Si-phian 第 52 章 - 巴克禮全羅

1

Í-tong lâng To-ek lâi pò Sò-lô kóng, Tāi-pı̍t kàu A-hi-bí-le̍k ê ke. Hit-sî Tāi-pı̍t chòe chit ê kà-sī ê si; kau hō͘ Ga̍k-koaⁿ.1) Ióng-béng ê lâng ah, lí siáⁿ-sū ūi-tio̍h chòe-pháiⁿ lâi khoa-kháu? Siōng-tè ê chû-ài éng-óan tī-teh.

2

Lí ê chı̍h tô͘-bô͘ siâ-ok; Chhin-chhiūⁿ lāi ê thì-thâu-to, kiâⁿ kan-chà.

3

Lí ài pháiⁿ iâⁿ-kè ài hó; Ài pe̍h-chha̍t iâⁿ-kè ài kóng gī-lí. [Sè-la̍h

4

Khúi-khiat ê chı̍h ah, Lí ài kóng it-chhè thun-chia̍h ê ōe.

5

Siōng-tè ia̍h beh húi-hōai lí, kàu éng-óan, I beh lia̍h lí, tùi lí ê pò͘-pîⁿ-tiong khiú--chhut-lâi; Tùi o̍ah lâng ê tōe, chiong lí pu̍ih chhut lâi. [Sè-la̍h

6

Gī-lâng beh khòaⁿ-kìⁿ lâi kiaⁿ-hiâⁿ, Ia̍h beh chhiò i, kóng,

7

Khòaⁿ ah, che chiū-sī hit-hō bô lia̍h Siōng-tè chòe i ê khùi-la̍t ê lâng; Sī óa-khò i ê chîⁿ-châi ê chōe, Tī siâ-ok ka-kī khiā-chāi.

8

Lūn-kàu góa, góa sī chhin-chhiūⁿ Siōng-tè chhù-lāi chhiⁿ-chhùi ê kaⁿ-ná-chhiū; Góa éng-éng óan-óan óa-khò Siōng-tè ê chû-ài.

9

In-ūi Lí kiâⁿ che, góa beh kám-siā Lí kàu éng-óan; Góa ia̍h beh tī Lí sèng ê peh-sìⁿ ê bīn-chêng ǹg-bāng Lí ê miâ; in-ūi i ê miâ sī hó.