Si-phian 第 46 章 - 巴克禮全羅

1

Khó-la̍h hō͘-è ê si; kau hō͘ Ga̍k-koaⁿ; tiāu, sī ēng lú-im.1) Siōng-tè sī góan tô-siám ê só͘-chāi kap khùi-la̍t. Ia̍h sī hōan-lān-tiong kı̍p-sî ê pang-chān.

2

Só͘-í tōe sui-jiân piàn-chhian, Soaⁿ sui-jiân iô-tāng kàu hái-tiong,

3

Kî-tiong ê chúi sui-jiân hōa-hōa-háu giâ-éng, Soaⁿ sui-jiân in-ūi hái-tiòng iô-choah, góan ia̍h bô kiaⁿ. [Sè-la̍h

4

Ū chı̍t tiâu hô, i ê khui-chhe hō͘ Siōng-tè ê siâⁿ hoaⁿ-hí; chiū-sī Chì-kôaiⁿ--ê só͘ khiā-khí sèng ê só͘-chāi.

5

Siōng-tè tī hit tiong-kan, siâⁿ tek-khak bōe iô-tāng; Thiⁿ-phú-kng, Siōng-tè beh pang-chān i.

6

Īⁿ-pang hōa-hōa-háu, lia̍t-kok iô-tāng; Siōng-tè chhut I ê siaⁿ, tōe chiū siau-iûⁿ.

7

Bān-kun ê Iâ-hô-hoa kap góan tī--teh, Ngá-kok ê Siōng-tè chòe góan ê kôaiⁿ-tâi. [Sè-la̍h

8

Lâi ah, lâi khòaⁿ Iâ-hô-hoa ê só͘-chòe, Khòaⁿ I hō͘ tōe hong-hòe kàu cháiⁿ-iūⁿ.

9

I hō͘ kau-chiàn soah, kàu tī tōe-ke̍k; I at-chı̍h keng, chām-tn̄g chhiuⁿ; chiong chiàn-chhia sio tī hé-tiong.

10

Lín tio̍h tiāⁿ-tiāⁿ, tio̍h chai Góa sī Siōng-tè; Góa beh tī lia̍t-pang-tiong chòe kôaiⁿ-tōa, siū chun chòe tōa, Tī piàn tōe-chiūⁿ ia̍h chòe kôaiⁿ-tōa.

11

Bān-kun ê Iâ-hô-hoa kap góan tī-teh; Ngá-kok ê Siōng-tè chòe góan ê kôaiⁿ-tâi.