàu-liām Lí ê chû-ài.

10

Siōng-tè ah, Lí só͘ siū ê o-ló, Tú-tú kap Lí ê miâ saⁿ-ha̍p, kàu tī tōe-ke̍k. Lí ê chiàⁿ-chhiú móa-móa kong-gī.

11

In-ūi Lí ê phòaⁿ-tòan, Sek-an soaⁿ tio̍h hoaⁿ-hí, Iû-tāi ê siâⁿ tio̍h khòai-lo̍k.

12

Lín tio̍h se̍h Sek-an, sì-ûi kiâⁿ i, Sǹg i ê siâⁿ-lâu,

13

Siông-sè khòaⁿ i ê siâⁿ-chhiûⁿ, Séng-chhat i ê ông-kiong, Beh hō͘ lín soan-thôan tī āu-tāi.

14

In-ūi chit ê Siōng-tè éng-éng óan-óan chòe lán ê Siōng-tè; I beh chhōa lán kàu tī sí ê sî.