Si-phian 第 47 章 - 巴克禮全羅

1

Khó-la̍h hō͘-è ê si; kau hō͘ Ga̍k-koaⁿ.1) Lín chèng peh-sìⁿ ah, lín lóng tio̍h tah-chhiú; Tio̍h ēng tek-sèng ê siaⁿ, tōa-siaⁿ o-ló Siōng-tè.

2

In-ūi Iâ-hô-hoa chì-kôaiⁿ--ê, thang kiaⁿ--ê, I sī tōa kun-ông, kóan-lí chôan-tōe.

3

I beh hō͘ bān peh-sìⁿ hâng-ho̍k tī góan ê ē-bīn; Ia̍h beh hō͘ lia̍t-pang tī góan ê kha-ē.

4

I kā góan kéng góan ê sán-gia̍p, Chiū-sī I só͘ thiàⁿ ê Ngá-kok ê êng-kng. [Sè-la̍h

5

Siōng-tè chiūⁿ-khì, ū hoah ê siaⁿ tè--I, Iâ-hô-hoa chiūⁿ-khì, ū hō-thâu ê siaⁿ tè--I.

6

Lín tio̍h chhiùⁿ-koa, o-ló Siōng-tè, tio̍h chhiùⁿ-koa o-ló; Chhiùⁿ-koa o-ló lán ê Ông, tio̍h chhiùⁿ-koa o-ló;

7

In-ūi Siōng-tè sī chôan-tōe ê Ông, Tio̍h ēng tì-hūi chhiùⁿ-koa o-ló I.

8

Siōng-tè chòe ông tī-lí bān-kok; Siōng-tè chē tī I sèng ê pó-chō.

9

Lia̍t-pang ê kùi-cho̍k chū-chı̍p, Beh chòe A-pek-la̍h-hán ê Siōng-tè ê peh-sìⁿ; In-ūi sè-kài ê tîn-pâi sī sio̍k tī Siōng-tè; I sī ke̍k-kôaiⁿ.